Sa dihang ako mga 13 anyos, mipuyo ako uban sa akong apohan nga babaye. Usa ka adlaw akong nakit-an ang biniyaan nga mga magasin ug misugod sa pagbasa niini. Naglangkob kini og mga istorya gikan sa mga tawo sa tibuok kalibutan, nag-asoy sa mga milagro nga nahitabo sa ilang mga kinabuhi. Kini nga mga magasin mao ang Liahona; ang akong iyaan, kinsa miyembro sa Simbahan, mibilin niini nga mga magasin sa balay sa akong apohang babaye.

Ang mga istorya nakapadani kanako, ug gibati ko ang talagsaong butang nga nagsulti kanako nga kini tinuod. Usa ka tuig ang milabay ako nabunyagan, ug sukad niana ako adunay akong kaugalingong subskripsyon. Ang magasin nahimong giya ug panalangin. Alang kanako kini pruweba nga ang Dios nahigugma kanato ug nagpadayon sa pagpadayag sa Iyang mga tinago ngadto sa Iyang mga sulugoon ang mga propeta (tan-awa sa Amos 3:7).

Gusto kong magbasa sa Liahona magasin—kini nagtabang kanako sa temporal ug espiritwal nga paagi. Kini naglig-on sa akong pagtuo, nagpalambo sa akong mga talento ug mga abilidad, ug naglimpyo sa akong hunahuna pinaagi sa makadasig nga tambag sa mga miyembro sa Simbahan ug sa atong buhi nga mga propeta.