Wóltaʼii 22
Diyin Yá Yáłtiʼí Joseph Smith díí diyingo bił ííshją́ą́ ályaa, Manchester, New Yorkdi, Tʼą́ą́chil 16, 1830yę́ędą́ą́ʼ. Díí diyingo ił ííshją́ą́ ályaa biniinaaígíí éí łaʼ tʼáá íídą́ą́ʼ nááná łah Sodizinjí tó bee dabidiiszį́į́ʼ éí tó bee alzį́į́h tʼáágééd Sodizin bihididiikah danízin.
1, Tó bee alzį́į́h éí ániid dóó hoolʼáágóó diyingo bee ahaʼdeetʼaah átʼé; 2–4, Tó bee alzį́į́h éí adziilii bee álʼį́.
1 Áko shooh, díí biniinaa shí ánihidishní tʼáá áłtso ałkʼidą́ą́ diyingo bee ahadaʼdeestʼánée nahjįʼ kwééshłaa; éí ániid dóó hoolʼáágóó diyingo bee ahadaʼdeestʼánii átʼé, éí tʼáá hodeeyáádę́ę́ʼ niilyá.
2 Ákohgo, tʼááłáhídi neeznádiindi diné tó bee nábiʼdoolzį́į́h ndi doo bíkáʼadoolwoł da, háálá Moses bibee hazʼáanii doo bee kʼéházʼdon yah ahóótʼiʼ góneʼ yah azhdoogáał da, doodago nihinaanish kʼad doo chodaaʼínígíí ałdóʼ bee.
3 Háálá nihinaanish kʼad doo chodaaʼínígíí biniinaa díí akéeʼdi diyingo bee ahadaʼdeestʼáanii dóó díí sodizin shichʼįʼ hadilyaa, tʼáá ałkʼidą́ą́ʼ átʼéhę́ęgiʼ átʼéego.
4 Ákohgo, yahʼeʼatiindę́ę́ʼ yah ahohkááh, bee nihichʼįʼ haasdzíʼę́ęgiʼ átʼáo, dóó tʼáadoo nihiDiyin God bá ndahohʼáhí. Amen.