Kailavaki Osana

Ia oqo, kemuni na taciqu kei na ganequ lomani, ni da mai vakananuma tiko na imatai ni Raivotu nei Josefa Simici, keitou sa nanuma kina ni na dodonu cake meda reki vata ena noda vakaitavi ena Kailavaki ni Osana.

Na kaila tabu oqo a caka taumada ena itabagauna oqo ena kena a vakatabui na Valetabu e Kirtland ena 27 ni Maji, 1836. Ena gauna oqo sa na dau caka tiko ni vakatabui e dua na valetabu. Oqo e dua na isolisoli tabu vua na Tamada kei na Luvena, e vakatakarakarataka na nodra lewa na tamata ena Nona a curu vakatui na iVakabula ki Jerusalemi. Sa vakadeitaka talega na ka a sotava o cauravou Josefa ena siga o ya ena Veikau Tabu—o ya, ni o Tamana kei na Luvena sa rua na Tamata lagilagi eda sa qarava ka vakalagilagia.

Au na vakaraitaka oqo na kena caka na Kailavaki ni Osana. Niu sa cakava, au sa sueti ira na noqu itokani dauvakaraitaki itukutuku mera raica na cakacaka tabu oqo ena dodonu kei na veidokai.

Oi keda yadua eda vakaitavi kina me taura e dua na itavoi vulavula savasava, ena dua na tutuna, ka yalovaka yani ka da kaya vata kina: “Osana, Osana, Osana, vua na Kalou kei na Lami,” cavuti vakatolu, me qai muria na “Emeni, Emeni, kei na Emeni.” Kevaka e sega na nomu itavoi vulavula, sa rawa ga ni ko yalova na ligamu.

Kemuni na taciqu kei na ganequ, au sa sureti kemuni ena gauna oqo mo ni tucake ka vakaitavi ena Kaila ni Osana, ni oti ena qai lagati tiko na Sere ni Vanua ni Osana o ya na “Na Yalo Ni Noda Kalou”¹

Ni sa vakatakilakilataka mai o koya e veiliutaki, yalovinaka meda lagata vata na “Na Yalo Ni Noda Kalou.”