Wase 40
Na iVakatawa Vinaka
Na ivakatawa e dau taqomaki ira na nona sipi. E vukea me vakasaqara na kedra kakana kei na wai ni gunu. E dau qarauna me ra kakua ni mavoa se yali. E kilai ira ka lomani ira ka na solia na nona bula ena vukudra.
O Jisu Karisito e vakatokai Koya me iVakatawa Vinaka. Sai Koya na noda ivakatawa. Sai keda na Nona sipi. E lomani keda. E vukei keda me da vulica na ka dina. E vakavulica vei keda na sala me da bula kina me da lesu rawa vei Tamada Vakalomalagi. A solia na Nona bula ena vukuda.
A kaya na iVakabula vei ira na tamata e Jerusalemi ni sa tiko eso tale na Nona sipi. E kaya o Koya ni na sikovi ira na sipi oqo. Era a sega ni kila na tamata na ka sa tukuna.
Ni sa tucake tale o Jisu, a laki sikovi ira na Nona sipi e Amerika. Na iVola i Momani e tukuna na Nona laki veisiko e kea. A tiko o Jisu e kea me vica na siga, ka vakabulai ira na tauvimate ka vosa vakalougatataki ira na tamata. A solia vei ira na matabete ka tauyavutaka na Nona lotu. E a vakavulica talega vei ira na tamata oqo na veika vata ga a vakatavulica vei ira e Jerusalemi.