Ua Ou Auai i le Ekalesia a Iesu Keriso o le Au Paia o Aso e Gata Ai

Valaaulia se tamaitiiti e faia le tatalo amata.

Faaali atu le ata o i le itulau 106. Ta’u i tamaiti o le ata lea o Iesu Keriso ma tatou te auai i Lana Ekalesia. Faasino i le ata ma fesili atu, “O ai lea?”

Tali: “Iesu Keriso.”

Ata

Jesus Christ

Ta’u i tamaiti na tau mai e Iesu ia i tatou le igoa o le Ekalesia i tusitusiga paia. Susu’e tusitusiga paia ma faitau MFF 115:4: “Aua e faapea lava ona ta’ua la’u ekalesia i aso e gata ai, O Le Ekalesia a Iesu Keriso o le Au Paia o Aso e Gata Ai.” Valaaulia tamaiti tou te toe tauina faatasi le igoa o le Ekalesia, fai auauai ni nai upu i le taimi.

Uu i luga lau kopi o tusitusiga paia. Ta’u i tamaiti e tau mai e Iesu ia i tatou mea e finagalo o Ia tatou te iloa e ala mai i tusitusiga paia ma ua i ai tusitusiga paia i totonu o le Ekalesia a Iesu Keriso. Ia tatala lima o tamaiti e pei o loo faitauina tusitusiga paia. Valaaulia i latou e fai mai “o le Ekalesia a Iesu Keriso.”

Faamalamalama atu e talanoa mai Iesu i Ana perofeta ma o loo i ai perofeta i le Ekalesia a Iesu Keriso. Valaaulia tamaiti e fai mai “o le Ekalesia a Iesu Keriso.” Faaali atu se ata o le Peresitene o le Ekalesia o loo i ai nei. Faamalamalama atu o ia o lo tatou perofeta i le taimi nei. Valaaulia tamaiti tou te ta’uina faatasi lona suafa.

Valaaulia tamaiti tou te savavali faataamilo i le potu a o outou usuina le pese “O Le Ekalesia A Iesu Keriso” (Tusipese a Tamaiti, 48):

Ta’u atu sau molimau puupuu o loo tatou auai i le Ekalesia moni a Iesu Keriso.

Valaaulia se tamaitiiti e faia le tatalo faaiu.

• Mo le gaoioiga valivali ma le taaloga faafetaui: Kopi le ata tusi o i le itulau 107 mo tamaiti taitoatasi e valivali. Aumai ni fasipepa po o se isi mea faapena mo tamaiti e faaaoga o ni faailoga mo le taaloga faafetaui; aumai ia lava mo tamaiti taitoatasi ia i ai ni a latou faailoga tai tolu.

  Ata

  coloring page, the Church of Jesus Christ

  Ua Ou Auai i le Ekalesia a Iesu Keriso o le Au Paia o Aso e Gata Ai

  O Le Ekalesia a Iesu Keriso e i ai perofeta.

Ia valivali e tamaiti se kopi o le itulau 107. A o valivali i latou, toe faamanatu mataupu faavae na aoaoina i le lesona. Faasino i vaega o le ata ma faamalamalama i tamaiti le ata o loo latou valivalia. Faitau atu ia i latou upu o i le ata.

Tuuina atu i tamaiti taitoatasi ni fasi pepa taitolu. Faaali atu le ata tusi o i le itulau 107. Faasino i le ata o Iesu ma faapea atu, “O se ata lea o Iesu Keriso. Tatou te auai i Lana Ekalesia.” Valaaulia tamaiti e tuu se fasi pepa i luga o le ata o Iesu i a latou kopi.

Ona faasino atu lea i le ata o le perofeta ma faitau faamatalaga o loo i lalo ifo. Fai i tamaiti e ta’u le upu “perofeta” ma tuu le fasi pepa i luga o a latou ata. Toe fai mo le ata o tusitusiga paia. Ona fai lea i tamaiti tou te fai faatasi, “Ua Ou Auai i le Ekalesia a Iesu Keriso o le Au Paia o Aso e Gata Ai,” fai auauai ni nai upu i le taimi.

Filifili se gaoioiga mai le lesona 23 ma se tasi mai le lesona 24 e fesoasoani i tamaiti e toe faamanatu ai mea na latou aoaoina e uiga i tusitusiga paia ma perofeta. A maea ia gaoioiga, faamanatu i tamaiti o totonu o le Ekalesia a Iesu Keriso o loo i ai ni a tatou tusitusiga paia ma perofeta.