Taimi o Fetufaaiga
O Le Malo i Luga
“O le a papatisoina foi a latou fanau mo le faamagaloina o a latou agasala pe a valu tausaga le matua, ma maua le faaeega o lima” (MFF 68:27).
O Ioane na ia papatiso,
Iesu i Iutaia,
Sa papatiso i le faatofu
I le vai o Ioritana.
Fai mai Iesu “ia faataunuu,”
Mea tonu uma lava,
“Ma ulu atu ma lo’u Tama
I lona malo i luga.”
E ao ina tatou
Molimau le upu a Iesu,
Ia papatiso ma usitai,
Pei o Iesu le Alii.
(“Papatisoga,” Tusipese a Tamaiti, 54–55)
O McKenzie, e valu tausaga, e lei leva atu ona papatisoina ma faamauina. Fai mai o ia, “O le vaega aupito manaia lava o le papatisoina o le taimi na ou alu ifo ai i le vai. Na ou lagonaina le mama, mafanafana, olioli, ma le fiafia.” O Mataio, e fitu ona tausaga, ua tulimatai atu i lona papatisoga ma le faamauga. Fai mai o ia, “O alii o loo i ai le perisitua o le a tuu o latou lima i luga o lou ulu.”
Ua malamalama Mataio ma McKenzie o le papatisoina ma le faamauina o se poloaiga. Ua la iloa, e tatau ona la mulimuli i faataitaiga a Iesu ina ia mafai ona la ulu atu “i le malo i luga” e nonofo faatasi ma le Tama Faalelagi ma Iesu Keriso i se aso (tagai 2 Nifae 31:17–18).
Faatumu le paso o le lio o loo faamatalaina i le itulau U4 e faamanatu atu ai ia te oe o le papatisoina e ala i le faatofu, o le faamauina o se tagata O Le Ekalesia a Iesu Keriso o le Au Paia o Aso e Gata Ai, ma le mauaina o le meaalofa o le Agaga Paia o nisi ia o mea e aupito sili ona taua o le a mafai ona e faia.