Lesson 6 Materyal sa Paghahanda para sa Klase: Paggamit ng Simbolismo upang Mas Maunawaan ang Nakatutubos na Kapangyarihan ni Cristo

“Lesson 6 Materyal sa Paghahanda para sa Klase: Paggamit ng Simbolismo upang Mas Maunawaan ang Nakatutubos na Kapangyarihan ni Cristo,” Materyal ng Titser para sa Kursong Si Jesucristo at ang Kanyang Walang Hanggang Ebanghelyo (2023)

“Lesson 6 Materyal sa Paghahanda para sa Klase,” Materyal ng Titser para sa Kursong Si Jesucristo at ang Kanyang Walang Hanggang Ebanghelyo

Larawan

Adam and Eve Offering Sacrifice [Nag-aalay ng Hain sina Adan at Eva], ni Keith Larson

Lesson 6 Materyal sa Paghahanda para sa Klase

Paggamit ng Simbolismo upang Mas Maunawaan ang Nakatutubos na Kapangyarihan ni Cristo

Napansin mo ba kung gaano kadalas gumagamit ang mga banal na kasulatan ng mga simbolo upang turuan tayo tungkol kay Jesucristo? Halimbawa, Siya ay inihambing sa tubig (tingnan sa Juan 4:14), tinapay (tingnan sa Juan 6:48), ilaw (tingnan sa Juan 8:12), isang bato (tingnan sa Helaman 5:12), araw (tingnan sa Malakias 4:2), at sa isang pastol (tingnan sa Mga Awit 23:1). Bago pa man Siya isinilang, gumamit si Jehova ng mga simbolo upang tulungan ang Kanyang mga tagasunod na asamin ang Kanyang pagparito at ang Kanyang nakatutubos na kapangyarihan. Habang pinag-aaralan mo ang ilang halimbawa sa lesson na ito, isipin kung paano mapapalalim ng mga simbolo sa banal na kasulatan ang iyong kaalaman at pagmamahal sa iyong Manunubos.

Bahagi 1

Ano ang matututuhan ko tungkol kay Jesucristo sa pamamagitan ng simbolismo ng pag-aalay ng hayop?

Nakasaad sa isang artikulo tungkol sa kapangyarihan ng simbolismo: “Ang simbolo ng ebanghelyo ay maaaring maging bagay, kaganapan, kilos, o turo na sumasagisag sa isang espirituwal na katotohanan. … ‘Dahil sa mga simbolo nauunawaan natin ang mga ideya at damdaming hindi kayang ipaliwanag ng mga salita. Naipahihiwatig natin ang ating damdamin kahit hindi tayo magsalita’ [Joseph Fielding McConkie and Donald W. Parry, Guide to Scriptural Symbols (1990), 1]” (“Bakit mga Simbolo?,” Liahona, Peb. 2007, 15, 16).

Sa mga banal na kasulatan, isa sa mga unang makapangyarihang simbolo ng Tagapagligtas ay ang pag-aalay ng hayop. Matapos kainin nina Adan at Eva ang ipinagbabawal na bunga at kinailangan nilang lisanin ang Halamanan ng Eden, sila ay inutusang sambahin ang Panginoon at mag-alay ng kordero bilang handog sa Kanya.

Larawan

lalaki na hawak ang isang kordero

Larawan

icon, pag-aralan

Mag-aral upang Makapaghanda para sa Klase

Basahin ang Moises 5:4–8, at isipin kung ano ang itinuturo sa atin ng simbolong pag-aalay ng isang walang malay at batang kordero tungkol sa pag-ibig ng Diyos at sa sakripisyo ni Jesucristo. (Paalala: Ang ibig sabihin ng kahalintulad ay pagkakatulad, pagkakawangis, o simbolo.)

Gamit ang simbolismo ng pag-aalay ng hayop, nagpatotoo si Apostol Pedro na tayo ay matutubos lamang “ng mahalagang dugo ni Cristo, gaya ng sa korderong walang kapintasan at walang dungis” (1 Pedro 1:19; tingnan din sa Alma 34:36).

Larawan

Adam and Eve Offering Sacrifices [Nag-aalay ng mga Hain sina Adan at Eva], ni Del Parson

Sinunod ng mga pinagtipanang tao ng Panginoon ang batas ng pag-aalay ng hayop bilang simbolo ng sakripisyo ni Jesucristo—at ang pag-aalay na iyan ay isang paalala na Siya ay magbabayad-sala para sa kanilang mga kasalanan. Tinulungan sila nitong asamin ang araw na iyon.

