Titeiki

Teuana te iunete ni babaire ao te rabwata n tararua n Ana Ekaretia Iesu Kristo ibukiia Aika Itiaki ni Boong aika Kaitira. Te titeiki kanoana bon tabeua taian uote ke mwanga. Ni bon arona iai tiana n te aba ao e kabotauaki ma tein te umwa n rianna are e kabwarabwaraki n Itaia 54:2: “Kananaui maean umwam, ao kamatoai kain umam.” Titeiki n tatabeua nako i Tion a boutoka ao a buokia ni katearake te Ekaretia n aron katean te umwa n rianna ke te mwaneaba ni kaina. Te titeiki bon aia tabo ni ikotaki nikiran Iteraea ake a kamaenakoaki (R&B 82:13–14; 101:17–21).