కష్ట కాలములలో వ్యక్తిగత శాంతి

అధ్యక్షులు జార్జ్ ఆల్బర్ట్ స్మిత్ 1945 లో సంఘ అధ్యక్షులయ్యారు. శాంతిని ప్రేమించే నాయకునిగా, అపొస్తలునిగా తన కాలంలో ప్రసిద్ది చెందారు. ఆయన అధ్యక్షులు కావడానికి 15 సంవత్సరాల ముందు, ప్రపంచవ్యాప్త మాంద్యం యొక్క సవాళ్ళు మరియు శ్రమలు, తరువాత రెండవ ప్రపంచ యుద్ధం యొక్క మరణం మరియు విధ్వంసంతో అది గొప్ప వివాదాస్పదమైన సమయంగా ఉండెను.

రెండవ ప్రపంచ యుద్ధం ముగింపులో, 1945 అక్టోబరులో అధ్యక్షునిగా తన మొదటి సర్వసభ్య సమావేశంలో, తమ పొరుగువారిని ప్రేమించమని మరియు వారి శత్రువులను క్షమించమని అధ్యక్షులు స్మిత్ రక్షకుని ఆహ్వానాన్ని గుర్తుచేసారు మరియు తరువాత ఇలా బోధించారు, “వారు ఏదో ఒక రోజు ఆయన సమక్షంలో నిలబడి, ఇంటికి రమ్మని ఆయన నుండి ఘన స్వాగతం పొందాలని ఆశించినట్లయితే, అటువంటి వైఖరిని కడవరి దిన పరిశుద్ధులందరూ కలిగి ఉండవలెను.”¹⁶

అపొస్తలుడైన పౌలు గలతీయులకు రాసిన పత్రికలో దేవుని రాజ్యాన్ని వారసత్వంగా పొందడానికి మనల్ని అర్హులుగా చేసే నీతి కార్యములు మరియు పశ్చాత్తాపం లేకుండా, మనలను అనర్హులుగా చేసే పనుల మధ్య ఉన్న విభేదాలను పేర్కొన్నారు. మనల్ని అర్హులుగా చేసే వాటిలో ఆత్మ యొక్క ఫలాలైన “ప్రేమ, సంతోషము, సమాధానము, దీర్ఘశాంతము, దయా ళుత్వము, మంచితనము, విశ్వాసము, సాత్వికము, ఆశానిగ్రహము”¹⁷ ఉన్నాయి. ఒకని భారములు మరొకరునొక భరించుట మరియు మేలు చేయుటయందు విసుకక యుండుటను కూడా పౌలు వాటిలో చేర్చెను.¹⁸ నీతి లేని పనులలో ద్వేషం, క్రోధములు మరియు కక్షలను ఆయన చేర్చారు.¹⁹

పాత నిబంధన కాలంలోని గొప్ప పాఠాలలో ఒకటి పితరుడైన అబ్రాహాముకు సంబంధించినది. అబ్రాహాము మరియు అతని మేనల్లుడు లోతు ధనవంతులు, కానీ వారు కలిసి నివసించలేరని కనుగొన్నారు. కలహాలను తొలగించడానికి లోతు తనకు కావలసిన భూమిని ఎంచుకోవడానికి అబ్రాహాము అనుమతించాడు. లోతు యొర్దాను మైదానమును ఎంచుకున్నాడు, అది అందముగా, నీళ్లు పారు దేశముగా ఉన్నది. అబ్రాహాము మామ్రే యొక్క తక్కువ సారవంతమైన మైదానాన్ని తీసుకున్నాడు. అప్పుడు అబ్రాహాము తన గుడారము వేసుకుని “యెహోవాకు బలిపీఠమును”²⁰ కట్టెనని లేఖనాలు చెపుతున్నాయి. లోతు, మరోవైపు, “సొదొమ దగ్గర తన గుడారము వేసుకొనెను.”²¹ మనం శాంతియుత సంబంధాలను కలిగియుండాలంటే ఏమి చేయాలో ఈ పాఠం స్పష్టం చేస్తుంది: నీతిని కలిగియుండని విషయాలకు సంబంధించి కలహాలను తొలగించడానికి మరియు రాజీపడడానికి మనం సిద్ధంగా ఉండాలి. రాజైన బెంజమిన్ ఇలా బోధించారు, “మీరు ఒకరినొకరు గాయపరచుకోకుండా సమాధానముతో నివసించుటకు కోరుకొందురు.”²² కానీ నీతి మరియు సిద్ధాంతపరమైన ఆవశ్యకతలకు సంబంధించిన ప్రవర్తనపై, మనం దృఢంగా మరియు స్థిరంగా ఉండాలి.

