Dayif ko Thogthog ni Yib Rok’ Got

Woed rogon gimed, kug thapeg e ayuw rok’ Elder Dieter F. Uchtdorf ufithik e pi duw. Arame be weliy, nib boch, mang e pin’en ni gura yog.¹ Ere, soro’ ngak …

Gubin bee’ nib chaag ni ma gagyeg nag e sukuki e manag e gelngin ko hikoekii rok’ nge fol nag e fanow rok’ ko rogon gelingin e nifeng nge kanawo’en e hikoekii. Gube gog nib moem, fapi bee’ nima gagiyeg nag e hikoekii ma fol’ed e dayif. Dariy fan e ganop fa salap riy rorad, kemus napan ma changeg ufithik e dayif ney rayog e bee’ nima gagiyeg nag e hikoekii nib koel chiya.

Woed rogon, gadad ma thapeg e thogthog ni yib Rok’ Got. Tomuren e tawfe, gadad ma thapeg e tawa’ath nib fel’, tawa’ath ko fare Kan ni Thothup.² Napan ni ngad guyed rogon ni ngad paer nga daken e kanawo’ nib m’ag,³ fare “Kan ni Thothup … [ni] ra dag [ngodad] gubin pi’nen [thingarda] rin’ed.”⁴ Fa’an ni dabda nanged fa rus, rayog ni ngad fithed ngak Got nifan e ayuw.⁵ Michmicheg rok’ fare Tathapeg e rib moem ni ngam nang: “Mu ninged, me yag ngomed; … ya urngin e pi’in yad ra ning e ra yag ngorad.”⁶ U dakaen e ayuweg rok’ fare Kan ni Thothup, rayag ni ngad thilgad ko rogondad nib thothup nga kanawo’ nib manemus.⁷

Fare michmicheg ko thogthog ni yib rok’ got u dakaen fare Kan ni Thothup e rib fel’, woed rogon e hikoekii ni ma changeg. Nge woed e pi bee’ nima changeg nag e sukuki, thingarda nanged e dayif rok’ fare Kan ni Thothup ni nge pii’ e thogthog. Napan ni ngad muruwel’ ulan e dayif ney, fare Kang ni Thothup e rayog ni nge pii’ e ganop, fanow, nge fal’eg laniyaen’. U wuru’ e dayif nem, dariy fan e ganop fa salap riy rodad, rayog ni ngad fek e baen nira kirebnagdad.

Fapi babyor nib thothup ma fal’eg e yang ko dayif ney nifan e thogthog ni yib rok’ Got.⁸ Be’eg e pi thin ku Got ni rogon nikan piri’eg ulan e fapi chep nib thothup, ma ayuweg e thogthog ni yib rok’ Got. Elder Rober D. Hales keyog: “Napan gadad ba’adag ni ngad non’ed ngak Got, gadad be meybil. Nge napan gadad ba’adag Got ni nge non ngodad, gadad be be’eg fapi babyor nib thothup.”⁹

Fapi babyor nib thothup ma fil ngodad urogon ni ngad thapeged e thogthog ni yib rok’ Got.¹⁰ Nge gadad ma fith nifan e tin nib fel’ nge mangil¹¹ nge gathi e tin Got ni dabun.¹² Dabda fithed ni “kireb e tin ni gimed be finey ngay,” ni bay e ba’adag nib dabi fel’ ni ngad gaa’nag ngodad fa fulweg e tin ni gadad ba’adag.¹³ Bin th’abi ga’fan, thingarda fithed ngak e Chitamangdad nu Tharmiy udakaen fithingan Yesus Kristus,¹⁴ nibe mich u wun’um ni rayog ngom.¹⁵

Bin l’agruw e yang ko dayif nima thapeg e thogthog ni yib rok’ Got nifan ngodad nge gathi nifan reb e bee’. U rebo thin, gadad ra dared nge paered nga but’ ulan e kanawo’ rodad. Tin nib gaa’ fan ni mornga’agen e kanawo’ nib fel’ ke fil ulan e chepan ko fare Fulweg. Hiram Page, ta’areb ko fare meruk i gidii’ ni michriy ko fare Babyor ku Mormon, nike weliy ke thapeg e thogthog nifan gubin e Galasia. Boch e chongin kar michaen ngak nge folgad ngak.

