E Fesoasoani le Agaga Paia ia te A’u

Valaaulia se tamaitiiti e faia le tatalo amata.

Ta’u i tamaiti o le a e usuina se pese e faatatau i le Tama Faalelagi. Usu pe fai atu upu o le fuaiupu muamua o le “Ua Ou Iloa o Soifua Lo’u Tama“ (Tusipese a Tamaiti, 8) ma faia taga o loo i lalo. Valaaulia tamaiti tou te faia faatasi

Valaaulia tamaiti e fai mai “Agaga.” Ta’u atu ia i latou o le isi igoa mo le Agaga o le Atua o le Agaga Paia. Valaaulia tamaiti e fai mai “Agaga Paia.” Faamalamalama atu e fesoasoani le Agaga Paia ia i tatou e iloa ai e alofa le Tama Faalelagi ia i tatou.

Ta’u atu i tamaiti a tatou faia le mea sa’o, e fesoasoani le Agaga Paia e faailoa mai ia i tatou ua tatou faia se filifiliga sa’o. Valaaulia tamaiti e fai faatasi ma oe a o e faia faatinoga faataitai o mea sa’o. Mo se faataitaiga:

O se mea sa’o le alu i le lotu. Tatou faataitai e savavali i le lotu (saele lima a o tou savavali i se li’o).

Toe faia mo isi faataitaiga, e pei o le faasoa atu o mea taalo, fesoasoani ia Tina e salu le fola, ma isi.

Faamalamalama atu o le Agaga Paia e fesoasoani foi ia i tatou pe a tatou fefefe. Faamatala le tala lea:

I se tasi aso na i ai le afa malosi i fafo o le fale o Tavita. Na leotetele faititili (pupuni e tamaiti o latou taliga) ma le tele o matagi (ia feula e tamaiti le ea e pei o le matagi) ma timuga (ia faataitai e tamaiti le timu i o latou tamatamailima). Na fefe Tavita. Na fai i ai lona tina a oo ina fefe o ia, ona tatalo lea i lona Tama Faalelagi (faaali atu le ata o i le itulau 30). Na tatalo Tavita ma lona tina ina ia puipuia i laua e le Tama Faalelagi. Ona lagona ai lea e Tavita le saogalemu ma le fiafia. Na fai mai lona tina na auina mai e le Tama Faalelagi le Agaga Paia e aumaia na lagona ia te ia ina ia le fefe ai.

Ata

mother and boy praying

Valaaulia tamaiti e fai mai “Agaga Paia.”

Faasoa atu lau molimau e uiga i le Agaga Paia. E ono aofia ai i lau molimau se aafiaga faigofie ma puupuu mai lou lava soifuaga i se taimi na taitaiina ai oe e le Agaga Paia.

Valaaulia se tamaitiiti e faia le tatalo faaiu..

• Mo le gaoioiga i le mau: Aumai se kopi o le Tusi Paia. Faailoga le Ioane 14:26 e faafaigofie ai ona e susue i ai.

• Mo le gaoioiga i le ata tusi: Kopi le ata tusi o i le itulau 31 mo tamaiti taitoatasi.

  Ata

  coloring page, Holy Ghost cube

  E Fesoasoani le Agaga Paia ia te A’u

  Alu i le lotu

  Tatalo

  Ia agalelei

  Usiusitai i matua

• Mo le taaloga e fai i le poloka: Kopi le ata tusi o i le itulau 31 ma valivali pe a mananao ai. ‘Oti i luga o le laina solo atoa ma gagau i luga o laina togitogi. Faapipii pito ia maua ai se poloka.

Faia se li’o ma tamaiti ma tauloto le fuaiupu o gaoioiga lea:

Ta’u i tamaiti na aoao mai Iesu i tusitusiga paia o le a aoaoina i tatou e le Agaga Paia. Susue le Tusi Paia i le Ioane 14:26 ma faitau, “O le Agaga Paia … na te aoao ia te outou i mea uma lava.” Valaaulia tamaiti tou te toe faia faatasi le fuaiupu, fai auauai ni nai upu i le taimi.

Faaali atu le ata tusi o i le itulau 31 ma tuuina atu i tamaiti taitoatasi se kopi o le ata tusi. Tusi [lou lima] i le ata o le falelotu o le Ekalesia ma faamalamalama e faapea, e fesoasoani le Agaga Paia ia tatou iloa o le alu i le lotu o le mea sa’o lea e fai. Valaaulia tamaiti e tusi lima i le falelotu ia latou kopi. Toe faia mo isi ata tusi.

Faataavale le poloka na e faia. Faitau le faaupuga i le pito i luga o le poloka, ma fai i tamaiti tou te toe faia faatasi. Ona faia lea e tamaiti se taga faigofie e talafeagai ma le ata. A pito i luga le itu o loo i ai upu “E Fesoasoani le Agaga Paia Ia te A’u”, ta’u i tamaiti e fesoasoani le Agaga Paia ia tatou iloa ai ua tatou faia se mea lelei. Toe faia, ma tuuina atu i tamaiti taitoatasi se avanoa e faataavale ai le poloka.

Ata

cube diagram