నీతివంతమైన పనులకు ప్రతిఫలంగా ఉండే శాంతిని మనం కోరుకుంటే, మనము ప్రపంచం వైపు మన గుడారాలను వేసుకోము. మనం దేవాలయము వైపు మన గుడారాలను వేసుకుంటాము.

శాంతి మరియు కర్తృత్వము రక్షణ ప్రణాళిక యొక్క ముఖ్యమైన అంశాలుగా ఒకదానితో ఒకటి ముడిపడి ఉన్నాయి. “కర్తృత్వము మరియు జవాబుదారీతము” గురించి సువార్త అంశంలో వివరించబడినట్లుగా, “కర్తృత్వము అనేది దేవుడు మనకు మనం ఎంచుకోవడానికి, పనిచేయడానికి ఇచ్చే సామర్థ్యం మరియు హక్కు.”²³ అందువలన, కర్తృత్వము అనేది వ్యక్తిగత అభివృద్ధి మరియు అనుభవం యొక్క అత్యంత ముఖ్యమైన భాగం, మనం రక్షకునిని అనుసరిస్తున్నప్పుడు అది మనల్ని దీవిస్తుంది.²⁴

కర్తృత్వము అనేది “పరలోకంలో పూర్వ మర్త్య సభలో” లో ప్రధాన సమస్యగా మరియు క్రీస్తును అనుసరించడానికి ఎంచుకున్న వారికి మరియు సాతాను అనుచరుల మధ్య వివాదముగా ఉండెను.²⁵ అహంకారాన్ని విడిచిపెట్టాలని కోరుకోవడం, ప్రతిదాన్ని నియంత్రించవలసిన అవసరాన్ని తొలగించడం, రక్షకుడిని ఎన్నుకోవడం వలన మనం ఆయన వెలుగును మరియు ఆయన శాంతిని కలిగియుండటకు మనల్ని అనుమతిస్తుంది. కానీ ప్రజలు తమ కర్తృత్వాన్ని హానికరమైన మరియు గాయపరిచే మార్గాల్లో ఉపయోగించినప్పుడు వ్యక్తిగత శాంతి సవాలు చేయబడుతుంది.

లోక రక్షకుడు మన తరఫున ఏమి సాధిస్తారనే దాని గురించి మనకున్న జ్ఞానం ద్వారా మన హృదయాలలో మనం భావించిన శాంతియుత అభయము బలపరచబడుతుందని నా విశ్వాసము. నా సువార్తను బోధించుడిలో ఇది అందంగా చెప్పబడింది: “మనం యేసు క్రీస్తు ప్రాయశ్చిత్తం మీద ఆధారపడుతుండగా, మన కష్టాలు, అనారోగ్యాలు మరియు బాధలను భరించడంలో ఆయన మనకు సహాయపడగలరు. మనం ఆనందం, శాంతి మరియు ఓదార్పుతో నింపబడగలము. జీవితంలో అన్యాయమైనవిగా ఉన్నవన్నీ యేసు క్రీస్తు ప్రాయశ్చిత్తం ద్వారా సరిచేయబడతాయి.”²⁶

