Ou Te Alofa i Lo’u Aiga

Valaaulia se tamaitiiti e faia le tatalo amata.

Faaali atu le ata o se aiga fiafia i le itulau 50. Ta’u i tamaiti ua tuuina mai e le Tama Faalelagi ia i tatou taitoatasi se aiga. Faamalamalama atu e alolofa o tatou aiga ia i tatou ma e mafai ona faaali atu lo tatou alofa i o tatou aiga e ala i le agalelei ma le loto fesoasoani.

Ata

parents with small boy

Uu le koneteina ma fai i se tamaitiiti e filifili se faatagata o le aiga. Ta’u i tamaiti le tagata o le aiga e faatusa i ai o le (tina, tama, tuagane, tuafafine, po o pepe), ma fai i tamaiti e faataitai mai ia te oe. Fautua atu se auala e faaali atu ai le alofa mo lena tagata o le aiga (o le teuina o mea taalo, fetufaai, ataata, ma isi). Valaaulia i latou e faafoliga le faiga o taga. Toe fai lenei gaoioiga mo faatagata taitasi o le aiga.

Usu pe fai atu upu o le pese “O Se Aiga Fiafia” (Tusipese a Tamaiti, 104) ma faia taga o loo i lalo. Valaaulia tamaiti tou te faia faatasi

Faamalosiau i tamaiti e alolofa ma agalelei i tagata o o latou aiga. Valaaulia i latou e fai mai, “Ou te alofa i lo’u aiga.”

Valaaulia se tamaitiiti e faia le tatalo faaiu.

• Mo le tala: Faailoga le itulau 18 i le tusi lesona lenei e faafaigofie ai ona e susue i ai.

• Mo le pepa lautele o i ai se savali: Talosaga i matua o tamaiti taitoatasi i le vasega pepe mo se tamai ata o faaali mai ai le tamaitiiti ma lona aiga (atonu ua maea ona latou aumaia muamua lenei ata ina ua faatoa auai mai le tamaitiiti i le vasega; tagai itulau 7). Faapipii ata o tamaiti i se pepa lautele malo. I le pito i luga, tusi ai “Ou te Alofa i Lo’u Aiga.”

Faaali i tamaiti le ata o Iesu ma Lona tina (itulau 18). Faasino ia Iesu ma ta’u i tamaiti o se ata lea o Iesu a o tamaitiiti o Ia. Tusi ia Maria ma fai atu o le tina lea o Iesu. Faamalamalama atu na i ai se aiga agaalofa o Iesu na tausia lelei o Ia a o laitiiti, ma na alofa tele o Ia i Lona aiga. Fautua atu ni auala e mafai e tamaiti ona faaali atu le alofa i o latou tina (e ala i le ataata, fesoasoani e faamama mea uma, fusi atu, ma isi mea faapena). Valaaulia i latou e faataitai le faiga o na mea.

Ata

boy Jesus praying

Faaopoopo upu fou i le pese “Mea Malie e Fai” (Tusipese a Tamaiti, 129) e aoao ai i tamaiti nisi o auala e mafai ona latou faaali atu ai le alofa i o latou aiga. Mo se faataitaiga, fai atu i tamaiti, “Sei faaali mai pe faapefea ona tatou alolofa ia Tuafafine.” Usu “Taaalo faatasi e malie tele” ma fai ni taga faigofie. O isi upu e mafai ona e faaaogaina o, “Teu mea taalo e malie tele,” “Tapena o le potu e malie tele,” “O le ataata e malie tele,” “Fesoasoani ia papa e malie tele,” ma isi.

Faaali le pepa lautele ua e saunia. Faasino i se ata ma faapea atu, “O le aiga lea o [igoa o le tamaitiiti]. O [igoa o le tamaitiiti] lea.” Toe fai mo tamaiti taitoatasi. Faamamafa atu e i ai uma lava o tatou aiga o e alolofa ia i tatou ma e tatou te alolofa foi ia i latou. Faaali atu le pepa lautele i vaiaso taitasi ma tuu atu le avanoa i tamaiti e tali ai fesili e faatatau i o latou aiga. (“O fea le aiga o [igoa o le tamaitiiti]?” “O fea o i ai [igoa o le tamaitiiti]?” “O fea o i ai Papa?” ma isi). Faaopoopo ata i le pepa lautele a o faaopoopo mai tamaiti i le vasega pepe.