1 E koaua, ae taku te Uea: E na koro bukina bwa aomata nako ake a ^akitani aia bure ao n roko nakoiu, ao ni ^bwetea arau, ao n ^congeaba nakon bwanaau, ao ni kawakini au tua, a na ^dnora ^eubu ao n ataia bwa bon iai Ngai;

2 Ao bwa Ngai te ^aoota ni koaua are e kaotaia aomata nako ake a roko nakon te aonaba;

3 Ao bwa Ngai ^airoun te Tama, ao te Tama irou, ao ti teuana Ngai ma te Tama—

4 Te Tama ^aibukina e ^banganai bwanininna, ao te Nati ibukina I mena n te aonaba ao ni karika ^crabwatau bwa umwau, ao ni maeka i buakoia natiia aomata.

5 I mena n te aonaba ao I karekea mai iroun Tamau, ao ana ^amwakuri a boni kaotaki raoi.

6 Ao ^aIoane e nooria ao e kaota koauan bwaninin ^bmimitongiu, ao bwaninin ana rongorongo ^cIoane e na kaotaki rimwi.

7 Ao e kaota koauana, ni kangai: I noora mimitongina, bwa boni iai mai ^amoana, i mwaain rikin te aonaba;

8 Ngaia are, n te moan ao bon iai te ^aTaeka, bwa boni ngaia te Taeka, are te tia uarongorongo ibukin te kamaiuaki—

9 ^aOotan ao te ^bTia Kaboa te aonaba; Tamnein te koaua, are e roko nakon te aonaba, ibukina bwa te aonaba e karaoaki irouna, ao irouna bon maiuiia aomata ao ootaia aomata.

10 Taian aonaba a ^akaraoaki irouna; aomata a karaoaki irouna; bwaai ni kabane a karaoaki irouna, ao i nanona, ao mai irouna.

11 Ao Ngai, Ioane, I kaota koauana bwa I noora mimitongina, ae aron mimitongin te Rikitemanna iroun te Tama, e onrake n te akoi ao te koaua, are Tamnein te koaua, are e roko ao ni maeka n te rabwata, ao ni maeka i buakora.

12 Ao Ngai, Ioane, I nooria bwa e aki karekea ^abwanininna n te moan, ma e karekea te ^bakoi ibukin te akoi;

13 Ao e aki karekea bwanininna n te moan, ma e reitinako man te ^aakoi nakon te akoi, ni karokoa e karekea bwanininna;

14 Ao ngaia are e aranaki bwa ^aNatin te Atua, ibukina e aki karekea bwaninina n te moan.

15 Ao Ngai, ^aIoane, I kaota koauana, ao taraia, e kaukaki karawa, ao e ruo nakoina te ^bTamnei ae Raoiroi n ai aron te ^ctaobe, ao n tiku i aona, ao e roko te bwanaa mai karawa ae kangai: Aio ^dNatiu ae tangiraki.

16 Ao Ngai, Ioane, I kaota koauana bwa e karekea bwaninin mimitongin te Tama;

17 Ao e karekea te ^amwaaka ni ^bkabane, i karawa ao n te aonaba naba, ao mimitongin te ^cTama e mena irouna, bwa e maeka irouna.

18 Ao e na koro bukina, bwa ngkana kam kakaonimaki kam na karekea bwaninin ana rongorongo Ioane.

19 I anganingkami taeka aikai bwa kam aonga n oota ao n ataa aron te ^ataromauri, ao n ataia bwa antai ae kam taromauriia, bwa kam aonga n nakon te Tama n arau, ao n te tai ae riai kam na karekea bwanininna.

20 Bwa ngkana ko kawakini au ^atua nako kam na karekea ^bbwanininna, ao ni ^ckamimitongaki irou n aron ae Ngai iroun te Tama; ngaia are, I tuangkami, kam na karekea te ^dakoi ibukin te akoi.

21 Ao ngkai, e koaua ae I tuangkami, iai Ngai mai ^amoana ma te Tama, ao Ngai te ^bKarimoa n Nati;

22 Ao ni kabane naake a manga bungiaki rinanou bon taan ^ataua ^bmimitongina, ao bon ngaiia ana ekaretia te Karimoa n Nati.

23 Kam bon mena naba mai moana ^ama te Tama; ngke bon te Tamnei, are Tamnein te koaua;

24 Ao te ^akoaua bon te ^batatai ni bwaai n aroia ngkai, ao n aroia ngkoa, ao n aroia n taai aika a na roko;

25 Ao tera ae ^araka ke e kee i aan aio bon tamnein teuare e buakaka are te ^btia kewe mai moana.

26 Tamnein te ^akoaua bon mai iroun te Atua. Ngai Tamnein te koaua, ao Ioane e kaota koauau, ni kangai: E karekea bwaninin te koaua, eng, ae taian koaua ni kabane;

27 Ao akea te aomata ae karekea ^abwaninina tii ngkana e kawakini au tua.

28 Ane e ^akawakini ana tua e karekea te koaua ao te ^boota, ni karokoa e kamimitongaki n te koaua ao n ^cataakin bwaai ni kabane.

29 Te aomata e mena naba mai ^amoana ma te Atua. Te ^brabakau, ke ootan te koaua, e aki karikaki ke ni karaoaki, e bon aki kona ni karikaki ke ni karaoaki.

