Mwakoro 25
Kaotioti ae kaotaki rinanon Iotebwa Timiti te Burabeti, i Harmony, Pennsylvania, n Turai 1830 (taraa te kabwarabwaraan mwakoro 24). Te kaotioti aei e kaota ana kantaninga te Uea nakon Emma Timiti, buun te Burabeti.
1–6, Emma Timiti, te aine ae e rineaki, e weteaki bwa e na buoka ao ni karaua nanon buuna; 7–11, E weteaki naba bwa e na koroboki, kabwarabwarai koroboki aika tabu, ao n rinei kuna n taromauri; 12–14, Aia anene naake a raoiroi bon te tataro nakon te Uea; 15–16, Tuan te ongeaba n te kaotioti aei e kaineti nakoia aomata ni kabane.
1 Ongo ni bwanaan te Uea ae Atuam, ngkai I taetae nakoim, Emma Timiti, ae natiu te aine; bwa e koaua ae I tuangko, ni kabane naake a akarekea au euangkerio bon natiu mwaane ao natiu aine n babanueau.
2 Te kaotioti ae I anganiko ni kaineti ma au kantaninga; ao ngkana ko kakaonimaki ao n anakonako n te kawai ae btamaroa i matau, N na kawakina maium, ao ko na karekea cam bwaibwai i Tion.
3 Nooria, a kabwaraaki am abure, ao ngkoe te aine ae ko rineaki, are I a tia ni bweteiko.
4 Tai ngurengure ibukin bwaai ae ko tuai noorii, bwa a bon tauaki mai iroum ao man te aonaba, bwa e bon wanawana aei irou ibukin te tai ae na roko.
5 Ao nakoam n weteakim bon te akaraunano nakon au tia mwakuri, Iotebwa Timiti te Ataei, ae buum i nanon karawawataana, ma taeka ni karaunano, n te nano ae nimamannei.
6 Ao ko na nako ma ngaia ngkana e nako, ao n riki bwa te tia koroboki ibukina, ngkai akea moa te tia koroboki ibukina, bwa I aonga ni kanakoa au tia mwakuri, Oliver Cowdery, nakon taabo are I taku.
7 Ao ko na akatabuaki i aan baina ni kabwarabwarai koroboki aika tabu, ao ni kaunga te ekaretia, ni kaineti ma aron are ko na anganaki iroun Tamneiu.
8 Bwa e na katoka abaina i aom, ao ko na karekea te Tamnei ae Raoiroi, ao ko na kabanea am tai ni koroboki, ao n reiakina ae mwaiti.
9 Ao ko riai n aki maaku, bwa e na boutokaiko buum n te ekaretia; bwa aweteana bon ibukiia, bwa e aonga ni bkaotaki bwaai ni kabane nakoia, ake I taku, ni kaineti nakon aia onimaki.
10 Ao e koaua ae I tuangko bwa ko na katikui abwain te baonaba aei, ao cukoukori bwaain ae e raoiroi riki.
11 Ao ko na anganaki naba, bwa ko na rinei akuna n taromauri aika tabu, n aron ae ko na anganaki, are e kakukureiai, bwa e na kamanenaaki n au ekaretia.
12 Bwa e kimwareirei tamneiu n te aanene man te bnano; eng, aia anene naake a raoiroi bon te tataro nakoiu, ao e na kaekaaki ma te kakabwaia i aon atuia.
13 Mangaia ae, tabekarake nanom ao kukurei, ao kawakini berita are ko a tia ni karaoi.
14 Reitinako n te nano ae animamannei, ao tarataraiko man te bkamoamoa. E na kimwareirei tamneim iroun buum, ao e na roko te mimitong i aona.
15 Kawakini au tua n taai nako, ao ko na karekea abaun te braoiroi. Ao ngkana ko aki karaoa aei, ko caki kona n roko ike I mena iai.
16 Ao e koaua, e koaua, ae I tuangko, bwa aio abwanaau nakoimi ni kabane. Amen.