தேவனின் சித்தத்துக்கு மனமாற்றம்

தீர்க்கதரிசி ஜோசப் ஸ்மித் கர்த்தரின் கரங்களில் ஒரு கருவி என்பதை உங்கள் ஜெபங்களின் மூலம் உங்கள் இருதயத்தில் அறிந்துகொள்ளும்போது உங்கள் சாட்சி பலப்படும். கடந்த எட்டு ஆண்டுகளில், பன்னிரு அப்போஸ்தலர்களின் எனது பணிகளில் ஒன்று, ஜோசப் ஸ்மித்தின் அனைத்து குறிப்பிடத்தக்க எழுத்துக்கள் மற்றும் ஆவணங்கள் மற்றும் பரிசுத்தவான்களின் தொகுதிகளை வெளியிட வழிவகுத்த ஆராய்ச்சி ஆகியவற்றை மதிப்பாய்வு செய்து படிப்பதாகும்.⁵ ஜோசப் ஸ்மித்தின் வாழ்க்கை மற்றும் முன்னறிவிக்கப்பட்ட தீர்க்கதரிசன ஊழியத்தின் உணர்த்தப்பட்ட விவரங்களைப் படித்த பிறகு, தீர்க்கதரிசி ஜோசப் ஸ்மித் பற்றிய எனது சாட்சியும் அபிமானமும் பெரிதும் வலுப்பெற்று மேம்படுத்தப்பட்டது.

வரம் மற்றும் தேவ வல்லமையால் மார்மன் புஸ்தகத்தை ஜோசப் மொழிபெயர்த்தது மறுஸ்தாபிதத்துக்கு அடித்தளமாக இருந்தது.⁶ மார்மன் புஸ்தகம் பொருளடக்கத்தில் சீரானது, அழகாக எழுதப்பட்டது மற்றும் வாழ்க்கையின் பெரிய கேள்விகளுக்கான பதில்களைக் கொண்டுள்ளது. இது இயேசு கிறிஸ்துவின் மற்றுமொரு ஏற்பாடு. ஜோசப் ஸ்மித் நீதிமான், விசுவாசம் நிறைந்தவர், மேலும் மார்மன் புஸ்தகத்தை வெளிக்கொணர்வதில் கர்த்தரின் கரங்களில் ஒரு கருவியாக இருந்தார் என்று நான் சாட்சி கூறுகிறேன்.

கோட்பாடும் உடன்படிக்கைகளுமில் பதிவுசெய்யப்பட்ட வெளிப்பாடுகள் மற்றும் நிகழ்வுகள் இரட்சிப்பு மற்றும் மேன்மையடைதலுக்கு தேவையான திறவுகோல்கள், நியமங்கள் மற்றும் உடன்படிக்கைகளை வழங்குகின்றன. அவை சபையை ஸ்தாபிக்கத் தேவையான அத்தியாவசியங்களை மட்டும் முன்வைக்கவில்லை, ஆனால் வாழ்க்கையின் நோக்கத்தைப் புரிந்துகொள்ள அனுமதிக்கும் ஆழமான கோட்பாட்டையும் வழங்குகின்றன, மேலும் நமக்கு ஒரு நித்திய கண்ணோட்டத்தை அளிக்கின்றன.

ஜோசப் ஸ்மித்தின், தீர்க்கதரியாக பங்கு மற்றும் கர்த்தரின் கைகளில் ஒரு கருவி போன்ற பல எடுத்துக்காட்டுகளில் ஒன்று, கோட்பாடு மற்றும் உடன்படிக்கைகளின் 76 வது பாகத்தில் காணப்படுகிறது. தீர்க்கதரிசி ஜோசப் மற்றும் சிட்னி ரிக்டன் ஆகியோர் பிப்ருவரி 16, 1832 ல் பெற ஆசீர்வதிக்கப்பட்ட மகிமையின் ராஜ்யங்கள் உட்பட, பரலோகத்தின் தரிசனத்தின் வெளிப்படையான பதிவாகும். அந்த நேரத்தில், பெரும்பாலான சபைகள் இரட்சகரின் பாவநிவர்த்தி பெரும்பாலான மக்களுக்கு இரட்சிப்பை அளிக்காது என்று போதித்துக்கொண்டிருந்தன. ஒரு சிலர் இரட்சிக்கப்படுவார்கள் என்று நம்பப்பட்டது, மேலும் பெரும்பான்மையானவர்கள் நரகம் மற்றும் ஆக்கினைத் தீர்ப்புக்கு ஆளாக நேரிடும், இதில் முடிவில்லாத சித்திரவதைகள் “மிகவும் கொடூரமான மற்றும் சொல்ல முடியாத தீவிரமானவை உட்பட.”⁷

