1 Au tia mwakuri, ae Orson Hyde, e weteaki man katabuana bwa e na katanoata te euangkerio ae akea tokina, mai iroun ^aTamnein te Atua ae maiu, man te botanaomata teuana nakon te botanaomata teuana, ao man te aba teuana nakon te aba teuana, n aia botaki naake a buakaka, i nanon aia auti n nebo, ni maroro ma ngaia ao ni kabwarabwarai koroboki aika tabu ni kabane nakoia.

2 Ao, nooria, ao taraia, aio te banna nakoia ni kabane naake a katabuaki nakon te nakoanibonga aei, are aia mition e rineaki ibukia bwa a na waki nako—

3 Ao aio te banna nakoia, bwa a na ^ataetae ngke a kairaki iroun te Tamnei are Raoiroi.

4 Ao bwaai nako are a na taekinna ngkana a kairaki iroun te ^aTamnei are Raoiroi a na riki bwa koroboki aika tabu, ana kantaninga te Uea, ana iango te Uea, ana taeka te Uea, e na riki bwa bwanaan te Uea, ao ^bmwaakan te Atua nakon te kamaiuaki.

5 Nooria, aio ana berita te Uea nakoimi, O ngkami au taan mwakuri.

6 Mangaia are, kukurei, ao tai ^amaaku, bwa Ngai te Uea I mena iroumi, ao n tei ibukimi; ao kam na kaota koauau, are Iesu Kristo, bwa Ngai Natin te Atua ae maiu, bwa Ngai ngkoa, bwa Ngai ngkai, ao bwa Ngai ae e na roko.

7 Aio ana taeka te Uea nakoim, au tia mwakuri ae ^aOrson Hyde, ao nakoim naba au tia mwakuri ae Luke Johnson, ao nakoim naba au tia mwakuri ae Lyman Johnson, ao nakoim au tia mwakuri ae William E. McLellin, ao nakoimi ni kabane unimwaane aika kakaonimaki n au ekaretia—

8 ^aNaako ngkami ni kabuta te aonaba, n ^btataekina te euangkerio nakoia ^caomata ni kabane, ni mwakuri n te ^dkariaia are I a tia n anganingkami, ni ^ebwabetito n aran te Tama, ao te Nati, ao te Tamnei ae Raoiroi.

9 Ao ^aane e kakoaua ao ni bwabetitoaki e na ^bkamaiuaki, ao ane e aki kakoaua e na ^ckabuakakaaki.

10 Ao ane e kakoaua e na kakabwaiaki ma ^akanikina aika a na iriiria, n aron ae e koreaki.

11 Ao nakoimi e na kaotaki bwa kam na atai ^akanikinaean taian tai, ao kanikinaean rokon Natin te Aomata;

12 Ao ni kabane are e na kakoaua te Tama ibukiia, kam na anganaki te mwaaka ni ^akabaeia nakon te maiu ae akea tokina. Amen.

13 Ao ngkai, ni kaineti ma bwaai irarikin te berita aika tabu ma tua, ae ngaia aikai—

14 Iai tabeman ^abitiobi ae a na kaokoroaki nakon te ekaretia n taai aika a na roko, n oin ana tai te Uea, bwa a na ibuobuoki n aron are te moan;

15 Mangaia are a na riki bwa ^aibonga aika rietata ake a tau, ao a na rineaki iroun te ^bMoan Beretitentii n te Nakoanibonga ae te Merekitereka, ma tii ngkana bon kanoan raoi ^cAaron.

16 Ao ngkana bon kanoan raoi ^aAaron iai irouia te kariaia nakon te bitiobiriki, ngkana ngaia tenaan karimoa n nati i buakoia natin Aaron;

17 Bwa te karimoa n nati e taua te kariaia n tararua n te beretitentii i aon te nakoanibonga aei, ao taian ^akiing ke te kariaia n te nakoanibonga aei.

18 Akea te aomata ae iai irouna te kariaia nakon te nakoa aei, n taui kiingin te nakoanibonga aei, ma tii ngkana ^akanoan raoi ao te karimoa n nati mai iroun Aaron.

