Em̧ool—Kom̧ Naaj Weeppān

Jeje ko rekwojarjar kar je n̄an kōjeraam̧m̧an im rōjan̄ kōj, im em̧ool āindein aer kōm̧m̧an. Jej kam̧m̧oolol lan̄ kōn kajjojo jebta im eoon kar litok n̄an kōj. Ak kwojeļā ke bwe kajjojo kiiō im tokālik juon eoon enaaj waļo̧ktok n̄an kakeememej bwe kōj jej likjab? N̄an waanjon̄ok, Kwaļo̧k eo ioon Toļ eo eaar jinoe kōn aenōm̧m̧an, m̧ōņōņō, ak ilo eoon kein tok jet, kar jiron̄ kōj—ibwiljin men ko jet—bwe jen jab uror ak barāinwōt em̧ool jab illu. Kar jiron̄ kōj bwe jen jab ļōn̄ ak barāinwōt em̧ool jab būki ļōmņak ko rettoon. N̄an ro rej kajjitōk kake, jej leļo̧k ad kopā im barāinwōt jej leļo̧k ad ko̧o̧j. Jej aikuj iakwe ro rej kōjdāt kōj, im jar kōn ro rej matōrtōr kōj, im kōm̧m̧an em̧m̧an n̄an ro rej matōrtōr kōj.¹

Eļan̄n̄e ej am̧ ekkatak jeje ko rekwojarjar in jibbon̄, im ālkin riiti menin jej lo bwe eban em̧m̧an m̧aak ko am̧ riboot kaat eo am̧ ilo gospel eo, innām bwe kien eo āliktata ilo menin ej bwe jen kadedeļo̧k jerbal in: “Kom̧ naaj weeppān āinwōt Jememwōj i lan̄ E … weeppān.”² Ilo jem̧ļo̧kin naan in, jej ebbweer im jab kōņaan kajjieon̄ in ļoor katak kein. Im āinwōt n̄e jeban tōpar jibadbad eo an celestial. Em̧ool Irooj eban letok n̄an kōj juon kien me Ejeļā bwe jeban maron̄ kōjparoke. Jen lale ia in kapan̄pan̄ in ej bōkļo̧k kōj n̄ane.

Ilo peļaakin Kabun̄ in ij ron̄ an elōn̄ ro rej kakkōt ilo menin: “Ejjab bwe em̧m̧an eo ilo n̄a.”“Ilikjab.” “Iban erreeo.” Iaar ron̄ jān jodikdik ro. Iaar ron̄ jān mijinede ro. Iaar ron̄ jān rioktak ro rekāāl. Iaar ron̄ jān membōr ro eto aer membōr. Āinwōt an juon kōrā in Armej ro Rekwojarjar ilo Raan-ko Āliktata, Sister Darla Isackson, eaar kile bwe Setan ej kajjieon̄ in kōm̧m̧an bwe bujen im kien ko ren tōn kaje im liaakeļo̧k. Bwe jet em̧ōj an ukōt katak im im̧we eo an gospel eo bwen menin jum̧ae im kabūrom̧ōjm̧ōj.³

Ta eo ij ba kiiō eban ejjeļo̧k iaļen kariabe ak kajejtokjen jabdewōt kien em̧ōj an Anij letok n̄an kōj. Ij tōmak ilo An kwojarjar, im ijeļā jej ļaddik im leddik ro Nejin ilo jetōb kōn aorōk eo ekwojarjar n̄an weppān āinwōt E. Ak ij bar jeļā bwe, āinwōt ro nejin Anij, jej jab liaakeļo̧k ak jook kōn kōj make, āinwōt n̄e jej kōm̧ad ad ilo mour in im ekōm̧m̧an bwe jen āinwōt armej eo Anij ekōņaan bwe jen erom̧. Jaab! Kōn juon kōņaan n̄an ukweļo̧k im juon ikdeleel n̄an kōļapļo̧k wānōk iien otmejej ilo būruwōd, ij kōjatdikdik bwe jenaaj pukot em̧m̧anļo̧k eo ad make ilo juon wāween eo me eban kūnōōrļo̧k kōj, kabūrom̧ōjm̧ōj, ak kadikļo̧k aorōk eo ad make. Menin ejjab ta eo Irooj ekōņaan n̄an ajri ro ilo Būraimere ak jabdewōt ro rej m̧ool ilo an al kōn al in, “I’m trying to be like Jesus.”⁴