మనము దేవుని పిల్లలము మరియు ఆయన కుటుంబంలో భాగమైయున్నాము. మనం పుట్టిన కుటుంబంలో కూడా మనం భాగమే. కుటుంబమనే సంస్థ సంతోషానికి మరియు శాంతికి పునాదిగా ఉన్నది. గృహ కేంద్రీకృత, సంఘ సహకార మతపరమైన ఆచరణ, “కుటుంబాల యొక్క శక్తిని బయటకు తీసి … [మన] గృహము [లను] విశ్వాసము యొక్క పరిశుద్ధ స్థలముగా మార్చగలదు”²⁷ అని అధ్యక్షులు రస్సెల్ ఎమ్. నెల్సన్ మనకు బోధించారు మరియు ఈ మహమ్మారి సమయంలో దానిని మనం నేర్చుకున్నాము. మన గృహాలలో ఈ మతపరమైన ఆచరణ ఉంటే, మనము రక్షకుని శాంతిని కూడా కలిగియుంటాము.²⁸ మీలో చాలామందికి నీతివంతమైన గృహాల యొక్క ఆశీర్వాదాలు లేవని మరియు అన్యాయాన్ని ఎంచుకునే వారితో క్రమం తప్పకుండా పోరాడతారని మాకు తెలుసు. చివరికి జీవితపు తుఫానుల నుండి భద్రత మరియు ఆశ్రయం కోసం మీకు మార్గనిర్దేశం చేయడానికి రక్షకుడు రక్షణ మరియు శాంతిని ఇవ్వగలరు.

నీతిగల కుటుంబాలను ప్రేమించడంలో కలిగే ఆనందం, ప్రేమ మరియు నెరవేర్పు శాంతి మరియు సంతోషాన్ని రెండింటినీ ఉత్పత్తి చేస్తాయని నేను మీకు అభయమిస్తున్నాను. మన హృదయాలలో మరియు గృహాలలో సీయోనును కలిగి ఉండడానికి ప్రేమ మరియు దయ కేంద్రంగా ఉన్నాయి.²⁹

ప్రభువు యొక్క ప్రవక్తయైన అధ్యక్షులు రస్సెల్ ఎమ్. నెల్సన్‌ గారిని మనము అనుసరించినప్పుడు మన శాంతి చాలా మెరుగుపడుతుంది. ఆయన నుండి వినడానికి మనకు త్వరలో అవకాశం ఉంటుంది. ఈ పిలుపు కోసం ఆయన జగత్తు పునాది వేయబడినప్పటి నుండి సిద్ధపరచబడ్డారు. ఆయన వ్యక్తిగత సిద్ధపాటు మిక్కిలి అసాధారణమైనది.³⁰

మనం మన రక్షకుడైన యేసు క్రీస్తు వలె మారడానికి ప్రయత్నిస్తున్నప్పుడు,“అల్లకల్లోలమైన సమయంలో కూడా మనం శాంతి మరియు ఆనందాన్ని అనుభూతిచెందగలము”³² అని ఆయన మనకు బోధించారు. ప్రభువు యొక్క “శుద్ధీకరణ, స్వస్థత మరియు బలపరచు శక్తిని” పొందుటకు “ప్రతిరోజూ పశ్చాత్తాపపడమని” ఆయన మనకు ఉపదేశించారు.³² మన ప్రియమైన ప్రవక్త ద్వారా పరలోకము నుండి బయల్పాటు పొందబడినది మరియు పొందబడుట కొనసాగుతుందనుటకు నేను ప్రత్యక్ష సాక్షిని.

మనము ఆయనను మన ప్రవక్తగా గౌరవించుచు, బలపరుచుచుండగా, మన పరలోక తండ్రిని మరియు మన రక్షకుడైన యేసు క్రీస్తును ఆరాధిస్తాము. మనము పరిశుద్ధాత్మ ద్వారా పరిచర్య చేయబడతాము.