Wase 12
Na Vakamau e Kena
Sa tiko talega o Jisu kei ira na Nona tisaipeli ena dua na kana ni vakamau e Kena. A tiko talega kina o Meri, na tinai Jisu. A tukuna vei Jisu ni sa oti na medra waini na vulagi era a sureti.
E dokai tinana o Jisu ka lomani koya. A taroga vei tinana se cava e vinakata Vua me cakava.
Joni 2:4 (raica na ivakamacala e botona 4a)
Sa tukuna o Meri vei ira na dauveiqaravi me ra cakava ga na ka e kaya o Jisu.
Sa kaya o Jisu vei ira na dauveiqaravi me ra tawana e ono na saqa lelevu ena wai. Na saqa yadua oqo e rawa ni tawa kina e 18 ki na 27 na qaloni (68 ki na 102 na lita) Sa qai vukica o Koya na wai me waini.
Sa qai tukuna o Koya vei ira na dauveiqaravi me ra takiva mai na waini mai na saqa ka solia vei iliuliu ni soqo.
Sa kurabui sara o iliuliu ni soqo ena gauna sa gunuva kina na waini. Na waini gunu vinaka duadua e dau soli ga ena itekivu ni soqo. Ia ena gauna oqo, a soli sara e muri na waini gunu vinaka duadua.
Oqo na imatai ni caka mana i Jisu a vakayacora o Koya ena Nona bula ena vuravura oqo. A vakayacora o Koya na ka oqo me vukei tinana kina. E a vukea talega na kena vaqaqacotaki na nodratou vakabauta na Nona tisaipeli.