Liopti a le Matagaluega Suetusi a le Ekalesia, 2006

Uso Pele: E pei ona faamanino mai i le faaaliga o loo i le vaega e 120 o le Mataupu Faavae ma Feagaiga, o le Aufono e Faafoeina ia Sefuluai, e faatagaina tupe faaalu o tupe a le Ekalesia. O lea aufono e aofia ai le Au Peresitene Sili, o le Korama a Aposetolo e Toasefululua, ma le Au Epikopo Pulefaamalumalu. O lenei aufono latou te faamaonia ia paketi mo matagaluega a le Ekalesia ma ona galuega fai. A uma ona maua mai le faamaoniga a le aufono, ona tatau lea i matagaluega a le Ekalesia ona faaaogaina tupe ia ogatasi ma paketi ua faamaonia, ma ia tusa ai foi ma tulafono ma aiaiga a le Ekalesia.

Ua tuuina mai i le Matagaluega Suetusi a le Ekalesia le faatagaga e maua ai faamaumauga uma ma polokalama e tatau ai, ina ia iloilo ai le tulaga solo lelei o le faafoeina o tupe maua, o tupe faaalu, ma le malupuipuia o aseta a le Ekalesia. E tutoatasi lava le Matagaluega Suetusi a le Ekalesia mai isi matagaluega uma ma galuega a le Ekalesia, ma o le aufaigaluega e aofia ai tausitusi lautele ua faamaonia, o suetusi faamaonia mai le li’o, o suetusi faamaonia o polokalama faakomepiuta, ma isi tamalii polofesa ua faamaonia.

E faavae i luga o suega tusi ua uma ona fai, ua i ai nei i le Matagaluega Suetusi a le Ekalesia le manatu, o mea uma, o saofaga na tauaaoina, o tupe na faaalu, ma aseta a le Ekalesia mo le tausaga 2006, sa tusi faamaumau ma taulimaina e tusa ai ma faiga faatausitusi talafeagai, o paketi sa faamaonia, ma tulafono ma aiaiga a le Ekalesia.

E tuuina atu ma le faaaloalo lava,

Matagaluega Suetusi a le Ekalesia

Robert W. Cantwell

Pule Faatonusili