Priesthood eo im Kajoor in Lo̧mo̧o̧r an Rilo̧mo̧o̧r eo

Pija ki ippa juon rakōt im ej pojak n̄an walōn̄ļo̧k jen ioon āne. Kiō emāļo̧ke juon kein kojjo. Kaan, ebwil, ej uktak n̄an kiaj n̄an etal naboj ļo̧k, n̄an maron̄ jolōn̄ļo̧k rakōt eo n̄an ilan. Aliktata, ettōņake juon men eddo ej ped ioon rakōt in. Me eddo in ej lon tokjen eļan̄n̄e enaj etal n̄an ijo ej aikuj in etal n̄an e im maron̄ nej jerbal. Kwojjab aikuj in lukkuun jeļā, juon men eļap wōņāān, n̄an tōpar kōnono ko ippān ro jet, ejjob lukkuun lap wōņāān. Kōttōbar eo an rakōt in ej n̄an bōk lōn̄ļo̧k eddo in.

Jotenin rainin ikoņaan kedi priesthood eo jej kabwijere n̄an juon rakōt im emman eo an kajoor letok jen Rilo̧mo̧o̧r eo n̄an eddo eo ilo rakōt in im ej bokļo̧k n̄an lan̄. Joteenin rainin ikōņaan priesthood eo me jej kabwijere n̄an juon rakōt im em̧m̧an eo an kajoor in letok jān Rilo̧mo̧o̧r eo n̄an eddo eo ilo rakōt in im ej bōkļo̧k n̄an lan̄.

Kōnke en̄taan eo An, Jisōs Kraist eaar bōk kajoor im mālim eo n̄an lo̧mo̧o̧ren aolep armej. Bwe jen maron̄ bōk kajoor in, Ekar maron̄ letok jidik in kajoor im maron̄ in An n̄an aolep em̧m̧aan ro ilo laļ in. Kajoor im maron̄ in ej ņae etan priesthood. Ej kōmālim ro rej kabwijer priesthood in jipan̄ Jemedwōj Ilan̄ im Jisōs Kraist ilo jerbal in Aer—n̄an bōktok lo̧mo̧o̧r im m̧ōņōņō n̄an ajri ro nejin Anij. Menin ej letok bwe ajri ro Nejin ren bōk kōjeraam̧m̧an eo jān kajoor eo an Rilo̧mo̧o̧r eo.

Kajoor in pinmuur eo an Jisōs Kraist elukkuun aorōk kōnke ejjeļo̧k iaad emaron̄ ro̧o̧l n̄an m̧weo imōn Jemedwōj Ilan̄ eļan̄n̄e ejjeļo̧k jipan̄. Ilo mour in, jej kōm̧m̧an bōd im rube kien ko an Anij. Innām jej ettonoon kōn jerawiwi im jejjab maron̄ ro̧o̧l im mour im̧aan Anij. Jej aikuji kajoor eo an Rilo̧mo̧o̧r eo n̄an ad maron̄ bar ro̧o̧l ippān Jemedwōj Ilan̄. Jisōs Kraist ekar rube to ko an mej, im kōm̧m̧an bwe jen maron̄ jerkakbeje. Ej leļo̧k jeorļo̧k in jerawiwi, ta ko renaaj waļo̧k eļan̄n̄e jenaaj pokake kein ko im kain̄i ko ilo gospel in An. Kon E, mour Āinwōt Anij ej itok. Iien eo em̧m̧an n̄an jeram̧m̧an jān kajoor in pinmuur eo an Rilo̧mo̧o̧r ej eddo eo ejaake aorōk.

