Chubiy Ngalang nga dakaen e Kruth
Ngan mang gachelpen Yesus Kristus, thingarda feked e magawon nge yaen nga tafan ni thingari miligach nge bay e gafgow riy.
Bo’or e duw kafram, tomuren e klass ko collage mornga’agen e chepin ko taliw u Meriken, e bee’ ni ke fith ngog, “Mangfan e Gidii’ ko Tin Tomur e Rran dabi tay e kruth woed reb e taliw nima dag e mich rorad?”
Duwer ney ni mornga’agen e kruth ma thilyeg ko pi duwer mornga’agen e ba’adag ko Kristus, kug fulweg nib papay ni kug weliy ni Fare Galasia ku Yesus Kristus ni fan ko gidii’en Got rok’ ko Tin Tomur e Rran manag nib ga’ e miligach rok Yesus Kristus ir ga’fan, rib ga’ daf, fare michib nib tolong, nge ma dag e t’uf nib thothup ulan e wo’en e thap rok Got nifan e bitir rok.1 Kug weliy murnguy nib thap ko ngongol ney ir e ga’fan nge nifan gubin e gidii’ ma thapeg e tawa’ath ko Adam nge Eva nge mada’ ko gubindad.2 Kug gog e thin rok e Profet Joseph Smith, nikey yog, “Gubin … pi’nen marunga’agen e taliw rodad e kemus e yang” nifan e Bayul rok’ Yesus Kristus.3
Ni nggu bi’eg ngak mang Nephi ke yoloey 600 a duw u mm’on nin gargeleg Yesus: “Nge … fare angel ba non ngog … , ke yog: Mu sap! Mug sap mug guy fare Saaf ku Got, … ni [ke] kruth nag nge ke yam’ ni fan e denen ko fayleng”4
Ufithik e “t’uf, pii’, nge pinning” rog nib ga’, kug ul’ul’ i bi’eg! Ko fapi Nephites ulan e a Nam nib Bi’ech fare Kristus ni ke faskoyam’ ke yog, “Ma ke lʼugeg e Chitamag ni ngan chibiyeg ngalang u dakean e kuruth; … ni nge yog nug miliy gubin e gidiiʼ ngog, … ere arayfan ni kan chibiyeg ngalang.”5
Kug ba’adag ni kug be’ig e thin rok fare Apostle Paul napan kug sap e fagar rog nike taleg e motoyil ngog. Nike sap ko clok rok nike puguran ngak thingari yaen nga reb e tafen—demtrug e taafen—nge ke yaen nib papay ngak e tafen ney. Ere ke taleg e non romow.
Kakadbul ney, tomuren 50 e duw, gube adag ni nggu mu’ nag i weliy e ranʼey—ma mus ni fa’an gamed gubin, nira taleg e motoyil ngog nge sap ko clok rok. Napan gube guy rogon ni nggu weliy mangfan dabda liyor ngak e kuruth, gube adag ni nggu gog bay bo’or e tayfan ngak e gidii’ ni bay mich nima liyor ngak e kuruth.
Ta’areb e fan dabda ga’nag e kuruth ma yib ko fare bible. Bachan e kuruth nag ir e rogon rok pi u Rome nib kireb ko lii’, ma bo’or e gachelpen rok Yesus nib kakarom kar mel’iged ni dabi ga’nag e talen ney ko gafgow. Fan ko e yam’ rok Kristus ir ga’ ko mich rorad, machane chuchugur ko 300 e duw kar guy rogon ni ngar dag taliw rorad u reb e rogon.6
Napan e aningeg nge lal e miri’ay e duw, e kuruth ke mang e pow ko urngin e gidii’ ku Kristus, machane taliw ir gathi kemus reb e “taliw ku Kristus.” Gathi e Catholic fa Protestant, gadad ma, ere, e sulwegko galasia, fare sulwegko Galasia ni bay u Bin Be’ech. Ere, e matawon rodad ma yaen nga mm’on e ngiyal’ ko tapowi’iy, yalen, fa pow.7 U ganop ney, bachane dariy e pow ney ma dag ngodad ni fare Galasia Ku Yesus Kristus ni fan ko Gidii’en Got ko Tin Tomur e Rran nike sulweg ko pi’nen nib Kristian nib riyul’.
Reb e fan ni dabda liyor e kuruth ir e ga’nag rodad mornga’agen gubin e ma’ang’ang ko muruwel rok Kristus—Foskoyam’ rok nib fal’ngin nge e miligach Rok nge yam’. Nangfan morngaʼagen e biney e thaʼ, gube lemnag l’agruw e sasing8 ni bay ni fare Bin Somm’on e Presidency nge fare Ulung ko fare Ragag nge L’agruw e Apostles ni yad ma madaʼ ni gubin wik ulan e Temple ko muʼulung rorad u Salt Lake City. Yow ma pigpig nag ni ngar puguran’dad e puluwan nike pii’ nge e gelnag nike rrin’ nifan e pigpig Rok.