Itinuro ni Elder Jeffrey R. Holland ng Korum ng Labindalawang Apostol:

Larawan
Elder Jeffrey R. Holland

Sa pamamagitan ng pag-aalay nila ng munting kordero bilang simbolo sa mortalidad, ipinahayag ni Adan at ng kanyang angkan ang pagkaunawa at pag-asa nila sa nagbabayad-salang sakripisyo ni Jesus ang Pinahiran. (“Narito, ang Cordero ng Dios,” Liahona, Mayo 2019, 44)

Larawan

icon, pagnilayan

Magnilay-nilay upang Makapaghanda para sa Klase

Paano pinalalalim ng pag-unawa sa simbolismong pag-aalay ng hayop ang iyong pagmamahal at pagpapahalaga sa nagbabayad-salang sakripisyo ni Jesucristo para sa iyo?

Bahagi 2

Paano ako mahihikayat ng mga simbolo ng Paskuwa na hangarin ang nakatutubos na kapangyarihan ng Tagapagligtas sa aking buhay?

Ang pag-aalay ng mga panganay na kordero ay nagpatuloy sa buong panahon ng Lumang Tipan. Ang gawaing ito ay naging lalong makabuluhan sa mga Israelita nang mapalaya sila mula sa pagkaalipin sa mga taga-Ehipto.

Ang kuwento ng paglaya ng Israel mula sa pagkabihag sa Egipto ay makatutulong sa atin na maunawaan kung paano tayo sinasagip ng Panginoon mula sa iba’t ibang uri ng pagkabihag na nararanasan natin. Bagama’t ang pagkaalipin ng mga Israelita ay isang uri ng pisikal na pagkaalipin, Itinuro ni Elder Quentin L. Cook ng Korum ng Labindalawang Apostol na maaari din tayong makaranas ng pagkaalipin dahil sa kasalanan, adiksyon, o paniniwala sa mga maling ideya (tingnan sa “Mga Panaghoy ni Jeremias: Mag-ingat sa Pagkaalipin,” Liahona, Nob. 2013, 88–91).

Ang mga Israelita ay mga alipin sa Ehipto nang mga 400 taon. Ngunit hindi sila nalimutan ng Panginoon. Alam Niya ang kanilang mga kalungkutan at narinig Niya ang kanilang mga pagsamo. Dumating Siya upang iligtas sila at tinawag si Moises upang tumulong. Noong gabi bago ang pagliligtas sa Israel, itinuro ng Panginoon ang Paskua, na puno ng mga simbolo na naglalayong ituro ang tungkol sa kapangyarihan ng Tagapagligtas na iligtas ang lahat ng susunod sa Kanya.

Larawan

kordero

Larawan

icon, isulat

Isulat ang Iyong mga Naisip

Sa kasunod na talahanayan [table], isulat kung ano sa palagay mo ang ibig sabihin ng bawat isa sa mga simbolo ng Paskuwa. Isipin kung ano ang maaaring ituro sa atin ng mga simbolong ito tungkol sa nakatutubos na kapangyarihan ng Tagapagligtas at kung paano ito matatamo. Maaari mong pag-aralan ang mga suportang banal na kasulatan para magkaroon ng karagdagang mga ideya.

Simbolismo ng Paskuwa

Talata	Simbolo	Mga Posibleng Kahulugan	Mga Suportang Banal na Kasulatan*
Talata 3	Simbolo Bawat bahay ay nag-alay ng isang kordero	Mga Posibleng Kahulugan Ang nakatutubos na kapangyarihan ni Jesucristo ay para sa lahat.	Mga Suportang Banal na Kasulatan* 2 Nephi 26:25–28, 33
Talata 5	Simbolo Lalaking kordero na walang kapintasan	Mga Posibleng Kahulugan	Mga Suportang Banal na Kasulatan* Juan 1:29; Mga Hebreo 5:8–9
Talata 7	Simbolo Ang dugo ay ipapahid sa mga haligi ng pinto ng bawat bahay	Mga Posibleng Kahulugan	Mga Suportang Banal na Kasulatan* Mosias 4:2; Alma 5:21
Talata 8	Simbolo Tinapay na walang pampaalsa (tinapay na ginawa nang walang pampaalsa, na nagdudulot ng pagkasira at amag sa tinapay)	Mga Posibleng Kahulugan	Mga Suportang Banal na Kasulatan* Juan 6:35, 48, 57–58; 1 Corinto 5:7–8
Talata 8	Simbolo Mapapait na Gulay	Mga Posibleng Kahulugan	Mga Suportang Banal na Kasulatan* Alma 41:11; Doktrina at mga Tipan 19:18
Talata 11	Simbolo May bigkis ang baywang, suot ang mga sandalyas sa mga paa, hawak ang tungkod, at madaliin ang pagkain	Mga Posibleng Kahulugan	Mga Suportang Banal na Kasulatan* Alma 34:32–33

Ang sumusunod na mga tuntunin ay makatutulong sa iyo na mas maunawaan kung paano bibigyang-kahulugan ang mga simbolo sa banal na kasulatan:

Sikaping maunawaan ang simbolo sa konteksto ng scripture passage.
Gamitin ang mga tulong sa pag-aaral, tulad ng mga footnote, at Gabay sa mga Banal na Kasulatan.
Alamin kung nagkomento ang mga sinaunang propeta noon o ngayon sa mga scripture verse at sa mga simbolo nito.
Magbulay-bulay, magnilay, at manalangin tungkol sa scripture passage at sa mga simbolo nito.

