Wóltaʼii 16
Diyin Yá Yáłtiʼí Joseph Smith díí diyingo bił ííshją́ą́ ályaa éí Peter Whitmer Jr. bá, Fayette, New Yorkdi, Yaʼiishjááshchilí 1829yę́ędą́ą́ʼ (wóltaʼii 14gi alą́ąjįʼ saad dashijaaʼígíí yídííłtah). Peter Whitmer Jr. éí náás hodeeshzhiizhgo Naaltsoos Mormon Wolyéhígíí łaʼ Tseebíí Daʼiiłtsáanii Bizaad Tʼáá Aanínígíí yitah silį́į́ʼ.
1–2, Diyin Bóhólníihii nahasdzáán tʼáá átʼé bighaan yee yaa áhályą́; 3–6, Diyingo naʼnitin bee yisdáʼiildéehii bee naʼnitin dóó iiʼnaazínii yisdánáhánííł éí tsʼídá aláahdi ílį́.
1 Shánaalʼaʼí Peter, íísíníłtsʼą́ą́ʼ, dóó Jesus Christ bizaad yísíníłtsʼą́ą́ʼ, ni Bóhólʼníihii dóó ná Ninaʼnídláí.
2 Háálá áko shooh, adziilii dóó tsʼídá bikʼeʼdidíítį́į́łgo nichʼįʼ yáshtiʼ, háálá shigaan nahasdzáán tʼáá ałtsogóó bee baa áháshyą́.
3 Diné doo bił bééhózinii bee nił hodeeshnih tʼáá hazhóʼó ni dóó shí tʼéiyá—
4 Hááłá haʼátʼíí éí tsʼídá ałááhdi ílíinii nił nilį́įgo níł bééhodoozį́į́łígíí tʼóó ahayóódi bee nínáshidíníłkid.
5 Áko shooh, díí biniinaa nikʼihojishdlįʼ, dóó shizaad bee yáníłtiʼígíí ałdoʼ éí shibee ndahazʼáanii bikʼehgo naanílá.
6 Áádóó kʼad, áko shooh, ándishní, Shí ándishní, áko tsʼídá ałááhdi ílíinii nił nilį́į doołeełígíí éí díí diné ádaa náʼookąąh bee nanítin doo, áko iiʼnaazíinii shaa hidííʼish, áko shiTaaʼ bił hazʼą́ądi bił yah anáhidoohkah áko nihił hodéezyéél doo. Amen.