Jibadbad eo an Jemedwōj Ilan̄ aikuj in dedeļo̧k, ijowōt ke, kajoor in pinmuur eo an Kraist aikuj in kōm̧m̧an bwe en pād n̄an ajri ro nejin Anij.¹ Priesthood eo ej letok aolep kōjeraam̧m̧an kein. Ej juon rakōt. Priethood eo emenin aikuj kōnke kain̄i ko im bujen ko remenin aikuj ioon laļ in rej kōm̧m̧an wōt jān mālim eo an. Eļan̄n̄e priesthood eo ejjab maron̄ kōm̧m̧ane jerbal eo an n̄an bōktok em̧m̧an ko an kajoor eo an Rilo̧mo̧o̧r, innem ta unin? Enaaj ke erom̧ juon men eo eļļaaj, ej kareeltok armej? Anij ekōņaan bwe priesthood eo en jab jerbal wōt n̄an kūlaaj ko ilo Jabōt im ak jerbal in jipan̄ ko wōt. Ekōņaan bwe en letok eddo in.

Jidik bōd ilo juon rakōt emaron̄ jab tōprak an kelo̧k. Pā ko jet ilo rakōt in emaron̄ barāinwōt kōm̧m̧an bwe en nana an jerbal. N̄an kōjparok priesthood eo jān jabdewōt jorrāān, Anij ej kōjparok jim̧or jim̧we im jerbal eo an.² Jim̧we eo an priesthood eo ej koņ kōn kii ko, eo im ej jim̧we leļo̧k jān em̧m̧aan ro.³ Kōjerbal priesthood ej barāinwōt kōjparok jān kii ko an priesthood eo ak jān bujen ko me rikabwijer priesthood eo ej kōm̧m̧ane. Kōjerbal priesthood eo ilo m̧ool ej tōl jim̧or jān kii ko an priesthood eo im bujen ko. Eddo eo an juon em̧m̧aan in priesthood ej leļo̧k n̄an kajjojo im ejjab pād ilo an make iaan;⁴ priesthood eo āinwōt ej juon men eo ejjeļo̧k jekjekin (form) eo ewōr an kajoor in kien e make.

Aaronic im Melkisedek Priesthood ko rej bok jān bujen.⁵ Anij ej kwaļo̧k ta ko rej aikuj kōm̧m̧an im em̧m̧aan ro rej errā im bōke. N̄an ro otemjej ilo laļ in, ro rej kabwijer priesthood in rej jipan̄ Anij ilo jerbal in An. Ilo jinoin tōre in bōk eddo in, Jisōs Kraist ekar kōmeļeļeiki bwe bujen eo an priesthood eo “ej kapene ioom̧i kōn em̧m̧an eo ami, im jab kōn em̧m̧an eo wōt ami, ak kōn em̧m̧an eo an aolepān laļ … kōnke rej jab itok n̄an eō.”⁶

Menin ej katakin bwe unin priesthood eo ej n̄an karuwaineneik ro jet n̄an itok n̄an Kraist ilo ad jipan̄ er bōk jepļaaktok eo an gospel in. Ewōr ippād priesthood eo bwe jān maron̄ jipan̄ ajri ro nejin Jemedwōj Ilan̄ deeor jān eddo eo aer an jerawiwi im erom̧ āinwōt E. Kōn priesthood eo, kajoor eo an emaron̄ leļo̧k n̄an mour ko aolep ro im rej kōjparok bujen ko an gospel eo im bōk kain̄i ko rej ekkejeltok ie.⁷ En̄in ej iaļ eo kōj kajjojo rej itok n̄an Kraist, ej erreo, im ej kōm̧m̧an kajim̧we ippān Anij. Jemaron̄ tōpar kajoor in an Kraist kōn priesthood eo, im emaron̄ joļo̧k aolep eddo ko.

