“Moisiu në Malin Sinai”, Tregime nga Dhiata e Vjetër (2022)
“Moisiu në Malin Sinai”, Tregime nga Dhiata e Vjetër
Eksodi 19–20; 24; 31–34; Ligji i Përtërirë 4–7
Moisiu në Malin Sinai
Duke i ndihmuar njerëzit që të kujtonin Zotin
Moisiu dhe izraelitët udhëtuan përmes shkretëtirës. Ata mbërritën te një mal i quajtur mali Sinai.
Moisiu u ngjit në mal që të fliste me Zotin. Zoti i tha Moisiut se Ai donte të fliste me izraelitët ballë për ballë.
Izraelitët erdhën në rrëzë të malit Sinai dhe Zoti bëri që mali të rrethohej nga një re tymi. Zoti ishte në re. Ai u foli izraelitëve dhe u dha urdhërime. Mali u drodh teksa Ai fliste.
Eksodi 19:16–19; 20:1–17; Ligji i Përtërirë 4:12–13, 33; 5:4–5
Izraelitët kishin frikë. Ata i kërkuan Moisiut të fliste me Zotin, në mënyrë që Moisiu të mund t’u thoshte atë që dëshironte Zoti.
Moisiu i çoi Aaronin dhe 70 prej pleqve të Izraelit në mal që të merrnin më shumë mësime nga Zoti. Zoti iu shfaq atyre.
Më pas Zoti i tha Moisiut t’i linte pleqtë dhe të shkonte edhe më lart në mal. Moisiu u bind. Zoti e përdori gishtin e Tij për t’i shkruar ligjin dhe urdhërimet e Tij mbi pllakat prej guri. Për 40 ditë, Zoti i mësoi Moisiut shumë gjëra.
Ndërkohë që Moisiu ishte në malin Sinai, populli i Izraelit u lodh duke pritur për të. Ata i thanë Aaronit të bënte statuja që t’i adhuronin, siç kishin bërë në Egjipt. Aaroni mblodhi gjithë arin e tyre dhe bëri një statujë të një viçi.
Izraelitët e adhuruan viçin e artë dhe ofruan flijime. Ata thanë se ishte viçi i artë, jo Zoti, që i çliroi nga Egjipti.
Zoti e dinte se izraelitët po adhuronin një idhull dhe po e harronin Atë. Ai e urdhëroi Moisiun të kthehej dhe t’u thoshte njerëzve të pendoheshin.
Moisiu zbriti nga mali Sinai dhe i pa izraelitët duke adhuruar viçin e artë. Ishte shumë i mërzitur. Populli nuk ishte gati t’u bindej ligjit dhe urdhërimeve që kishte shkruar Zoti. Moisiu i theu pllakat dhe e shkatërroi viçin e artë. Ai i ndihmoi izraelitët që të pendoheshin dhe të kujtonin Perëndinë e tyre të vërtetë.
Moisiu i kërkoi Zotit që t’i falte izraelitët dhe t’u bënte sërish premtime. Moisiu premtoi që t’i udhëhiqte dhe t’i mësonte ata.
Zoti i kërkoi Moisiut që të krijonte pllaka të reja prej guri dhe të kthehej në malin Sinai. Zoti u bëri një premtim të ri izraelitëve dhe u dha atyre Dhjetë Urdhërimet e Tij.
Eksodi 20:2–17; 34:1–17, 28; Ligji i Përtërirë 6:24–25; 7:12–13