76 வது பாகத்தில் உள்ள வெளிப்பாடு, மகிமையின் அளவுகளின் புகழ்பெற்ற தரிசனத்தை வழங்குகிறது, அங்கு பரலோக பிதாவின் பிள்ளைகளில் பெரும்பாலானோர் தங்கள் மரணத்திற்கு முந்தைய இருப்பிடத்தில் வீரம் கொண்டவர்கள், இறுதித் தீர்ப்பைத் தொடர்ந்து அதிகமாக ஆசீர்வதிக்கப்படுகிறார்கள்.⁸ மூன்று நிலை மகிமையின் தரிசனம், அதில் மிகக் குறைவானது “எல்லா புரிதலையும் மிஞ்சும்,”⁹ என்ற பெரும்பான்மையானவர்கள் நரகம் மற்றும் அழிவுக்கு ஆளாக நேரிடும் என்ற வலுவான ஆனால் தவறான கோட்பாட்டின் நேரடி மறுப்பு ஆகும்.

ஜோசப் ஸ்மித்துக்கு 26 வயதுதான் இருந்தது, குறைந்த கல்வியறிவு இருந்தது, வேதாகமம் மொழிபெயர்க்கப்பட்ட செம்மொழிகளில் சிறிதளவு அல்லது எந்த அறிமுகமும் இல்லை என்பதை நீங்கள் உணரும்போது, அவர் உண்மையிலேயே கர்த்தரின் கைகளில் ஒரு கருவியாக இருந்தார். பாகம் 76 ன் 17 வது வசனத்தில், யோவான் சுவிசேஷத்தில் பயன்படுத்தப்பட்ட அநியாயம் என்பதற்குப் பதிலாக ஆக்கினை தீர்ப்பு என்ற வார்த்தையைப் பயன்படுத்த அவர் தூண்டப்பட்டார்.¹⁰

45 ஆண்டுகளுக்குப் பிறகு ஆங்கிலிகன் சபைத் தலைவர் மற்றும் கல்வியில் அங்கீகாரம் பெற்ற செம்மொழி அறிஞரான,¹¹ பல வருடங்களாக எழுதிக்கொண்டிருந்த, பிரடெரிக் டபிள்யூ. பரார், கிறிஸ்துவின் ஜீவியத்தில்,¹² வேதாகமத்தின் ஜேம்ஸ் ராஜா பதிப்பில் ஆக்கினைத்தீர்ப்பு என்பதன் அர்த்தத்தை ஹீப்ரு மற்றும் கிரேக்க மொழியிலிருந்து ஆங்கிலத்திற்கு மொழிபெயர்ப்பு பிழைகளின் விளைவாகும் என்பதை உறுதிசெய்தது.¹³

