Ripote mai na Tabana ni Dikevi Fika ni Lotu, 2023

Kemuni na Veitacini: Me vaka e tukuni ena ivakatakila ena ika 120 ni wase ni Vunau kei na Veiyalayalati, na Matabose ni Vakayagataki iKatini—ka lewena na Mataveiliutaki Taumada, na Kuoramu ni iApositolo Le Tinikarua kei na Matabisopi Vakatulewa—era vakadonuya na vakayagataki ni ilavo ni Lotu. Na veitabana ni Lotu era dau vakayagataka na ilavo sa vakadonui mai na ilavo vakarautaki ka sala vata kei na lawatu kei na kena ivakarau.

Na Tabana ni Dikevi Fika ni Lotu, era lewena na kenadau vakaivola ka tu vakataki koya mai na tabacakacaka kece tale eso ni Lotu, e lesi me qarava na dikevi fika ena inaki ni kena vakarautaki na veivakadeitaki matau me baleta na cau e ciqomi, na vakayagataki ilavo e vakayacori, kei na taqomaki ni iyau taukena na Lotu.

Ni yavutaki mai na dikevifika sa vakayacori, sa nanuma kina na Tabana ni Dikevi Fika ni Lotu ni, ena kena ivalavala kece sara, na cau kece e ciqomi, na ilavo vakayagataki, kei na iyauqaqa ni Lotu me baleta na yabaki 2023 era vakaivolataki ka qaravi ena ivakarau me salavata kei na iwalewale ni ilavo vakarautaki ni Lotu, lawatu kei na iwalewale vakafika. Na Lotu e vakamuria na ivakarau ka vakavulica vei ira na lewena mera bula vakaivakarau vakailavo, kua ni dinau, ka mamaroroi ilavo me baleta na gauna ni leqa.

Vakasavui ena vakarokoroko,

Tabana ni Dikevi Fika ni Lotu

Jared B. Larson

Manidia Dairekita