Bachane biney, fare Somoel nikey weliy ni “dariy reb e bee’ rayog ni nge thapeg e motochiyel nge thogthog ulan e galasia machane kemus ni Joseph Smith … nge mada’ ko ngiyal’ ni gura mel’eg … reb e bee’.”16 Michib, motochiyel, nge thogthog nifan e Galasia e muruwel rok’ e profet nib fos, ni yima thapeg u dakean Somoel Yesus Kristus.¹⁷ Irerram e kanawo’ rok’ e profet.

Bochi duw faram, kug thapeg e kol rok’ bee’ nike par ulan e kalbus bachan nike yaen ulan e na’un ni gathi na’un rok’. Nike weliy ngog ke thapeg e thogthog ni bay reb e babyor nib thothup utangin e faruf rok e na’un nike yaen ulangin. Nike weliy napan nike thapeg reb e babyor ney, nike manang ni ra thapeg e twa’ath ko piliyegthin, fekdad reb e babyor nib thothup, nge thilyeg e michib nge yalen fare Galasia. Kug gog ngak binem ir gathi mangil, nike fith ngog ni nggu meybil marunga’agen. Mu goeg ngak dabgu rrin’. Nike tug thin ngog me taleg fare kol romow.¹⁸

Dani t’uf ni nggu meybil ni mornga’agen ni bachane ta’areb e fan nib moem: kemus e profet e ma thapeg e thogthog nifan e Galasia. Binem ira “cham ngak e rogon rok’ Got”¹⁹ fa’andra reb e bee’ rayog ni ngar thapeg e thogthog nem, bachane biney ir e kanawo’ rok’ e profet.

Thogthog ni yib rok’ Got ir e thogthog rok e bee’. Rangam thapeg e thogthog, woed e susun, mornga’agen e gin ni ngam par riy, mang e muruwel ni ngam rrin’, fa bin ngan e bee’ ni ngam mabgol.²⁰ Tiyugang rayog ni ngar michibgad nge pii’ e fonow nib fel’, machane ir e mel’eg rom. Binem ir e thogthog rom ni ngam thapeg; binem ir e kanawo’ rom.

Bin dalip e yang ko dayif ko thogthog ni yib rok’ Got ni ir era fol e pi motochiyel ku Got nge fapi micheg kad fal’eged ngak. Mu lemnag e meybil ni woed rogon: “Chitimangiy nu Tharmiy, Misa e rib gel e chachalban riy. Rayog ni nggu liyor nigem ulan e Madnom u dakean e buruy fa u dakaen e dap’al’ay? Rayog ni nggu taleg e yan nga galasia nge sakrament machane guma thapeg e pi tawa’ath ni woed ni nggu tayed e rran ko madnam nib thothup?”²¹ Fulweg ko meybil ney, rayog ni ngad lemnag e thin rok Got ni: “Fakag, kug weliy e ba’adag rog mornga’agen e rran ko Madnom.”

Napan ni ngad fith nifan e thogthog Got nike pii’ kafram, gadad be bing e rogon ni ngad baen nagdad mornga’agen e thamiy nge a pin’en gadad ba’adag ni ngad rung’aged. Ta’areb e pumo’on ke weliy ngog kafram mornga’agen e magawon ko salpiy ko tabinaw rok’. Nike thapeg e gonop ni nge ’iring e salpiy nge fulweg e magawon rok’, nike meybil nag mornga’agen, nike lemnag nike thapeg thogthog nike weliy e rayog ni nge rrin e biney. Kug nang ke baen nag bachane nike ba’adag e thogthog nibe cham ngak e pi motochiyel rok’ Got. Fare Profet Joseph Smith nike yoeg, “Dariy e pin’en nib ga’ ko fare gathay nag ngak e bitir ku bee’ ni woed e lek ngak e thothup nib baen, napan yad ra lemnag ni bay e thothup rok’ Got.”²²

Boch d gidii’ ba dag ni Nephi ni ke thab e motochiyel napan nike lii’ Laban. Machane, biney dabi kirebnag e motochiyel—fare motochiyel ni thogthog nifan ngom era yib nib munguy rogon ko motochiyel rok’ Got. Dariy e weliy mornga’agen e biney e yat e polo’, machane gube weliy e buchu’uw e tin. Yaat ney de tabab napan Nephi ni ke fith fa’anra rayog ni nge lii’ Laban. Biney ir gathi e ban’en nike ba’adag ni nge rrin’. Thaang pogofan rok’ Laban dabi pii’ e falfalaen’ ngak Nephi machane ra pii’ fapi babyor nib thothup ngak fapi gidii’ yad bay u tan fare m’ag. Nge Nephi manang ir e motochiyel—ba riyul’, u ngiyal’ ney, ir e motochiyel rok’ Got.²³

