O Le a Ou Tausia Lelei Lo’u Tino

Valaaulia se tamaitiiti e faia le tatalo amata.

Ta’u i tamaiti na aumai e le Tama Faalelagi o tatou tino, ma e mafai ona tatou faia le tele o mea matagofie i o tatou tino. Faaali atu le ata o i le itulau 46. Faasino tagata taitoatasi o le aiga o loo i le ata; a e tusi i le pepe, fesili atu ni fesili e pei ona lisi atu i lalo. A maea fesili taitasi, valaaulia tamaiti tou te tali faatasi i le fai mai “Leai” a o matua lulu malosi lou ao mai lea itu i lea itu.

Ata

family playing

• E mafai ona savali se pepe?

• E mafai ona tautala se pepe?

• E mafai e se pepe ona togi se polo?

Ta’u i tamaiti na i ai le taimi na pepe ai i latou, ae o lea ua ola ma ua matutua.

Ia faatutu i luga tamaiti. Usu pe fai upu ia i le fati o le “Sa I Ai Se Tamaloa Aisa” (Tusipese a Tamaiti, 121) ma faia taga o loo i lalo. Valaaulia tamaiti tou te faia faatasi

Toe faaali atu le ata ma tusi i le tamaitiiti laitiiti o loo taaalo ma lona tama. Fai i tamaiti o lenei tamaitiiti e tai tutusa lo latou matutua. Fai i tamaiti fesili e pei ona lisi atu i lalo. A maea fesili taitasi, valaaulia tamaiti tou te tali faatasi mai “Ioe” a o matuai lue lou ulu.

• E mafai ona e savali? (ia savavali tamaiti i o latou tulaga)

• E mafai ona e tautala? (faitau faatasi ma tamaiti e tau i le lima)

• E mafai ona e togia se polo? (ia faafoliga o loo togi se polo ma sapo)

Fai i tamaiti ua faasolo ina matutua ona o loo latou aai i meaai lelei, momoe ma malolo, ma taeele e mama ai.

Faaali atu le ata tusi o i le itulau 47. Tusi i le teine o loo moe i le ata ma faamalamalama atu o le moe o se tasi lea o auala e tausi ai o tatou tino. Valaaulia tamaiti e faafoliga o loo momoe. Toe fai mo isi ata o loo i le ata tusi.

Ata

coloring page, I Will Take Care of My Body

Faailoa atu lou agaga faafetai mo tino ua aumai e le Tama Faalelagi mo i tatou. Valaaulia tamaiti e fai mai, “O le a ou tausia lelei lo’u tino,” fai auauai ni nai upu i le taimi.

Valaaulia se tamaitiiti e faia le tatalo faaiu.

• Mo le taaloga taumatemate: Aumaia ni meaai maloloina se tolu pe fa, e pei o fualaau aina suamalie ma fualaau mata fai supo, i luga o se ipu mafolafola. Aumai se mea e ufiufi ai le ipu meaai, e pei o se ie tele.

• Mo le gaoioiga valivali: Kopi le ata tusi o i le itulau 47 mo tamaiti taitoatasi e valivali.

Faaali atu i tamaiti le ipu meaai. Tusi i aitema taitasi, ma fesoasoani i tamaiti e ta’u o latou igoa. Ufiufi meaai i se ie; ona aveese lea o se aitema se tasi ma aveese le ie. Valaaulia tamaiti e mate po o le a le aitema lea ua misi. E sili ona aoga le gaoioiga lea mo tamaiti matutua.

Tauloto le fuaiupu o gaoioiga lea ma valaaulia tamaiti tou te faia faatasi:

Ia valivali e tamaiti se kopi o le ata tusi o i le itulau 47. A o valivali i latou, faamamafa atu o loo faaali mai i le ata tusi ia auala e mafai ona tatou tausia ai o tatou tino.