Chʼol 24
Eb’ li na’b’ej yuwa’b’ej tento te’xtzoleb’ li ralal xk’ajol
Noviembre re 1831
Laj Jose Smith kitijok re taatenq’aaq. Lix sumenkil li Qaawa’ ki’aatinak ajwi’ chirix li xnimal ru na’leb’ chirix li wank choq’ chaab’il na’b’ej yuwa’b’ej.
Eb’ li na’b’ej yuwa’b’ej tento te’xtzoleb’ li ralal xk’ajol chirix li Jesukristo ut te’xtenq’aheb’ chixnimankileb’ xpaab’aal chirix a’an.
Eb’ li na’b’ej yuwa’b’ej tento te’xk’ut chiruheb’ li ralaj xk’ajol chanru li jalb’a’-k’a’uxlej.
Li Jesukristo kixye naq eb’ li kok’al tento te’kub’eeq xha’ naq waqxaqib’ chihab’ wan reheb’. Eb’ li na’b’ej yuwa’b’ej tento te’xk’ut li evangelio chiruheb’ li ralal xk’ajol naq maji’ te’kub’eeq xha’.
Eb’ li na’b’ej yuwa’b’ej tento te’xtzoleb’ li ralaj xk’ajol chirix li maatan re li Santil Musiq’ej. Eb’ li na’b’ej yuwa’b’ej tento ajwi’ te’xk’ut chiruheb’ li ralaj xk’ajol chanru li tijok ut chanru te’rab’i li Santil Musiq’ej.
Eb’ li na’b’ej yuwa’b’ej tento te’xk’ut chiruheb’ li ralaj xk’ajol xnawb’aleb’ ut xpaab’ankileb’ lix taqlahom li Dios ut li wank choq’ chaab’il komon sa’ li Iglees.
Eb’ li na’b’ej yuwa’b’ej ut eb’ li kok’al li neke’xtaaqe lix k’utum li Jeskirsto te’ruuq te’xk’ul li sahil ch’oolejil maak’a’ roso’jik jo’ junkab’al.