Mang Ba Yip’fan Riyul’?

Pi walageg nib t’uf rog, kamagargad ni fan e mu’ulung nay nib fel’ rogon. Tomuren e mu’ulung ko bin tomour e April, kad sapgad ko bo’or e pinʼen nike buch ulangab e feylang, boch nib kirbaenʼ nge boch nib fel’.

Falfalaenʼgaed ngay ni ngad rungagʼed marunga’agen ni bo’or e pi mu’ulung nifan e gidii’ nib falʼyangren ulangab e feylang.¹ Ulan e pi mu’ulung ney, gidii’ nib falʼyangren nib mangil ma fil’ed ni dariy fan mang ra buch ulan e yafos rorad, rayib e gelngin nib ga’ rokʼ Somoel.²

Gadad ba falfalaen’ bachane bay bo’or e pi temple ni bayni toy nga dakean e fayelng. Napan gubin e yibliynag nifan bin bi’ech e temple, boch reb e gelngin Got nira yib nga dakean e feylang ni nge gelnagdad nge kirebnag e muruwel rokʼ mo’oniyanʼ.

Cham ma ga’nag e gelngin rok’ mo’oniyanʼ. Ya irraray denen nib kireb.³ Ya gag e President ko Galasia, gube micheg nag nib riyul’ e biney e michib rokʼ Somoel ni Yesus Kristus ko mornga’agene ranʼey. Gube weliy nib moem: demtrug miit e gafgow nibe pii ngak e ppin, bitir, fa demtrug e bee’ ir nib kireb u mit Somoel. Rib kireb lanin’ug ngak nge gube kireb lanin’ug ngog ni gubin e yay e bee’ be fek e gafgow. Irba yoer nge gubindad be yoernifan urngin e bee’ ni kar feked demtrug miit e gafgow. Pi’in nima rrin’ed e tiney nib kireb rangar feked e pufthin ko motochiyel ko pumo’on nge ra feked e damomuw rok’ Got ni Th’abi Tolang.

Keyib bo’or e duw ngay e chiney, fare Galasia e ke guy rogon nib gel ni nge damiiteg—ni rib ga’—e bitir ko gafgow. Bay bo’or e pinʼen ko ayuw ulan e website rokʼ e Galasia. Gube piningmed ni ngam filed e pinʼem.⁴ Pinʼem nike mang ni nge damiiteg e gidii’ nib fel’. Gube pinningmed ni ngam sap nib gel nifan e bee’ nibe fos ulan e gafgow nge nira feked e amiith nge guy rogon nib papay ni ngam damiiteg ngorad. Tathapegded ni dabun e gafgow, nge gadad e pi gachelpen Rokʼ, ere gadad ni dabiyog ni ngad ba’adag.

Bay bo’or e talin rokʼ mo’oniyaen’. U fithikrad ni bay rogon nima thilyeg e pinʼen nib riyul’ nge pinʼen de riyulʼ. Urngin e ganop ni bay u pa’dad, nib riyul’, nibe balyangdad ma fal’eg e rogon nib mo’omow ni ngad mel’eg e tin nib riyul’.

Magawon ney ma puguran nigeg marunga’agen e banʼen nike buch ngog nge Sister Nelson napan kug mada’ e pilung ulan e nam ni kemus boch e gidii’ kar rungʼag morngaʼagen Yesus Kristus. Fagar ney nib galibthir ni kar fek e m’ar. Nike yog napan ni ke paer ulan e bet rok’ ko bo’or e rran, nike sap nga lang nge fith, “Mang ir riyul’?”

Bo’or e gidii’ u feylang daba’ “ni dabi thapeg e tin riyul’ bachane ni dar nanged ko gin ni ngar pire’eged riy.”⁵ Boch e gidii’ ba’adag fa’anra ni ngad lemnag rayog ni ngad thilyeg e tin riyul’—urnging e bee’ rayog ni nge mel’eg bin ngan e pinʼen ir e pinʼen nib riyul’. Lemnag ney ir kemus e lemnag nib athap ni fan e pi’in nibe lemnag dabiyog ni nar feked e pufthin rok’ Got.

Pi walageg nib t’uf rog, Got e ir e tabolingin gubin banʼen nib riyul’. Fare Galasia ku Yesus Kristus ni fan ko gidii’en Got rok’ ko Tin Tomur e Rran ma koel gubin pinʼen nib riyul’ Got nibe pii’ ngak e bitir rok, pinʼen ni kad fil’ed ulan e tafen ko science fa thapeg udakaen e yi’iy ngak.

Udakaen e tafen ney daba’ nge gabul, ngam rungan’ e pin’en nib riyul’. Wenig ni ngam yoloy e tafney romed ni ba’adag nge pin’en nira yib ngomed u tafeny rom nge paer ulan e gum’ircha’med. Ufithik e meybil ngam fith ngak fare Somoel ni nge weliy ngom fa’anra e pin’en gamaed ra rungan’ ir riyul’.

Guba t’ufegmed, pi walageg. Gube meybil nag ni biney e conference era pii’ ngom e thothup ni gabe gay. U dakean fithngan Yesus Kristus nib thothup, amen.