Ko na Rawa ni Vakasokumuni Isireli!

Ia au sa qai vulica tikoga ni o au kei keda kece na tamata a bula taumada kei na Tamada Vakalomalagi vaka Luvena tagane kei na yalewa vaka-yalo ni se bera ni da sucu mai. O ira tale eso e gadreva mera kila, me vaka ni’u kila, ni gagadre dina sara ni Tamada Vakalomalagi mera marautaka na bula tawamdud kei Koya or ira kece na Luvena. Ni, se bera ni dua a tiko i vuravura, a vakaraitaka vei keda kece o Koya na Nona yavu uasivi ni veivakabulai kei na marau, vata kei Jisu Karisito me noda iVakabula. E ka ni rarawa, ni saqata na ituvatuva ni Kalou o Setani.³ Me vaka na ivola ni Ai Vakatakila, “sa tubu nai valu mai lomalagi”!⁴ A lasutaka ena lawaki e dua na ikatolu ni luvena vakayalo na Tamada Vakalomalagi me ra vakatara me qaqa o koya ka sega na Kalou.⁵ Ia e sega ni o iko! Sa raica oti na iApositolo ni o iko ka uabaleti Setani e “na vuku ni vosa [ko] sa tusanaka.”⁶

Na noqu kila na ivatakilakila dina, ka veivuke kina na noqu veivakalougatataki vaka-peteriaki, e solia vei au na ibolebole kei na vakabauta meu ciqoma na veisureti nei Peresideti Spencer W. Kimball meu sokomuni Isireli.⁷ E na yaco vakakina vei iko, noqu itokani lomani. Nomu kila ni o vorati Setani e na vosa ni nomu ivakadinadina e na gauna taumada ena vukei iko mo “loloma, wasea, ka sureta”⁸ nikua kei na veigauna kece—noda sureti ira na tani mera lako mai ka raica, lako mai ka veivuke, ka lako mai ka vaka-itaukenitaki, ni sa ravuravu tikoga na ivalu vataga baleta na yalodra na luve ni Kalou.

iVakatakilakila

Elder Corbitt

Vakacava na kaukauwa levu e tiko vei iko? Vakasamataka na ka oqo: o iko a kaila e na marau⁹ mo lako mai ki na vuravura malumalumuna vanua eda na mai mate kece kina vakayago ka vakayalo. Eda na sega ni rawa ni uabaleta vakataki keda. Eda na sega walega ni vakararawataki mai na noda ivalavala ca ia na nodra ivalavala ca talega na tani. Ena sotava na kawatamata na veimataqali yaluma kei na yalo rarawa eda vakasamataka rawa¹⁰—ka yaco kece tu oqori ni ubia tu na noda vakasama na ilati ni guileca ka vorati keda tu na meca levu duadua e vuravura me temaki keda tu. Nai nuinui kece ni tucake tale ka lesu savasava tale ki na Nona vanua tabu na Kalou e vakatau vakatabakidua ki na Dua e maroroya na Nona iyalayala.¹¹

Na cava e vakaukauwataki iko mo toso ki liu? A vakatavulica o Peresitedi Henry B. Eyring, “E taura na vakabauti Jisu Karisito meda tokona na yavu ni marau kei na nona itavi o Jisu Karisito ni se lailai sara na noda kila na veika eda na mai bolei kina ena bula oqo.”¹² Na gauna sa yalataka kina o Jisu Karisito ni na lako mai e na bula oqo ka solia na Nona bula me vakasokomuni¹³ ka vakabulai keda, o sega walega ni vakabauta Koya. A tiko vei kemuni na “yalo vakaturaga”¹⁴ na “vakabauta e levu sara” ni o raica na Nona iyalayala me veivakadeitaki.¹⁵ E sega ni rawa ni lasu o Koya, o raici Koya me vaka sa vakadavei oti vei iko na Nona dra, ni se bera ni sucu mai o Koya.¹⁶

Ena nona vosa ivakabalebale o Joni, o iko sa “rawai [Setani] e na vuku ni dra ni Lami.”¹⁷ A vakatavulica o Peresitedi Dallin H. Oaks ena vuravura o ya ni “[ko] raica na icavacava mai na ivakatekevu.”¹⁸

Mo nanuma mada ni dua na siga ni se bera nomu biubiu mo lako i vuli, e cakava vei iko e dua na iyalayala e dua vei rau nomu itubutubu dinani na rawa ni o mai kania na kemu kakana taleitaki ni ko lesu mai ki vale! O ni sa mamarau sara! E nomu tiko e koronivuli o raitayaloyalotaka ni ko sa kania tiko na kakana oya, ka sa rawa ni ko tovolea. Ena yaco dina ga, ni ko na wasea na itukutuku vinaka kei ira tale eso. Na nanamaki ki ni nomu lako ki vale e vakamarautaki iko ka vakamamadataka na veivakatovolei kei na bolebole eso e koronivuli. E sega ni dua na ka e rawa ni kauta laivi na nomu marau se mo vakatitiqataka baleta na tudei ni iyalayala! E vaka talega kina, se bera nomuni sucu na “yalo[muni] vakaturaga,” ko vulica mo raica na iyalayala i Karisito ena sala veivakadeitaki oqo, ka ko sa tovolea na Nona veivakabulai.¹⁹ Na nomu vakabauta cecere e vaka na masela ni kaukauwa ka levu ni o yavalata tiko, ia era sa tiko oti e vei iko.