பாவத்திற்கு எந்த விளைவும் இருக்கக்கூடாது என்ற கருத்தை நம் நாளில் பலர் ஏற்றுக்கொண்டுள்ளனர். அவர்கள் மனந்திரும்பாமல் பாவத்துக்கு நிபந்தனையற்ற மன்னிப்பை ஆதரிக்கிறார்கள். நமது வெளிப்படுத்தப்பட்ட கோட்பாடு, பெரும்பாலான மக்களின் நரகம் மற்றும் ஆக்கினைத்தீர்ப்புக்கு ஆளாக நேரிடும் என்ற கருத்தை மறுப்பது மட்டுமல்லாமல், இரட்சகரின் பாவநிவிர்த்தியில் பங்குகொள்வதற்கும், பரலோக ராஜ்ஜியத்தை சுதந்தரிப்பதற்கும் தனிப்பட்ட மனந்திரும்புதல் கட்டளையிடப்பட்ட முன்நிபந்தனை என்பதை நிறுவுகிறது.¹⁴ ஜோசப் ஸ்மித் அவருடைய சுவிசேஷத்தின் மறுஸ்தாபிதத்தைக் கொண்டு வருவதில் கர்த்தரின் கரங்களில் உண்மையிலேயே ஒரு கருவியாக இருந்தார் என்று நான் சாட்சி கூறுகிறேன்!

இயேசு கிறிஸ்துவின் சுவிசேஷத்தின் மறுஸ்தாபிதம் காரணமாக, மனந்திரும்புதல் மற்றும் “நீதியின் கிரியைகள்” இரண்டின் முக்கியத்துவத்தையும் நாம் புரிந்துகொள்கிறோம்.¹⁵ இரட்சகரின் பாவநிவிர்த்தி மற்றும் அவரது இரட்சிப்பு நியமங்கள் மற்றும் உடன்படிக்கைகள், ஆலயத்தில் செய்யப்படுபவை உட்பட பெரும் முக்கியத்துவத்தை நாங்கள் புரிந்துகொள்கிறோம்.

“நீதியின் கிரியைகள்” மனமாற்றத்தில் இருந்து வெளிப்படுகிறது மற்றும் அதன் பலன்களாகும். உண்மையான மனமாற்றம் என்பது தேவனின் விருப்பத்தைப் பின்பற்றுவதற்கான தெரிந்த ஏற்றுக்கொள்ளல் மற்றும் அர்ப்பணிப்பால் ஏற்படுகிறது.¹⁶ இந்த வாழ்க்கையின் புயல்கள் இருந்தபோதிலும். மனமாற்றத்திலிருந்து வரும் விளைவுகள் மற்றும் ஆசீர்வாதங்களின் விருந்து உண்மையான மற்றும் நிரந்தர அமைதி மற்றும் இறுதி மகிழ்ச்சிக்கான தனிப்பட்ட உத்தரவாதமாகும்.¹⁵

இரட்சகரிடத்தில் மனமாறுவது ஒரு சுபாவ மனிதனை பரிசுத்தப்படுத்தப்பட்ட, மீண்டும் பிறந்த, சுத்திகரிக்கப்பட்ட நபராக மாற்றுகிறது, கிறிஸ்து இயேசுவில் ஒரு புதிய சிருஷ்டி.¹⁸

மனமாற்றத்திலிருந்து வரும் கடமைகள் என்ன? லிபர்ட்டி சிறைச்சாலையில் தீர்க்கதரிசி ஜோசப் குறிப்பிட்டார், பலர் “சத்தியத்திலிருந்து மட்டுமே தடுக்கப்படுகிறார்கள், ஏனென்றால் அதை எங்கு கண்டுபிடிப்பது என்று அவர்களுக்குத் தெரியாது.”¹⁹

