Elder Eduardo Gavarret

Ma te farii i to’na pi‘i- raa i roto i te pŭpŭ matamua no te Hitu Ahuru, te faaite papû nei Elder Eduardo Gavarret e, « i te tahi mau taime, e tae mai te mau ohipa o ta tatou e mana‘o e ere i te mea faufaa roa mai te hoê [puzzle] o ta tatou e faatu‘ati‘ati no te faaineine ia outou ».

Ua fanauhia Elder Gavarret i te 11 no me 1956 i Minas, i te fenua Uruguay ia Juan Gavarret e ia Elsa Inzaurralde Gavarret. Ua tavini na oia ei misionare i te fenua Paraguay e i Uruguay mai te matahiti 1975 tae atu i te matahiti 1977 e i to’na ho‘i raa mai ua faaipoipo oia ia Norma Beatriz Gorgoroso i te 20 no atopa 1978. Ua taatihia raua i muri mai i roto i te hiero no São Paulo i te fenua Paratira.

Ua faahanahanahia Elder Gavarret i roto i te ohipa faatereraa i te fare haapiiraa Escuela Superior de Administracion Empresas i te matahiti 1986. I te matahiti 2000, ua roa‘a ta’na parau ‘aiihi tuatoru no te faatereraa i roto i te ohipa tapihooraa no INPG (Instituto Nacional de Pos- graduacão) i Paratira.

« Ia hi‘o ti‘a oia i muri, e ite au i te rima o te Fatu i roto i to‘u oraraa, te hopoiraa ia‘u mai te hoê vahi i te tahi e i tera pi‘iraa i tera pi‘iraa ia nehenehe e tavini maitai Ia’na », o te parau ïa a Elder Gavarret.

A tavini ai oia ei episekopo i Paraguay, ua faaô oia i roto i te hoê taiete fare ho‘oraa raau ma‘i o tei tono ia’na i Bolivie no te iriti i te hoê amaa apî no teie taiete. I reira, ua piihia oia ei peresideni no te hoê tĭtĭ apî, e i muri mai ei ti‘a retioni. Ia tonohia to’na utuafare e teie taiete i te fenua Peru no te iriti i te tahi atu amaa apî, ua piihia oia ei Mana Area. Ua faanuu faahou teie taiete ia ratou i Paratira, e ua tavini oia ei Hitu Ahuru Area. E i muri mai ua tavini ei peresideni misioni.

« E ere te mau piiraa no te tape‘a noa i te mau ti‘araa », o te parau ïa a Elder Gavarett. « E tauturu râ te mau pi‘iraa ia tatou ia haafatata’tu i te Mesia. E hope ihoa ra te reira i te hoê taime, e ere râ i te hopea. Na roto i te reira tatou e imi ai i te faaururaa, ia haapii i te pure e ia hi‘o ti‘a i ni‘a ia vetahi ê eiaha râ i ni‘a ia tatou iho ».

I te taime o to’na pi‘iraa, e ti‘a faatere oia no te taite fare ho‘oraa ra‘au ma‘i i Lima i te fenua Peru. E toru a raua mau tamarii.

« Mai te mea e tu‘u tatou i te Mesia i te ropuraa o to tatou oraraa, e vai ïa te mau mea’toa i to ratou vahi mau », o te parau ïa a Elder Gavarett. « Na’na ïa e hi‘opoa i te mau mea’toa ».