E rawa vakacava ni o vakayadrata na vakabauta cecere vei Karisito ka vakayagataka mo sokumuni Isireli ena gauna oqo ka qaqa tale vei Setani? Ena nomu vulica tale mo rai ki liu ka raica vata ena tudei na iyalayala ni Turaga me sokumuni ka taqomaki ena siga nikua. E vakayagataka vakalevu o Koya na iVola i Momani kei na Nona parofita me vakatavulici keda meda caka vakacava. Se bera sara na Karisito, na Nifaiti “parofita, kei na … bete, kei na … ivakavuvuli … [vakauqeti ira na tamata] me ra namaka na Mesaia, ka vakabauta ni na yaco mai me vaka ga e a sa yaco oti mai.”²⁰ A vakatavulica na parofita Apinatai, “Ia kevaka me a sega ni lako mai ki vuravura na Karisito, ka mai tukuna na veika e sa bera ni yaco me vaka ga e sa yaco oti, ke a sega ni yaco rawa na veisereki.”²¹ Ena nona vosa o Alama, o Apinatai a “rai tiko ki liu ena mata ni vakabauta”²² ka raica na iyalayala ni Kalou ni veivakabulai sa vakayacori oti. Era “rawai [Setani] ena vuku ni dra ni Lami, kei na … nona vosa sa tusanaka” se bera ni sucu na Karisito, me vakai iko ga. Ka solia vei ira na Turaga na kaukauwa mera veisureti ka vakasokomuni Isireli. Ena cakava talega o Koya vei iko ni ko rai ki liu ena vakabauta, raica me sokomuni Isireli—vuravura taucoko kei na nomu “wirini”²³—ka sureta kece!

Drau vakacaca na daukaulotu era tara ena dela ni nodra vakabauti Karisito mai na bula taumada ena nodra raitayaloyalotaka o ira era sotava se vakatavulica vakaisulu e na sulu ni papitaiso kei na valetabu. E na dua na vosa “Tekivu ka Nanuma Tiko na iOtioti,”²⁴ a wasea kina o Peresitedi Nelson e dua na ivakaraitaki ni caka na veika oqo ka vakaroti ira na iliuliu ni daukaulotu mera vakatavulici na noda daukaulotu mera cakava vakakina. Nodra kila ni ra cakacakataka na vakabauta cecere vei Jisu Karisito ena bula taumada na vukei ira vakalevu sara na noda daukaulotu mera “rogoci Koya”²⁵ ka vakayavalata na nodra vakabauta cecere mera sokomuni Isireli me vaka sa yalataka na Turaga.

E dina, na vakasamataki ni lasu e vakacacana na vakabauta.²⁶ Na noqu itokani, na nakiti ni raitayaloyalo se vakaraica na veika e veisaqasaqa kei o cei o iko dina, vakabibi na yaloyalo vakasisila, ena vakamalumalumutaka na nomu vakabauti Karisito ka kevaka e sega na veivutuni ena vakarusa. Kerekere vakayagataka na nomu vakanananu mo vakalevutaka na vakabauti Karisito, ka kakua ni vakacacana.

Na parokaramu ni Gonelalai kei na iTabagone e sa dua na ivurevure vakatakilai me vukei kemuni na itabagone me vakaukauwataka na nomuni vakabauta. A vakatavulica o Peresitedi Oaks, “Na parokaramu o ya e buli me vukei iko mo vakataka na iVakabula ena va na vanua: vakayalo, veimaliwai, vakayago, kei na vakasama.”²⁷ Ni o ni veiliutaki na itabagone—liutaka—na bulataki tiko ni kosipeli, kauwaitaki ira tale eso, sureti ira kece me ciqoma na kosipeli, vakaduavatataka na matavuvale me tawamudu, ka tuvalaka na itaviqaravi lasa,²⁸ na vakabauta cecere vei Karisito a tu vei iko ena bula taumada na lako tale mai ka vakaukauwataki iko mo vakayacora na cakacaka ni Turaga ena bula oqo!

Vakatalega kina, na takete yadua, “vakabibi na takete lekaleka,”²⁹ ena vukea me waqaca tale nomu vakabauta kaukauwa. Ni ko tuvana e dua na takete vinaka o sa rai tiko i liu, me vaka ko sa cakava taumada, ka raica na cava e vinakata na Tamada Vakalomalagi vei iko se dua tale mo ucuya.³⁰ Sa o lalawa-ka kina ka cakacaka vakaukauwa mo rawata. Vakatavulica o Elder Quentin L. Cook, “Kakua ni beca na bibi ni tuvatuvataka, biuta na takete … kei na [sureti ira tale eso]—kece ena mata ni vakabauta.”³¹

Na digidigi e nomu! Sa tukuna na Turaga, “Sa tu vei ira na kaukauwa [mera digia].”³² Vakamacalataka o Elder Neil L. Anderson, “Na nomuni vakabauta ena sega ni tubu vakacalaka ia ena digidigi walega.”³³ Vakuria o koya, “[Dua ga] na taro dodonu [e tiko vei iko] … ena vakadeitaki ena vosota kei na mata ni vakabauta.”³⁴

Au vakadinadinataka ni (1) na nomu ivakatakilakila dina kei na (2) kaukauwa levu ni vakabauti Karisito e tiko vei iko ena rawa kina mo “veivuke ena vakarautaki ni vuravura me baleta na nona lesu mai na iVakabula ena noqu sureta na tamata kecega me lako mai vei Karisito ka ciqoma na veivakalougatatki ni Nona Veisorovaki.”³⁵ Meda wasea kece na reki ni iyalayala dei ena iVola i Momani:

“Ko ira na ivalavala dodonu era vakarorogo ki na … parofita, ka … vakanamata tiko ga vei Karisito ena yalodei … ka vosota na veivakacacani kecega … era na sega ni mate.

“Ia [o Karisito] … na vakabulai ira ko Koya, ka ra na veisaututaki kaya.”³⁶

Ena yaca i Jisu Karisito, emeni.