கோட்பாடும் உடன்படிக்கைகளுமில் கர்த்தரின் முன்னுரையில், நமக்கான கர்த்தரின் நோக்கத்தைப்பற்றிய ஒரு பெரிய படப் பிரகடனம் முன்வைக்கப்பட்டது. அவர் அறிவித்தார், “ஆகவே, பூமியின் குடிகள் மேல் வரப்போகிற அழிவை அறிந்திருந்து, கர்த்தராகிய நான் எனது ஊழியக்காரனாகிய ஜோசப் ஸ்மித் இளையவனை அழைத்து, பரலோகத்திலிருந்து அவனோடு பேசி, கட்டளைகளை அவனுக்குக் கொடுத்தேன்,… அவர் மேலும் அறிவுறுத்தினார், “எனது பூரண சுவிசேஷம் பலவீனராலும் பேதையராலும் பூமியின் கடையாந்தரம் மட்டுமாகவும், பிரகடனப்படுத்தப்பட வேண்டும்.”²⁰ அதில் முழுநேர ஊழியக்காரர்களும் அடங்குவர். அதில் நாம் ஒவ்வொருவரும் அடங்குவோம். தேவனின் விருப்பத்திற்கேற்ப மனமாற்றத்தால் ஆசீர்வதிக்கப்பட்ட அனைவருக்கும் இது ஒரு லேசர் போன்ற கவனமாக இருக்க வேண்டும். இரட்சகர் அவருடைய குரலாகவும் அவருடைய கரங்களாகவும் இருக்க நம்மை கிருபையாய் அழைக்கிறார்.²¹ இரட்சகரின் அன்பு நமக்கு வழிகாட்டும் ஒளியாக இருக்கும். இரட்சகர் தம்முடைய சீஷர்களுக்கு, “ஆகையால், நீங்கள் புறப்பட்டுப்போய், சகல ஜாதிகளுக்கும் போதியுங்கள்” என்று போதித்தார்.²² மேலும் ஜோசப் ஸ்மித்திடம், “எனது சுவிசேஷத்தைப் பெறாத ஒவ்வொரு சிருஷ்டிக்கும் பிரசங்கியுங்கள்” என்று அறிவித்தார்.²³

ஏப்ரல் 3, 1836 அன்று ஈஸ்டர் ஞாயிறு மற்றும் பஸ்கா நாளில் கர்த்லாந்து ஆலயம் பிரதிஷ்டை செய்யப்பட்ட ஒரு வாரத்திற்குப் பிறகு, ஜோசப் மற்றும் ஆலிவர் கவுட்ரிக்கு கர்த்தர் ஒரு அற்புதமான தரிசனத்தில் தோன்றினார். கர்த்தர் ஆலயத்தை ஏற்றுக்கொண்டு, “இது என் ஜனங்களின் தலையின்மேல் பொழியப்படும் ஆசீர்வாதத்தின் ஆரம்பம்” என்று அறிவித்தார்.”²⁴

“இந்த தரிசனம் முடிந்த பின்பு, மோசே தோன்றி, பூமியின் நான்கு மூலைகளிலிருந்தும் இஸ்ரவேலைக் கூட்டிச்சேர்த்தலின், மற்றும் வடக்கு தேசத்திலிருந்து பத்து கோத்திரங்களை வழிநடத்துதலின் திறவுகோல்களை எங்களிடம் … ஒப்படைத்தான்.”²⁵

இதே திறவுகோல்களை வைத்திருக்கும் இன்றைய நமது நேசமிக்க தீர்க்கதரிசியான தலைவர் ரசல் எம். நெல்சன் இன்று காலை போதித்தார்: “இஸ்ரவேலின் வாக்களிக்கப்பட்ட கூடுகை நடைபெறும் இந்த காலத்திற்காக இளைஞர்களாகிய நீங்கள் வைக்கப்பட்டிருக்கிறீர்கள். நீங்கள் ஊழியங்களைச் செய்யும்போது, இந்த முன் நிகழா நிகழ்வில் நீங்கள் ஒரு முக்கியப் பங்கை வகிக்கிறீர்கள்!”²⁶

சுவிசேஷத்தைப் பகிர்ந்துகொள்வதற்கான இரட்சகரின் ஆணைக்கு நாம் யாராக இருக்கிறோம் என்பதன் ஒரு பகுதியாக மாற, நாம் தேவனுடைய சித்தத்திற்கு மனமாற்றப்பட வேண்டும்; நாம் நம் அண்டை வீட்டாரை நேசிக்க வேண்டும், இயேசு கிறிஸ்துவின் மறுஸ்தாபிதம் செய்யப்பட்ட சுவிசேஷத்தைப் பகிர்ந்து கொள்ள வேண்டும், மேலும் வந்து பார்க்க அனைவரையும் அழைக்க வேண்டும். சபையின் உறுப்பினர்களாக, 1842 ல் சிகாகோ டெமாக்ராட்டின் ஆசிரியரான ஜான் வென்ட்வொர்த்துக்கு தீர்க்கதரிசி ஜோசப்பின் பதிலை நாங்கள் நினைக்கிறோம். அவர் சபையைப்பற்றிய தகவல்களைக் கேட்டுக்கொண்டிருந்தார். விசுவாசத்தின் பதின்மூன்று கட்டுரைகளுக்கு முன்னுரையாக “சத்தியத்தின் தரநிலையைப்” பயன்படுத்தி ஜோசப் தனது பதிலை முடித்தார். நிலையானது, என்ன நிறைவேற்றப்பட வேண்டும் என்பதை ஒரு சுருக்கமான வழியில் தெரிவிக்கிறது:

