O Se Faifeautalai Talavou

O le aso fanau o la’u uo lelei lava, ma na atoa ai lona 13 tausaga. Na ou teleai atu e sue se meaalofa mo ia a o lei amataina le aoga, peitai e leai se mea na ou mauaina. Ona ou iloa atu lea o le Tusi a Mamona. Na ou filifili o le a ou luiina au lava e ala i le tuuina atu o le [Tusi a Mamona] o se meaalofa ia te ia. Na manaia ou lagona i totonu ae na fai si ou fefe ona ou te lei aveina muamua lava i se tagata se Tusi a Mamona. Sa ou fefe ina nei ona le taliaina.

Ina ua ou taunuu atu i le aoga, sa ou sueina o ia ma fai atu ia te ia e i ai sau tusi faapitoa mo ia. Na ia aveina le tusi ma vaaia ai se ata o le matou aiga i le pito i luma. Na ou fai atu ia te ia o le Tusi a Mamona, o se tusi o loo faamatalaina ai le mafuaaga moni o lo tatou i ai i lenei lalolagi. Na ou faamalie atu foi i ai ona o le le tuuina atu o se meaalofa e sili atu ona manaia.

Sa tilotilo sao mai o ia ia te au ma fai mai, o le mea aupito maoae lea e mafai ona ou tuuina atu ia te ia. Na ootia lava lou loto i ana upu, ma na toeitiiti lava a ou tagi. Ua ou lagona lava le pei o au o se faifeautalai! Ua tuai ona ou matua ae sei ou alu i se misiona ina ia mafai ona ou faasoa atu le talalelei i isi tagata e pei o la’u uo.