N̄an kalikkar menin, in kakeememej kōj aolep bwe jej mour ilo juon laļ eo elikjab im kiiō jej armej ro relikjab. Jej armej ro ilo laļ eo an telestial ej speeļ in ej t,ejjab juon c. Āinwōt an Būreejtōn Russell M. Nelson kar kwaļo̧k, ilo mour in wānōk ej “likjab” wōt.⁵

Ij kanooj tōmak bwe Jisōs eaar jab kwaļo̧k katak eo An kōn unin kōnono in n̄an lale likjab ko ad. Jaab, ij tōmak bwe Eaar kwaļo̧k katak eo n̄an ro im Ta Anij Jemed Indeeo im ta eo jemaron̄ bōke Ippān ilo mour indeeo. Ilo jabdewōt jekjek, ij kam̧m̧oolol n̄an jeļā bwe men̄e ilo aō jab wānōk, ilo m̧ool Anij eweeppān—bwe em̧ool E ej, n̄an waanjon̄ok, n̄an maron̄ iakwe rikōjdāt ro An, kōnke ekkā, kōn “piktokin armej”⁶ im kōrā rot kōj, kwe im n̄a jet iien kōj rikōjdāt. Ewi jon̄an aō kam̧m̧oolol bwe Anij emaron̄ kōjeraam̧m̧an ro rej matōrtōr E, ijello̧kin kōņaan ak kajjieon̄ kōm̧m̧an āindein, jej aolep kōjekdo̧o̧n E jet iien. Ij kam̧m̧oolol bwe Anij ej tiriam̧o kake im juon rikaenōm̧m̧an kōnke ij aikuj tiriam̧o kake im laļ in aikuj aenōm̧m̧an. Aaet, jej aolep ba kōn wānōk eo an Jemed jej bar ba kōn Nejin Jitōn bōro Emake Wōt, eo eaar mour im kar mej kōn ejja wānōk in wōt.

Ij lijerjer aō ba bwe jen mije jibadbad ko an Jemed im Nejin ijello̧kin likjab ko ad rejjab letok n̄an kōj alikarļo̧k n̄an jidik ilo mour in rikaļooraņ ak kowaan jon̄ok ko. Jaab, gospel in kar kwaļo̧k jen jinoin im kar kajepļaaktok n̄an tōre in ad “n̄an kōweeppān ļo̧k rekwojarjar, … m̧ae adwōj … tōpar … jon̄an rūttoun an Kraist obrak.”⁷ Ij kwaļo̧k bwe jet iien juon jibadbad an eoon ak juon kien maron̄ kakememej kōj kōn ewi jon̄an ļap eo n̄an “jon̄ok eo an Kraist”⁸ ej lukkuun, eim̧we ilo kōj kōn eļapļo̧k iakwe im nōbar n̄an E ilo juon kōņaan eo eļap n̄an erom āinwōt E.

“Aaet, itok n̄an Kraist, im weppān ilo E … ,” Moronai ej akweļap. “Yokwe Anij kōn aolepen būruwōm̧m, ļōmņak im kajoor, innām … bwe an jouj kom̧in weppān ilo Kraist.”⁹ Ad kōjadikdik make kōn weppān n̄an bōke āinwōt juon menin letok jān lan̄—jejjab maron̄ “bōke.” Aaet, jouj an Kraist ej letok n̄an kōj jab lo̧mo̧o̧r wōt jān būrom̧ōj im jero̧wiwi im mej ak barāinwōt jān jab wānōk ko ad.

