“Enos,” Dagiti Estoria iti Libro ni Mormon (2023)
“Enos,” Dagiti Estoria iti Libro ni Mormon
Enos
Nabileg a kararag iti Apo
Inted ni Jacob dagiti pinanid iti anakna a ni Enos. Nagsurat ni Enos kadagitoy a kas iti inaramid ni Jacob. Maysa nga aldaw naganup ni Enos iti kabakiran. Nalagipna no ania ti insuro ti amana maipapan iti Apo. Insuro ni Jacob ken ni Enos a ti panangsurot iti Apo ti mangisangbay kenkuana iti rag-o.
Kayat ni Enos a marikna ti rag-o nga insarita ti amana. Inkeddengna ti agkararag iti Apo. Nagkararag iti unos ti aldaw ken agingga iti rabii.
Imbaga ti Apo ken ni Enos a napakawanen dagiti basolna. Kasta unay ti ragsak ni Enos. Naparaburan ni Enos gapu iti pammatina ken ni Jesucristo.
Kayat ni Enos a marikna met dagiti Nephite ti kastoy a ragsak. Intultuloyna ti panagkararag. Indawatna iti Apo a marikna dagiti Nephite ti isu met laeng a rag-o.
Imbaga ti Apo ken ni Enos a kaduaennanto dagiti Nephite no tungpalenda dagiti bilinna. Idi nangngeg ni Enos daytoy, ad-adda pay a pimmigsa ti pammatina iti Apo.
Nagkararag manen ni Enos. Indawatna iti Apo a bendisionanna dagiti Lamanite ken pagtalinaedenna a natalged dagiti sinurat kadagiti pinanid. Kayatna a mabasa dagiti Lamanite dagiti pinanid ken mamatida iti Apo. Inkari ti Apo ken ni Enos a mabasanto dagiti Lamanite dagiti sinurat iti maysa nga aldaw.