3. Ilang ng Judea at ang Patay na Dagat

Tumatanaw patimog-silangan sa ilang ng Judea. Nakikita sa likuran ang Patay na Dagat.

Mahahalagang Pangyayari: Ang ilang ng Judea ay isang mahalagang kanlungan sa maraming pagkakataon noong sinaunang kasaysayan. Nagtago si David mula kay Haring Saul (1 Sam. 26:1–3). Nag-ayuno si Jesus ng 40 araw at 40 gabi (Mat. 4:1–11; Marcos 1:12–13). Ginamit ni Jesus ang daan mula sa Jerusalem patungong Jerico na tumatahak sa ilang ng Judea bilang tagpo para sa talinghaga ng mabuting Samaritano dahil ang mag-isang naglalakbay sa pook na iyon ay madaling biktima (Lucas 10:25–37). (Tingnan sa Gabay sa mga Banal na Kasulatan, “Patay na Dagat.”)