Jen kōjerbal juon iaan būrabōļ ko an Rilo̧mo̧o̧r eo ilo juon wāween eoktakļo̧k jidik. Juon rikarejer eaar pād ilo m̧uri n̄an kiin̄ eo an kōn dettan in 10,000 tōļan ko. Ron̄jake an rikarejer eo akweļap kōn kijenmej im tūriam̧okake, “Iroij eo an rikarejer eo eaar tūriam̧okake, im … jeorļo̧k … m̧uri eo.” Ak ejja rikarejer in wōt eo eaar jab jeo̧rļo̧k an eo rikarejeran bōd eo me eaar m̧uri ippān 100 sillin̄. Ke ej ron̄ menin, kiin̄ eo eaar būrom̧ōj ippān eo eaar jeorļo̧k an bōd, “E jab em̧m̧an bwe kwō naaj kar barāinwōt tūriam̧okake ri karijer ippam̧, āinwōt I ar tūriam̧okake eok ke?”¹⁰

Ewōr jidik oktak ilo kōļmenļo̧kjeņ ilubwiljin rimāletlet ro kōn jon̄an aorōk in—n̄an letok jāān in U.S—ak n̄an kapidodoik bōnbōn, n̄e edik, n̄an eo eaar jab jeo̧rļo̧k bōd kōn 100 sillin̄ eo kar m̧uri jen e, jen ba, $100 ilo tōre in ad, ak eo me kar m̧uri jene 10,000 tōļan eo em̧urie kar jeorļo̧k an bōd emaron̄ kar dettan in $1 bilien—ak ļapļo̧k!

Āinwōt juon rikam̧uriri, en̄in ej jon̄an nōm̧ba eo—jon̄an in ellā jen ad maron̄ keidi. (Ejjeļo̧k remaron̄ kaikujkuj jon̄an in!) Ekwe, kōn jibadbad eo an būrabōļ in, ekar menin aikuj n̄an jab keidi; ekar menin aikuj n̄an meļeļe eo ad, bwe ejjab ad eddo n̄an bar kōļļāiki. En̄in bwe bwebwenato in ejjab kōn ruo rikarejer ro rej iakweleel ilo Kallim̧ur Ekāāl. Ej juon bwebwenato in kōj, baam̧le ko rej likab—m̧uri, ilo bōd, im aolep rikalbuuj. Jej aolep rim̧uri, im kālet eo eaar liaakeļo̧k kajjojo iaad. Im jaar aolep pād ijo ejjab kōn jouj eo an ad Kiin̄, eo eaar pidodo an kanōm̧kwoj kōj im kōnke Ej iakwe kōj im eaar “em̧akūt kōn tiram̧okake kōj.”¹¹

Jisōs eaar kōjerbal juon jon̄ok eo epidodo meļeļein ijin kōnke Pinmuur eo An ej juon menin letok eo kar letok epen meļeļe ilo juon wōņāān eo ejjeļo̧k maron̄ keidi n̄ane. En̄in, bwe n̄an n̄a, ej m̧ōttan eo eaorōktata Jisōs ej eddoiki bwen weeppān. Jejjab maron̄ kōmeļeļeik 10,000 tōļan ilo weepāān an Jemed im bwe Nejin kar bōke, ak ejjab kanooj ļap n̄an Er n̄an kajjitōk ippād n̄an āinwōt anij raņ jidik, bwe jej kōnono im mour kake, im jeorļo̧k bōd, ukweļo̧k im em̧m̧anļo̧k jon̄an wōt 100 sillin̄ in weeppān, eo ealikar ilo kajoor eo ad n̄an kōm̧m̧an.

Ro jeiū jatū, ijello̧kin Jisōs, ejjan̄in kar wōr ilo mour in ilo laļ in jej pād ie, kōn menin ij kōjatdikdik ilo mour in jenaaj kajjieon̄ em̧m̧anļo̧k im jab āinwōt an rimāletlet ro ba “pen auia.”¹² Jejjab aikuj kōjekdo̧o̧n ļōmņak bwe jewanōk, tokālik ko ad make ak an ro jet, im imaron̄ kakobaik tok juon, an ro kar kūr er n̄an jerbal ilo Kabun̄ in—eo me meļeļein n̄an Armej ro Rekwojarjar ilo Raan-ko Āliktata kōj aolep, bwe jej aolep kar kūr n̄an jerbal juon jikin.

