Chʼol 14
Li Profeet ut eb’ li k’utb’esinb’il na’leb’ choq’ re li Iglees
Septiembre re 1830
Naab’aleb’ komon sa’ li Iglees ke’xpaab’ laj Hiram Page. Laj Oliver Cowdery a’an jun reheb’. Junjunqeb’ ke’xk’oxla naq laj Hiram Page a’a jun li profeet.
Tzolʼlebʼ ut Sumwank 28, xtiklajik li tasal
Laj Oliver kipatz’ok re laj Jose chirix laj Hiram Page. Laj Jose kitijok, ut li Jesus kixk’e re jun k’utb’esinb’il na’leb’. Li Jesus kixye naq jun ajwi’ li winq taaruuq tixk’ul li k’utb’esinb’il na’leb’ choq’ re chixjunil li Iglees. Li winq a’an, a’an li Profeet aj Jose Smith.
Li Jesus kixye naq laj Oliver ut jaleneb’ te’ruuq chixk’ulb’al li k’utb’esinb’il na’leb’ choq’ reheb’ xjuneseb’ rib’, a’ut ink’a’ choq’ re chixjunil li Iglees. Laj Oliver kixpaab’ laj Jose. Kixnaw chik naq moko yaal ta lix k’utb’esinb’il na’leb’ laj Hiram Page.
Li Jesus kixye re laj Oliver naq chiraatina laj Hiram Page. Laj Oliver kixye re naq li k’utb’esinb’il na’leb’ kixk’ul rik’in li pek moko reheb’ ta li Dios.
Laj Oliver kixye naq laj Satanas kixb’alaq’i laj Hiram Page. Laj Hiram kirab’i li raatin laj Oliver ut kixjal xk’a’uxl.
Anajwan, ka’ajwi’ li Awa’b’ej re li Iglees naxk’ul li k’utb’esinb’il na’leb’ choq’ re chixjunil li Iglees. A’an jun xprofeet li Dios. Li komon sa’ li Iglees tento te’ab’inq chiru li profeet.