Bujen ko ippān Anij ej do̧lin im ejjab kein kōm̧m̧an kōjak. Juon em̧m̧aan ej aikuj pojak n̄an e, katak kake, im bōke bujen kein n̄an kōjparoki. Kallim̧ur eo ej erom̧ juon men jenaaj kam̧oole n̄an kōj make. N̄an ukōt naan ko an Robert Bolt. juon em̧m̧an ej kōm̧m̧ane juon bujen n̄an e make ekōņaan bwe en lokjake ilo jerbal in. Ej make kwaļo̧k kōn m̧ool eo an kallim̧ur ko im wānōk eo an make. N̄e juon em̧m̧aan ej kōm̧m̧an kallim̧ur, ej dāpij e make, āinwōt dān, ilo ilowaan juon kab ilo pein. Im n̄e ej kōppeļļo̧k pein, ejjab aikuj kōjatdikdik n̄an bar pukōt e make. Juon eo ej rubrub kallim̧ur ejjab lokjak wōt n̄an e make ak ej lokjak n̄an jipan̄ ro jet.⁸

Juon rikabwijer Priesthood eo an Aron ej bujen bwe enej jelm̧ae men ko renana, jipan̄ ro jet pepe ippān Anij, im m̧aanjabpopo n̄an bōk Melkisedek Priesthood eo.⁹ Eddo kein rekwojarjar rej kūrm̧ool ilo an katakin, peptaij, kōkajoorļo̧k membōr an Kabun̄ in, im karuwaineneik ro jet n̄an bōk gospel eo. Men kein rej “rakōt” jerbal ko an. Ilo An kōro̧o̧ltok n̄an kōj, Anij ej kallim̧ur kōjatdikdik, jeorļo̧k bōd, jerbal ko an enjeļ raņ, im kii ko an gospel in ukweļo̧k im peptaij.¹⁰

Juon rikabwijer Melkisedek Priesthood eo ej bujen n̄an kakūrm̧ool eddo ko rej ekkejelļo̧k ippān Priesthood eo an Aron im n̄an kōļapļo̧k kūr eo an ilo Melkisedek Priesthood eo.¹¹ Ej kōm̧m̧ane men in ilo an kōjparoki kien ko rej ekkejelļo̧k ippān bujen eo. Kien kein rej litok “tiljek eo̧ron̄ naan ko an mour indeeo” mour kon “aolep naan ko wōnm̧aanļo̧k rej itok jen lonin Anij,¹² kwaļo̧k am naan in kam̧ool kōn Jisōs Kraist im kōn jerbal kein an ilo raan kein aliktata,¹³ ejjab ilo utiej bōro eo enana kōn kwe make,¹⁴ im erom̧ āinwōt m̧ōttan Rilo̧mo̧o̧r eo, lōke E āinwōt juon m̧ōttad enaaj kar.¹⁵

Ilo An kōro̧o̧ltok n̄an kōj, Anij ej kallim̧ur bwe juon rikabwijer Melkisedek Priesthood eo enaaj bōk kii ko n̄an meļeļe ittiņo̧ ko an Anij. Enaaj erom̧ wāppen bwe en maron̄ jutak im̧aan mejān Anij. Enaaj maron̄ kakūrm̧ool jerbal eo an ilo jerbal in lo̧mo̧o̧r eo. Jisōs Kraist enaaj kōpooj iaļ eo m̧okta im̧aan rikabwijer priesthood eo im naaj pād ippān. Jetōb Kwojarjar eo enaaj pād ilo būruwōn rikabwijer priesthood eo im enjeļ ro renaaj kotak e. Anbwinnin enaaj kajoor im kāāl. Enaaj erom̧ rijolet kōjeraam̧m̧an ko an Ebream im ippān kōrā eo pāleen, kobaik jolet eo aer ippān Jisōs Kraist n̄an aelōn̄ eo an Jemedwōj Ilan̄.¹⁶ Men kein rej “kalimuur ko rem̧m̧an im aorōk.”¹⁷ Ejjeļo̧k juon kallim̧ur eļapļo̧k ilo ad ļōmņake.

N̄an em̧m̧aan ro rej bōk Melkisedek Priesthood in, Anij ej kapen bujen eo An kallim̧ur kake kōn juon kallim̧ur.¹⁸ Kallim̧ur in ej iookļo̧k wōt Melkisedek Priesthood eo,¹⁹ im Anij in ej kanejnej kōn kallim̧ur in, ejjab rikabwijer priesthood eo.²⁰ Kōnke jerbal in ej āinwōt ļo̧k kajoor im maron̄ eo an An, Anij ej kōjerbal kanejnej, jerbale juon kajin eo eļap im emaron̄, n̄an lale bwe jen jeļā kallim̧ur kein An rekajoor im renej wōnm̧aanļo̧k.