Bin aningeg e yang ko dayif ko thogthog ni yib rok’ Got ni ir ma nang e pin’en Got nike dag ngom kafram, nge rayog ni nge dag ngom bochi reb borran. Fa’anra Got nike fulweg e duwer nge gubin e pin’en ko duwer rom dabi thilyeg, mangfan gadad ba lemnag e fulweg ra thilyeg? Oloboch ney nike buch ngak Joseph Smith ko 1828. Bin somm’on e yang ko fare Babyor ku Mormon nike pilyeg, napan Martin Harris, bee’ nike pii’ e salipy nge ayuweg ko yol, nike fith ngak Joseph fa’an rayog ni nge fek e babyor ney nge dag ngak e le’engin. De nang mang thingari rrin’, Joseph nike meybil ko ayuw. Somoel keyog ni dabi pii’ e babyor ngak Martin.

Martin nike fith ngak Joseph fa’an ir ra fith bayay. Joseph nike rrin’, nge fare fulweg, dabi gin oewchey, dabi thilyeg. Machane Martin nike wenig ngak ni nge fith bin dalip e yay, nge Joseph nike rrin’. Biney e yay Got dani yog e danga’. Machane, ni woed Got nike yog, “Jospeh, gama nang rogon ni gube thamiy ko biney, machane bay gu pigem ngam mel’eg rom.” Ke adag e thilyeg, Joseph nike mel’eg ni nge pii’ ngak Martin fare 116 payg ko babyor nge dag ngak bochi chongin ko tabinaw rok’. Kar malog gubing e pi page nge dabda pir’eg. Somoel e puwaen’ ngak Joseph.²⁴

Joseph nike fil, woed e profet ulan fare Babyor ku Mormon ni Jacob nike fil: “Gathi ngam gayed rogon ni ngam fonow niged Somoel, ya ngam feked e fonow u paʼ. Ya … ni’ir e ma fonow u fithik’ e gonop.”²⁵ Jacob ke yoeg e kol chiya’ ngodad ni pin’en ni dabi fel’ ra buch napan ni ngad fith nifan e pin’en ni dabda fith. Ke yog ni fapi gidii’ nu Jerusalem ra ba’adag e “tin ba’ariy ban’en ni dabiyog ni ngar nanged fan,” sap “changar nge thum’ nga wuru’ fare pow,” ma dabi guy fare Tathapeg ko Fayleng.²⁶ Ke tun ayraed bachane ni kar fithed nifan e pin’en ni dabda nangfan.

Fa’an ni kad thapeged e thogthog nifan e duwer rodad, nge gubin pin’ey dabi thilyeg, Got nike fulweg e duwer rodad.²⁷ Ni woed, boech ngiyal’ gadad ba fith fa’anra ke n’agfan dad bayay nge bayay. Fa’anra kad kalngandad, kad suged ko falfalan’ nge gapas, nge n’agfan dad ko denen rodad, dawor ni ngad fithed bayay machane rayog ni ngad nangedfan fare fulweg ne ke pii’ Got.²⁸

Napan gadad ba nanged fan fulweg rok’ Got, thingar dad motoyil ko boech e yi’iy. Ere, dariy e milekag ko yafos e flight nib nonstop. Thingarda nanged e thogthog ni yib rok’ Got rayog ni nge yib ni “bayil’ nga dakean bayil’”, nib “yalen nga dakean yalen,”²⁹ ere e thogthog rayog ni nge yib u bochi yang.³⁰

Pi yang ney nifan e thogthog ni yib rok’ Got ma muruwel u ta’abang. Machane, fare Kan ni Thothup rayog nra pii’ ngodad gubin ni gadad ba t’uf ni ngad folgad ko fare kanawo’ nib micheg. Ere rayog ni bay a tawa’ath ko fare gelngin Yesus Kristus ni ngad manged e n’en ni bada’ag e Chitamandad nu Tharmiy. Gube pinningmed ni ngam fek e gelingemed ere ngam thapeg e thogthog ni yib rok’ Got nifan ngomed, ningam nanged e pin’en rok’ Got nike dag, nibay ko rogon fapi babyor nib thothup nge motochiyel nike pii’ ngak fapi profet nifan ngomed nge mel’eg romed. Mich u wun’ug ni fare Kan ni Thothup e rayog ninge dag ngomed gubin e ban’en ni ngam rrin’ed.³¹ U dakean fithngan Yesus Kristus, amen.