Wóltaʼii 26
Diyin Yá Yáłtiʼí Joseph Smith dóó Oliver Cowdery, dóó John Whitmer díí diyingo bił ííshją́ą́ ádaalyaa, Harmony, Pennsylvaniadi, Yaʼiishjáástsoh 1830yę́ędą́ą́ʼ (wóltaʼii 24gi alą́ąjįʼ saad dashijaaʼígíí yídííłtah).
1, Diyin God bizaad ndaołkaah dóó bee ndaʼnohtin biʼdooniid; 2, Sodizin daʼatahígíí yanídadiilnihgo bee hazʼáanii bee bá lą́ azlį́į́ʼ.
1 Áko shooh, ánhidishní Diyin God bizaad ndaałkaahgo bádahoołʼaah, dóó bee ndaʼnohtin, dóó Colesvilledi sodizin atah danilínígíí bidziilgo ádaohłeʼ, áádóó kéyah bikááʼgóó naanish ádaołʼį́įgo baa ádadoohtʼaah, bá nidzinígíí ádáołʼį́įgo, eʼeʼaahjí ntsaago áłah aleeh ánáádaohdlaago; éí bikéedi índa haʼátʼíí ádadohlíłígíí bee nihił dahodoonih.
2 Áádóó tʼáá ałtsóní sodizin daʼatahígíí yee nínádiijahgo yee lą́ ńdaʼałeehgo ádaʼoołʼį́į doo, yéego sodizin dóó niheʼoodląʼ choodáołʼį́įgo, háálá tʼáá ałtsóní niheʼoodląʼ binahjįʼ nihaadaʼiideeł doo. Amen.