Pagserbisyo diha sa Templo

Sa dihang 17 anyos na ko, nagsugod ko sa paghunahuna pag-ayo sa akong kaugmaon, ug nag-ampo ko sa Langitnong Amahan kon unsa ang akong buhaton sa pagpangandam sa pagmisyon ug pagdawat sa Melchizedek Priesthood. Mibati ko nga kinahanglan kong kanunayng moadto sa templo tungod kay kini ang balay sa Ginoo ug ang lugar diin mabati nako nga mas maduol sa akong Langitnong Amahan.

Busa naghimo ko og tumong nga mobunyag og 1,000 diha sa templo sa usa ka tuig. Nabati gyud nako nga mohimo niining tumong; nagpuasa ko aron masayran kon kini kinahanglan ba nakong buhaton. Ang atong Langitnong Amahan mitubag nako, ug nagsugod ko sa pag-adto sa Templo sa Tampico Mexico kada Sabado.

Human nga nakabunyag ko og 500, naghimo ko og tumong sa pagbuhat og family history research sa akong mga katigulangan, ug naganahan kaayo sa pagsiksik nga dili nako makatulog tungod kay nangita ko og mga ngalan. Nakakita ko og 50 ka ngalan ug walo ka henerasyon sa akong family history; nakatabang ko sa paghimo sa mga ordinansa sa templo alang kanila.

Sa katapusan nakabuhat ko og sobra sa 1,300 ka bunyag, ug nakagradwar ko sa seminary, nakadawat sa Melchizedek Priesthood, ug karon nagserbisyo isip full-time missionary, nga usa sa akong pinakatumong sa kinabuhi.