Enej wōr kaje ko renej waļo̧k eļan̄n̄e kwonaaj rube bujen ko im kwaar kōm̧m̧ani āinwōt juon priesthood im ilo am̧ nej oktakļo̧k jāni.²¹ Ilo am̧ kwaļo̧k am̧ makoko ak jab kaorōk kain̄i in priesthood eo am ejjeļo̧k oktak am leļo̧k jabdewōt baat n̄an juon rakōt. Ej kōm̧m̧an bwe en lōn̄ jorrāān ko ilo bujen eo kwaar kōm̧m̧ane im maron̄ eo nej ioon jorrāān eo. Jab pokake kein ko an Anij ej rupe bujen eo. N̄an juon eo ejjab bōjrak, ejjab ukweļo̧k jān rupe bujen eo, kōjeraam̧m̧an ko kar kallim̧ur kaki naaj būki.

Iaar meļeļe eļapļo̧k kōn kadkad eo ikōtaan “priesthood” rakōt eo im “iien eo em̧m̧an n̄an jeraam̧m̧an jān kajoor in pinmuur eo an Kraist” eddo eo jet iiō ko remootļo̧k. Ilo juon weekend, eaar wōr ruo aō ijjitōn̄ ko. Juon ekar n̄an ejaake stake eo kein kajuon ilo laļ eo, im eo juon ekar n̄an intōrpiuik juon likao im, eļan̄n̄e renaaj kar ilo ellaajrak, kōjepļaak priesthood eo an im kōjeraam̧m̧an ko an tampeļ. Emmaan in im ej 30 iiō dettan ekar kobatok ilo Kabun̄ in an kar jodikdik wōt. Eaar jerbale juon mijen em̧m̧an. Bōtaab ke eaar jepļaak n̄an kapijuknen, eaar jejļo̧k jān iaļ eo, im kar jako an membōr in Kabun̄ in. Jet iien ko tokalik, “ej ian̄aktok an,”²² im kōn jipan̄ an ritōl ro rej iakwe an priesthood eo im jouj an membōr ro, eaar ukweļo̧k im kar bar kadeļo̧n̄tok kōn peptaij n̄an Kabun̄ in.

Tokālik, eaar kajieon̄ bwe en bar jepļaakļo̧k kōjeraam̧m̧an ko an priesthood im tampeļ. Kōm kar karōk juon iien n̄an Jādede ilo 10:00 jibbon̄ ilo im̧ōn jar eo. Ke iaar jikrōkļo̧k n̄an intōrpiu ko aō im̧aan, eaar pād ijo kadede. Ekar ikdeelel n̄an bar bōke priesthood eo bar juon alen, ekar jab kōņaan kōttar.

Iien intōrpiu eo, ikar kwaļo̧k n̄an e leta eo im kōmeļeļeik ke Būreejtōn Thomas S. Monson ekar lale peba eo an im kar maron̄ letok mālim n̄an kōm̧m̧ane intōrpiu in. N̄e eaar jab likao in eim̧we eaar jan̄. Ikar ba n̄an e ke intōrpiu eo an ekar ejjeļo̧k meļeļein n̄an mour eo an. Ekar pok. Iaar jiron̄ e bwe ālkin aō bar kōro̧o̧l kōjeraam̧m̧an ko an, rekoot in membōr eo an enaaj kwaļo̧k wōt iien eo jino in tata an peptaij, kapen, ekkapit an priesthood, im bōk menin letok kwojarjar eo. Eaar bar m̧weiur.