“எந்தவொரு பரிசுத்தப்படாத கையும் பணி முன்னேறுவதைத் தடுக்க முடியாது; துன்புறுத்தல்கள் அதிகரிக்கக்கூடும், கும்பல்கள் ஒன்று சேரக்கூடும், படைகள் ஒன்று சேரக்கூடும், பழிசுமத்துதல் பெயரைக் கெடுக்கலாம், ஆனால் ஒவ்வொரு கண்டத்தையும் ஊடுருவிச் செல்லும்வரை, ஒவ்வொரு தட்பவெப்பநிலையையும் சந்திக்கும்வரை, ஒவ்வொரு தேசங்களையும் துடைத்துச்செல்லும்வரை, ஒவ்வொரு செவிகளிலும் கேட்கும்வரை, தேவனின் நோக்கங்கள் நிறைவேறும்வரை, பணி முடிந்தது என மகத்தானவரான யேகோவா சொல்லும்வரை, தேவனின் சத்தியம், தைரியமாகவும், மேன்மையாகவும், சுதந்தரமாகவும் முன்னேறிச் செல்லும்.”²⁷

பிற்காலப் பரிசுத்தவான்களின் தலைமுறைகளுக்கு, குறிப்பாக ஊழியக்காரர்களுக்கு இது தெளிவான அழைப்பு. “சத்தியத்தின் தரநிலை” ஊழிய ஆவியில், உலகளாவிய தொற்றுநோய்க்கு மத்தியில் விசுவாசமான ஊழியக்காரர்கள் சுவிசேஷத்தைப் பகிர்ந்து கொண்டதற்கு நாங்கள் நன்றியுள்ளவர்களாக இருக்கிறோம். ஊழியக்காரர்களே, நாங்கள் உங்களை நேசிக்கிறோம்! கர்த்தர் நம் ஒவ்வொருவரையும் சொல்லிலும் செயலிலும் தம்முடைய சுவிசேஷத்தைப் பகிர்ந்துகொள்ளும்படி கேட்டுக்கொள்கிறார். நம்முடைய தனிப்பட்ட மனமாற்றம் இயேசு கிறிஸ்துவின் சுவிசேஷத்தை உலகத்துடன் பகிர்ந்து கொள்ளும் பொறுப்பை உள்ளடக்கியது.

சுவிசேஷத்தைப் பகிர்ந்துகொள்வதன் ஆசீர்வாதங்கள், தேவனின் விருப்பத்திற்கு நம் மனமாற்றத்தை அதிகரிப்பது மற்றும் நம் வாழ்வில் தேவன் மேலோங்க அனுமதிப்பது ஆகியவை அடங்கும்.²⁸ இருதயத்தில் ஒரு “பெரும் மாற்றத்தை” அனுபவிக்க மற்றவர்களை ஆசீர்வதிக்கிறோம்.²⁹ ஆத்துமாக்களை கிறிஸ்துவிடம் கொண்டு வர உதவுவதில் உண்மையிலேயே நித்திய மகிழ்ச்சி இருக்கிறது.³⁰ தன்னையும் பிறரையும் மாற்றுவதற்கு உழைப்பது உன்னதமான பணியாகும்.³¹ அப்படியே இயேசு கிறிஸ்துவின் நாமத்தில் நான் சாட்சியளிக்கிறேன், ஆமென்.