Pumanaw da Lehi ken Saria iti Jerusalem

Ladawan

parmata ti Apo

Nagnaed da Lehi ken Saria idiay Jerusalem a kaduada dagiti annakda. Nakita ni Lehi ti parmata manipud iti Apo. Nakitana nga umayto ti Mangisalakan ditoy lubong iti maysa nga aldaw. Impakita pay ti Apo kenkuana a madadaelto ti Jerusalem.

1 Nephi 1:4–18

Ladawan

Ni Lehi a makisarsarita kadagiti makagura a tao

Imbaga ni Lehi kadagiti tao maipapan iti parmatana. Imbagana kadakuada nga umayto ni Jesucristo iti maysa nga aldaw a mangisalakan iti lubong.

1 Nephi 1:18–19

Ladawan

parmata maipapan kadagiti nadadael a pasdek

Imbaga pay ni Lehi kadagiti tao a madadaelto ti Jerusalem. Inawisna ida nga agbabawi.

1 Nephi 1:14, 18–19

Ladawan

makagura a tattao

Nakagura dagiti tao. Nakisarita manen ti Apo ken ni Lehi iti tagtagainep. Naammuan ni Lehi a saanto a natalged isuna ken ti pamiliana idiay Jerusalem. Nasken a pumanawda.

1 Nephi 1:19–20; 2:1–2

Ladawan

pamilia a pumampanaw iti siudad

Tinungpal da Lehi ken Saria ti Apo. Pimmanawda iti siudad a kaduada ti pamiliada. Adda uppat nga annak a lallaki da Lehi ken Saria nga agnagan iti Laman, Lemuel, Sam, ken Nephi. Nasken a panawanda ti pagtaenganda ken dagiti nasayaat a kukuada a banag.

1 Nephi 2:3–5

Ladawan

pamilia nga agdaldaliasat

Nagdaliasat ti pamilia iti langalang iti asideg iti Nalabaga a Baybay. Nagyaman ni Lehi iti Apo gapu iti panangbendisionna iti pamiliana. Insurona ti pamiliana a sumurot iti Apo ken agtungpal kadagiti bilinna.

1 Nephi 2:5–10

Ladawan

pamilia iti let-ang

Nagdayamudom da Laman ken Lemuel. Mailiwda iti pagtaenganda ken amin a banag nga imbatida. Saanda a maawatan no apay a kiniddaw ti Apo kadakuada a pumanawda. Saanda a mamati a madadael ti dakkel a siudad a kas iti Jerusalem.

1 Nephi 2:11–13

Ladawan

Da Laman ken Lemuel

Impagarup da Laman ken Lemuel nga ar-arapaapen ni Lehi dagiti parmatana. Kasano ngay no agnanayon a nayaw-awan ti pamiliada iti langalang?

1 Nephi 2:11

Ladawan

Nephi

Kayat ni Nephi a maammuan a mismo a pudno ti kinuna ni Lehi. Nagkararag ken nagdamag iti Apo.

1 Nephi 2:16

Ladawan

Nephi

Imbaon ti Apo ti Espiritu Santo a mangtulong ken ni Nephi a mamati kadagiti balikas ti amana. Namati ni Nephi iti Apo ket imbinglayna dagiti nasursurona kadagiti kakabsatna. Dimngeg ni Sam ken ni Nephi ket namati kenkuana, ngem saan a dimngeg da Laman ken Lemuel.

1 Nephi 2:16–18