Ikar kajjitōk ippān bwen riiti Katak im Bujen ko:

“Lo, e eo em̧ōj an ukeļo̧k jen jero̧wiwi ko an, ejja in wōt ej bōk jeo̧rļo̧k bōd, im N̄a, Irooj, ij jab bar keememej.

“Jān men in kom̧ maron̄ jeļā eļan̄n̄e juon armej ej ukeļo̧k jān jero̧wiwi ko an—lo, enaaj kwaļo̧ki im eļļo̧k jāni.”²³

Jilu alen an to̧o̧r dānin kōmjaļaaļ. Innām ikar likut peiu ioon bōran im ilo etan Jisōs Kraist, im kōn mālim eo an Melkesidek Priesthood, im kōn mālim eo an Būreejtōn eo an Kabun̄ in, ij bar kōjepļaak kōjeraam̧m̧an ko an priesthood eo am im tampeļ.

Lem̧ōņōņō eo ekar itok ioomro ekar ļap. Eaar jeļā eaar bar juon alen mālim n̄an kabwijere im kōjerbal priesthood eo an Anij. Eaar jeļā bwe kōjeraam̧m̧an ko an tampeļ an raar bar juon alen lukkuun jerbal. Ekar lukkuun ebokak ilo an etetal im juon meram ilo e. Ikar lukkuun m̧ōņōņō kake im kar en̄jake ewi jon̄an an Jemedwōj Ilan̄ m̧ōņōņō kake e.

Alkin iien eo, stake eo ekar ejaak. Kweilo̧k ko ekar em̧m̧an aer koba tok ie jān ro Rikwojarjar ro relaudin̄din̄, tiljek, im juon stake būreejtōnji eo em̧m̧an kar rejetake. Ijowōt ke, n̄an n̄a, iien eo epād ilo bwebwenato kōn ejake stake in kein kajuon ilo laļ eo eaar kalibubu kōn lan̄lōn̄ iaar en̄jake ilo kōjepļaak kōjeraam̧m̧an ko n̄an likao in.

Iaar itok n̄an kile bwe jibadbad eo an ejake juon stake, ak kōjerbal priesthood eo an Anij ilo jabdewōt wāween, ej n̄an jipan̄ Jemedwōj Ilan̄ im Jisōs Kraist ilo jerbal eo Aer, n̄an leļo̧k iien em̧m̧an n̄an lo̧mo̧o̧r im mour āinwōt Anij n̄an kajjojo ajri ro nejin Anij. Āinwōt rakōt eo jibadbad eo an ej n̄an bōkļo̧k juon jerbal, priesthood eo ej bōkļo̧k gospel eo an Jisōs Kraist, kōmaron̄ aolep n̄an kōm̧m̧ani bujen ko im bōk kain̄i ko rej ippān. “Bōtōktōkin pinmmur eo an Kraist”²⁴ kōn menin maron̄ kōjerbale ilo mour ko ad ilo ad en̄jake kareel in kōkwojarjar eo an Jetōb Kwojarjar im bōk kōjeraam̧m̧an ko Anij ej kallim̧ur kaki.

Ilo kakobaba n̄an pokake kakien ko im kain̄i ko an gospel kōn kwe make, ij karuwaineneik kom̧ n̄an kōm̧m̧an im kōjparok bujen ko an priesthood eo. Bōk an Anij bujen im An kallim̧ur. Kōļapļo̧k eddo ko am̧ ilo priesthood eo n̄an jipan̄ Jemedwōj Ilan̄ im Jisōs Kraist. Kōjerbal priesthood eo n̄an jipan̄ bōkļo̧k iien eo em̧m̧an n̄an kōjeraam̧m̧an jān kajoor in pinmuur eo an Rilo̧mo̧o̧r eo n̄an bar juon. Ilo am̧ kōm̧m̧an āndein, jeraam̧m̧an ko reļļap renej iwōj n̄an eok im baam̧le eo am̧. Ij kam̧ool bwe Rilo̧mo̧o̧r eo ej mour im tōl jerbal in, ilo etan Jisōs Kraist, amen.