Bay e pow e gidii’ rangad guyed mornga’agen e l’agruw e gelnag rok Kristus ir e sasing nib achichig rok Thorvaldsen nima dag Kristus nike faskoyam’ napan nike sul u fithik e fla’ab iyaen ko fare loew ni bay e mad’ad e dow bachane e kruthnag.9
Bin tomur ngay, pugoran ngodad ni President Gordon B. Hinckley e michib nag, “Yafos ko gidii’ rodad [era] …e pow ko [mich] rodad.”10 Pi n’ey ni ngan tay u wun’uy—nrib ga’ ni tin ntomur e gidii’—ni fekeg ko bin th’abi ga’fan e thin nib thothup ni bay rogon ko fare kuruth. De weliy mornga’agen e nunuw fa fla’ab, steeple fa pow. Mornga’agen, e, ba’adag nge gelngin e gidii’ rok Kristus thingari thapeg nifan e pining Yesus ni ke pii’ ngak urngin e gachalpen Rok. U fithik gubin e nam nge ngiyal’, ke yog ngodad, “Fa’anra ba’adag be’ ni [pumo’on fa bpin] nge un ngog, ma thangri pag talin ir, ma nge fek e kuruth rok ngi i lekeg ni gubin e rran.”10
Irba non mornga’agen e pi kuruth gadad ba fek nge gathi e pi’nen gadad ma chuw ngay. Bochi yay e gachelpen Yesus Kristus, thingarda fek e magawon—e magawon romed fa reb e bee’—nge yaen nga tafan ni thingari maligach nge bay e gafgow riy. Gidii’ nib Kristian nib riyul’ dabiyog ni nge lek fare Masta nifan kemus boch e pi’nen ni ba’adag. Danga’. Gadad ma lek’ed Ngak u gubin yang, ma, fa’anra ba t’uf, ngalangin e tafen be sug ko map’ e lu’ nge magawon, ni bochi yay ni kemus gur.
Guma nang e gidii’, ulan nge wuru’ e Galasia, nima leked Kristus woed biney. Guma nang e bitir bay e m’ar nib ga’ ko dow, nge guma nang e pi galibthir nima ayuweg ngorad. Gube sap ni yadra muruwel nga mada’ ko ngiyal’ ko magaf, gay gelingin, damiiteg, nge boch i ngiyal’ ni bay e falfalaen’ ni dabi yib u reb rogon. Guma nang bo’or e gidii’ dawo’ ni ngar mabgol ni yad ba’adag nge yadba muruwel nib ga’ ni ngar thapeged, e bee’ ninge t’uf ngorad, e mabgol nib mangil, nge e na’un nib sug ko bitir rorad. Ba’adag ney e rib mangil, machane tomuren e duw ko duw e tawa’ath ney nib fel’ dabi yib. Guma nang e pi’in nibay e m’ar roraed ko lug nib bo’or, nima wenig nag ko napan ni yadbe meybil nge muruwel nifan e nam ni michmicheg ko fel’ e lul’gen. Guma nang e pi’in ni dariy e salpiy rorad machane, dabi fek e mulmulaen’rad, ma kemus nikar fith nifan e rogon ni ngar fal’eg e yafos nib fel’ rogon nifan e gidii’ ni yadma ba’adag nge reb e gidii’ ulangab em. Guma nang bo’or e pi’in nima fathael nifan e tafney ko mini’ ir, fa’an yadma e ppin fa pumo’on, nge fa’an yadma ba’adag e ppin fa pumo’on. Guma yoer nifan med, nge gamedma yoer u ta’abang, bachane ni nggu nanged e wengan nifan e mel’eg rorad.
Bo’or nochi banan nima yib ngalan e yafos rodad, ni bay e pugoran ni bay e pilwon e fanow. Ngak Araunah, ni gay rogon ni pii’ ngak fapi garbaw nge fapi l’uth ni dariy pilown nifan e miligach rok’, ni ga’ar Pilung David, “Dangay; gu ra pi’ puluwon ngom: … [Dab gu] pi’ … ngak SOMOL ni Got rog … e pi maligach ndariy puluwon ni gu pi’.”12 Ere ta’abrogon gadad ma yoeged.
Napan ni ngad feked e pi kuruth rodad nge lek ngak, ni rib kirebaen’ fa’anra e tomal ko magawon dabi ayuwegdad ni ngad nanged nge sap ko fapi magawon rok reb e gidii’. Ir e ta’areb e magawon nib ga’ mornga’agen e Kruth nag ni ke k’iyeg pa’ nib ga’ nge tomur nike tay aram, ni dammanang machan ir woed gubin e pumo’on, ppin, nge bitir ni gubin rayog ni nge thapeg nge ke pinning dad nga kol rok nib fel’.13
Fare Faskoyam’ nib ma’ang’ang ke buch tomur e Kruth nag, ta’ab rogon ko pi tawa’ath ni gubin miit nra yib ngak e pi’in ni ba’adag, woed fare Babyor ku Mormon ni Jacob e keyoeg, ni “michaen’raed ngak’ Kristus, mar guyed fan e yam’ ni tay, mar uned i chibiy e kruth rok’.” Bochingiyal’ ma pi tawa’ath ney e ma yib nib papay nge boch yay ra yib reb nga ta’aboch riy, machane rib fel’ tomur rodad ulan e kanawo’ nib via dolorosa14ir e micheg ngak fare Masta ni yadra rrin’ mara yib. Rogon ni ngam thapeg e pi tawa’ath ney, gube meybil ni ngad lek en—dabda rus, ni dabi mil, ni dabi dabun e muruwel, dariyfan e tomalngin e pi kruth rodad nge gathi napan, ni buchuw e ngiyal’, e kanawo’ ra mang ni rib lumor. Fan gelingim, nge riyul’, nge t’ufeg, gube ognag e magar nib gel. Ko biney e rran gube micheg ni gag reb fapi aposlte rok nike “chubiy ngalang”15 nge fapi tawa’ath nib manechubog nra tay nga dakean e pi’in ni “chubiy ngalang” ngar uned ngak, Somoel Yesus Kristus, amen.