30 Koaua ni kabane a bon inaomata n aia tabo are e a tia te Atua ni katikuia iai, ni ^amwakuri i bon ibukiia, n aroia naba ni kabane taian rabakau; bwa mwiina e na akea te maiu.

31 Nooria, aio ana ^ainaomata n rinerine te aomata, ao aio kabuakakaan te aomata; ibukina bwa are iai mai moana e ^bkaotaki raoi nakoia, ao a aki karekea te oota.

32 Ao aomata nako are tamneia e aki karekea te ^aoota a mena i aan te kabuakakaaki.

33 Bwa te aomata bon te ^atamnei. ^bOin bwaai ake a karikaki mai iai bwaai nako bon akea tokiia, ao te tamnei ma oin rikin bwaai, a reitaki matoa, a karekea bwaninin te kimwareirei;

34 Ao ngkana a ^amaenako, te aomata e aki kona ni karekea bwaninin te ^bkimwareirei.

35 ^aOin bwaai ake a karikaki mai iai bwaai nako bon umwan te Atua; eng, te aomata bon umwan te Atua, ae te ^btembora; ao te tembora ane e bareka, te Atua e na urua te tembora anne.

36 ^aMimitongin te Atua bon te ^brabakau, ke, n taekana tabeua, te ^coota ao te koaua.

37 Te oota ao te koaua e kaakea ^ateuare e buakaka.

38 Tamneia nako aomata bon ^aakea aia bure mai moana; ao ibukin ae te Atua e a tia ni ^bkabooia aomata man te ^cbwaka, aomata a manga riki, n aia tai n ataei, n ^dakea aia bure imatan te Atua.

39 Ao teuare e buakaka e roko ao e ^auotanako te oota ao te koaua, rinanon te aki ongeaba, mai irouia natiia aomata, ao ibukin aia ^bkatei aia bakatibu.

40 Ma I a tia n tuangkami bwa kam na kaikawaia ^anatiimi i nanon te oota ao te koaua.

41 Ma e koaua ae I tuangko, au tia mwakuri ae Frederick G. Williams, ko a tia n reitinako ni mena i aan te kabuakakaaki aei;

42 Ko a tia n aki ^areireinia natim te ota ao te koaua, ni kaineti ma tua; ao teuare e buakaka iai mwaakana, ngkai naba, i aom, ao aio bukin karawawataakim.

43 Ao ngkai I anga nakoim te tua—ngkana ko tangiria ni kamaiuaki ko na ^abairea raoi oin am auti, bwa a mwaiti bwai aika a aki eti n am auti.

44 E koaua, ae I tuangko au tia mwakuri ae Sidney Rigdon, bwa ni bwai tabeua e a tia n aki kawakini au tua ni kaineti ma natina; ngaia are, te moan bairea raoi am auti.

45 E koaua, ae I tuangko au tia mwakuri ae Iotebwa Timiti te Ataei, ke n taekana teuana, N na araningkami bwa ^araou, bwa ngkami raou, ao kam na karekea ami bwaibwai ma ngai—

46 I weteingkami au taan ^atia mwakuri ibukin te aonaba, ao ngkami aia tia mwakuri ibukiu—

47 Ao ngkai, e koaua ae I tuangko Iotebwa Timiti te Ataei—Ko a tia n aki kawakini tuua, ao n riai n tei n ^atakuaki i matan te Uea;

48 Am ^autu a riai n raira nanoia ao ni kaakeai bwai tabeua, ao ni kakauongo riki ma nanoia ni koaua nakon am taeka, ke a na kamwaingaki man aia tabo.

49 Te bwai are I taekinna nakon temanna I taekinna nakoia ni kabane; ^atataro n taai nako bwa mwiina e na iai mwaakan teuare e buakaka i aom, ao e na kamwaingko man am tabo.

50 Au tia mwakuri naba ae Newel K. Whitney, te bitiobi n au ekaretia, e riai ni katuaeaki, ao ni bairea raoi ana utu, ao n taraia bwa a botumwaaka ao ni ibuobuoki n te mwenga, ao n tataro n taai nako, ke a na kamwaingaki man aia ^atabo.

51 Ngkai, I tuangkami, raou, e riai au tia mwakuri ae Sidney Rigdon n nako ni mwanangana, ao ni katawea, ao ni katanoata naba ana ririki te Uea ae e a ^atia na rineia, ao te euangkerio ibukin te kamaiuaki, n aron ae N na anganna te konabwai n taetae; ao man ami tataro n onimaki ma te nano ae tii teuana N na boutokaia.

52 Ao a riai au taan mwakuri aika Iotebwa Timiti te Ataei ao Frederick G. Williams ni katawe naba, ao a na anganaki nakoia ni kaineti nakon te tataro n onimaki; ao ngkana kam teimatoa ni kawakini au taeka kam na aki kamangaoaki n te aonaba aei, ke n te aonaba ae e na roko.

53 Ao, e koaua ae I tuangkami, bwa bon au kantaninga bwa kam na katawe n ^arairi au koroboki aika tabu, ao ni ^bkarekea te ^catatai n rongorongon ngkoa, ao aaba, ao abanuea, ana tua te Atua ao aomata, ao ni kabane aikai ibukin kamaiuakin Tion. Amen.