Bahagi 3

Anong iba pang mga simbolo sa Lumang Tipan ang makapagtuturo sa akin tungkol sa nakatutubos na kapangyarihan ng Tagapagligtas?

Itinuro ni Elder Bruce R. McConkie ng Korum ng Labindalawang Apostol:

Larawan
Elder Bruce R. McConkie

Bawat banal na ordenansa o pagsasagawa na inorden ng Diyos, bawat pag-aalay, simbolismo, at kahalintulad … [ay] itinatag … upang magpatotoo tungkol kay [Jesucristo]. …

Makabubuti at tama na hanapin ang mga pagkakahalintulad kay Cristo saanman at gamitin ang mga ito nang paulit-ulit upang maisaisip siya at ang kanyang mga batas sa tuwina. (The Promised Messiah: The First Coming of Christ [1978], 28, 453)

Larawan

tao na nag-aaral ng mga banal na kasulatan

Larawan

icon, pag-aralan

Mag-aral upang Makapaghanda para sa Klase

Ang Lumang Tipan ay puno ng maraming magagandang simbolo na nagpapatotoo sa nakatutubos na kapangyarihan ng Tagapagligtas. Upang mapalalim ang iyong pang-unawa, basahin ang isa sa mga scripture passage sa ibaba at pagkatapos ay pagnilayan ang kasunod na mga tanong sa pag-aaral.

Tumanggap ang Israel ng tinapay mula sa langit: Exodo 16:1–4, 14–16, 35 (tingnan din sa Juan 6:5–14, 48–51)
Ang tubig ay bumukal mula sa isang bato: Exodo 17:1–6 (tingnan din sa Juan 4:7–15)
Ang Araw ng Pagtubos: Levitico 16:2–6, 17 (tingnan din sa Mga Hebreo 9:6–12; 10:11–12)
Iniligtas ang mga Israelita mula sa mga ahas: Mga Bilang 21:4–9 (tingnan din sa Juan 3:14–15; Alma 33:19–21)

Mga Tanong sa Pag-aaral

Ano ang mga posibleng simbolo ni Jesucristo (sa madaling salita, anong bagay, kaganapan, kalagayan, o mga tao ang nagtuturo o kumakatawan sa Kanya) sa scripture passage na ito?
Ano ang maaaring isinasagisag at itinuturo sa atin ng mga simbolong ito tungkol sa banal na misyon ni Jesucristo?
Paano mapapalakas ng pag-unawa sa mga simbolong ito ang aking pananampalataya kay Jesucristo at sa Kanyang kapangyarihan na iligtas ako?

Gusto Mo Bang May Matutuhan Pa? (Opsiyonal)

Ano ang mga karagdagang simbolo sa Lumang Tipan na makatutulong sa akin na matutuhan pa ang tungkol kay Jesucristo?

Narito ang ilang halimbawa ng mga simbolo sa banal na kasulatan na nagtuturo tungkol sa Tagapagligtas:

Inialay ni Abraham ang kanyang anak na si Isaac: Genesis 22:1–13 (tingnan din sa Jacob 4:5)
Inanyayahan ni Isaias ang mga nauuhaw na uminom: Isaias 55:1–2 (tingnan din sa 2 Nephi 9:50–51)
Si Jonas ay nilulon ng isang malaking isda: Jonas 1:17; 2:10 (tingnan din sa Mateo 12:38–40)

Napapatawad ba ang kasalanan sa mga pag-aalay ng hayop noong unang panahon?

Itinuro ni Propetang Joseph Smith na ang Tagapagligtas lamang ang tanging pagmumulan ng pagpapatawad. Gayunpaman, ang nagsasagawa ng pag-aalay ng hayop noong unang panahon ay napaalalahanan tungkol sa banal na kaloob na ito:

Larawan

Ang Propetang si Joseph Smith

Ang pagbuhos ng dugo ng isang hayop ay [talagang] walang saysay sa sinumang tao, maliban kung ginawa ito para gayahin, o [bilang] kahalintulad [o simbolo] ng, o paliwanag ng kung ano ang iaalay sa pamamagitan ng kaloob mismo ng Diyos—at gawin ito na nakatuon ang mata sa pananampalataya sa kapangyarihan ng dakilang Sakripisyong iyon para sa kapatawaran ng mga kasalanan. (Mga Turo ng mga Pangulo ng Simbahan: Joseph Smith [2007], 57)