“Noeu dhe Familja e Tij”, Tregime nga Dhiata e Vjetër (2022)
“Noeu dhe Familja e Tij”, Tregime nga Dhiata e Vjetër
Zanafilla 6–9; Moisiu 8
Noeu dhe Familja e Tij
Një arkë, një përmbytje dhe premtimet e Zotit
Noeu dhe familja e tij iu bindën Zotit. Të gjithë njerëzit e tjerë ishin shumë të ligj. Zoti i tha Noeut se një përmbytje do të mbulonte tokën nëse njerëzit nuk do të pendoheshin.
Zanafilla 6:5–13; Moisiu 8:13–17
Noeu u mësoi njerëzve se Zoti i donte ata dhe donte që ata të pendoheshin dhe të kishin besim te Jezu Krishti. Ata nuk e dëgjuan.
Noeu u trishtua që njerëzit nuk do të pendoheshin. Zoti i tha Noeut të ndërtonte një anije të madhe të quajtur arkë. Arka do ta mbante familjen e Noeut të sigurt gjatë përmbytjes.
Zanafilla 6:14–18; Moisiu 8:25
Familja e Noeut futi ushqime në arkë. Zoti dërgoi të paktën dy kafshë nga çdo lloj për Noeun. Kafshët u futën në arkë dhe shtatë ditë më vonë filloi të bjerë shi.
Ashtu siç pati paralajmëruar Zoti, për 40 ditë dhe net ra shi. Një përmbytje e mbuloi tokën.
Familja e Noeut dhe të gjitha kafshët në arkë lundruan të sigurta mbi ujë.
Kur përmbytja mbaroi, arka zbarkoi në tokë të thatë. Noeu dhe familja e tij ndërtuan një altar për të adhuruar Zotin dhe e falënderuan Atë që i mbrojti. Zoti premtoi që nuk do ta përmbyste më kurrë tokën. Ai dërgoi një ylber si një kujtues të premtimit të Tij.