19 Ma ibukina te ^aibonga ae rietata n te Nakoanibonga ae te Merekitereka iai irouna te kariaia ni karaoi mwakuri ni kabane n tenaan nakoa ake a rinano e kona ni karaoi mwakuri n te nakoa ae te ^bbitiobi ngkana a aki kona ni kuneaki kanoan raoi Aaron, ngkana e weteaki ao ni kaokoroaki ao ni katabuaki nakon te mwaaka aei, i aan baia te Moan Beretitentii n te Nakoanibonga ae te Merekitereka.

20 Ao kanoan raoi Aaron, a riai naba n rineaki mai iroun te Beretitentii aei, ao ni kuneaki n tau, ao ni ^akabiraki, ao ni ^bkatabuaki i aan baia kaain te Beretitentii aei, ngkana a aki ao bon akea te kariaia irouia ni karaoi mwakuri n te nakoanibonga are irouia.

21 Ma, ngkana e boto i aon te kariaia ibukin inaomataia n te nakoanibonga are man te karo nakon natina te mwaane, a kona ni bubuti kabirakiia n te tai are a kona ni kaota koauan rikiia, ke ni kakoaua man te kaotioti mai iroun te Uea i aan baia te Beretitentii are atongaki i eta.

22 Ao teuana riki, akea te bitiobi ke te ibonga ae rietata ae e na kaokoroaki ibukin te mwakuri ni ibuobuoki aei ae e na kabowiiaki ke ni kabuakakaki ibukin bure nako, ma tii i matan te ^aMoan Beretitentii n te ekaretia;

23 Ao ngkana e teimatoa ni kuneaki bwa e bure i matan te Beretitentii aei, man te kakoaua ae e aki kona ni kuneaki kairuana, e na bon kabuakakaaki;

24 Ao ngkana e raira nanona e na ^akabwaraaki ana bure, ni kaineti ma te berita ae tabu ao tuan te ekaretia.

25 Ao teuana riki, ngkana a teimatoa ^akaaro ni karikia natiia i Tion, ke n ana ^btiteiki ake a tia ni kateaki, ae a aki ^creireiniia bwa a na oota n te reirei ibukin te rairannano, te onimaki iroun Kristo ae Natin te Atua ae maiu, ao te bwabetito ao te bwaintituaraoi ae te Tamnei ae Raoiroi man te katoka bai, ngkana ai ^dwaniua aia ririki, te ^ebure e na bon mena i aon atuuia kaaro.

26 Bwa aio e na riki bwa te tua nakoia kaain ^aTion, ke n ana titeiki ake a tia ni kateaki.

27 Ao natiia a na ^abwabetitoaki ibukin ^bkamaunaan aia bure ngkana ^cwaniua aia ririki, ao ni karekea te katoka bai.

28 Ao a na reireiniia naba natiia n ^atataro, ao n eti raoi n nakonako i matan te Uea.

29 Ao kaain Tion a na karinea naba te bong ae te ^aTabati ao n tabuia.

30 Ao kaain Tion a na uringa naba aia mwakuri, ngkana a teimatoa n rineaki bwa a na mwakuri, ni kakaonimaki nakon aia kabane ni konaa; bwa te aomata ae taningaroti e na bon uringaki i matan te Uea.

31 Ngkai, Ngai, te Uea, I aki kukurei ma kaain Tion, bwa iai aomata aika ^ataningaroti i buakoia; ao natiia a rikirake naba i nanon te ^bbuakaka; a aki naba ^cukoukora te kaubwai ae akea tokina ma nanoia ni koaua ma a bon onrake mataia n te mataai.

32 A aki riai bwaai aikai, ao n riai ni bua mai i buakoia; mangaia are, e riai au tia mwakuri ae Oliver Cowdery n uoti taeka aikai nakon aban Tion.

33 Ao te tua ae I anganiia—bwa ane e aki karaoa ana ^atataro imatan te Uea ni bon taina, e riai n ^buringaki imatan aia tia moti au aomata.

34 ^aTaeka aikai a bon koaua ao ni kakaonimaki; mangaia are, tai urui, ke ni ^bkamaunai taeka mai iai.

35 Nooria, Ngai te ^aArebwa ao te Omeka, ao e tawe ^brokou. Amen.