Ilo men in, Leo Tolstoy eaar je ke eaar juon pris eo kar kananaiki im kinaakļo̧k jen juon iaan ro m̧ōttan bwe ejjab mour kake ta eo ej aikuj mour kake, jem̧ļo̧kin an kōnana eaar kinaakļo̧k eo kwaļo̧k bwe katak eo rikaki eo ej kwaļo̧k eaar barāinwōt bōd im ejjab m̧ool.

N̄an uwaake kinaakļo̧k in, pris eo eaar ba: “Kalimjōk mour eo aō kiiō im keidi n̄an mour eo m̧okta. Kwonaaj lo bwe ij kajjieon̄ in mour kake m̧ool eo ij kwaļo̧ke.” Jab maron̄ mour kake ta eo ej kwaļo̧ke, pris eo eaar kwaļo̧k bwe eaar likjab. Ak eaar ba:

“Man eō, [n̄e kwoj kokōņaan kōm̧m̧ane,] ij kōm̧mane menin n̄an make, ak [jab] m̧anm̧an … iaļ eo ij ļoore. … Eļan̄n̄e ijeļā iaļ eo n̄an m̧weo [ak] ij ke etetal āinwōt rikadōk, eban ke kanooj jejjet iaļ eo kōnke ij ejerāer?

“… Jab lam̧ōj, ‘Kalimjōk e! … En̄in ej etabōļbōļ ilo pat e!’ Jaab, jab jualōn̄lōn̄, ak letok … am jipan̄ [ n̄an jabdewōt ej kajjieon̄ etetal im etal ilo iaļ eo n̄an ro̧o̧l n̄an Anij.]”¹³

Ro jeiū im jatū, kajjojo iaad ekōņaan mour āinwōt Kraist innām en emakijkij ad em̧m̧anļo̧k ilo mour. Eļan̄n̄e jenaaj m̧ool im kajjieon̄ em̧m̧anļo̧k, innām ejjab kōj rijeļā m̧oņ; kōj armej. Kōm̧m̧an bwe jen jab kōtļo̧k jajeļo̧kjeņ ko ad, im likjab ko an m̧aan im kōrā ro ipeļaakid, kōm̧m̧an bwe jen pen kōn m̧ool ko an gospel in, kōn tarlep in m̧ool eo an Kabun̄ in, ak kōjatdikdik kake ilju im jekļaj eo ad ak m̧ool eo āinwōt anij raņ. Eļan̄n̄e jej dāpiji, innām jem̧ļo̧k eo ad indeeo enaaj jem̧ļo̧k im dedeļo̧k—eo ej ilo Kallim̧ur Ekāāl meļeļein weeppān.¹⁴

Ij kam̧ool kōn mejān kajjik eo, ej n̄an kōj aolep kōn Pinmuur eo an Irooj Jisōs Kraist, eo Emake eaar ba “jān jouj n̄an jouj”¹⁵ m̧ae An mour jab wabanban¹⁶ Eaar bōk juon dipio in weeppān eo eaiboojoj an celetial.¹⁷ Ij kam̧ool bwe ilo menin im kajjojo awa E ej, kōn jenkwan dila ko ilo pein, erļo̧ke n̄an kōj ejja jouj in wōt, anbokwoj wōt kōj im rōjan̄ kōj, jum̧ae ad kōtļo̧k m̧ae jej tōpar ijo ippān ro Jined im Jemedwōj Ilan̄. Bwe ej juon menin letok weeppān, ij wōnm̧aanļo̧k im kajjieon̄, ijoke ijabwe. Bwe ej juon menin letok weeppān, ij wōnm̧aanļo̧k im leļo̧k kam̧m̧oolol, ijoke ijjab jejjet. Ij kōm̧m̧an āindein ilo etan Eweeppān make, bwe E eo ejamin jabwe ak jab jejjet eo ej iakwe kōj, em̧ool Jisōs Kraist, amen.