Ang Gasa gikan sa Langitnong Amahan

Nalipay si Isabelle nga tingpamulak na. Ganahan siyang maminaw sa mga langgam Ganahan siyang magdula sa berding sagbut.

Nalipay si Isabelle nga Pasko na sa Pagkabanhaw. Nasayud siya nga ang Pasko sa Pagkabanhaw usa ka espesyal nga adlaw. Sa Pasko sa Pagkabanhaw atong gisaulog sa dihang si Jesus nabuhi pag-usab.

Sa Primary, si Sister Martin mihatag og mga krayola ngadto sa tanang mga bata sa klase. Mihangyo siya nila sa pag-drawing sa labing importanting gasa nga gihatag sa Langitnong Amahan kanila.

Si Michael mi-drawing sa litrato sa iyang pamilya.

Si Eliza mi-drawing sa litrato sa iyang higala.

Si Anthony mi-drawing sa litrato sa iyang balay.

Mitan-aw si Isabelle sa mga drawing. Nindot kaayo kini.

Naghunahuna si Isabelle kon unsay iyang i-drawing. Malipayon siyang dunay pamilya. Malipayon siyang dunay mga higala. Malipayon siyang dunay balay.

Naghunahuna si Isabelle og laing gasa nga gihatag sa Langitnong Amahan sa tanang mga tawo. Mihatag Siya sa tanan sa gasa sa usa ka Manluluwas. Gikuha ni Isabelle ang iyang mga krayola. Gi-drawing niya ang litrato ni Jesukristo.

Nangutana si Sister Martin kang Isabelle kon unsa ang iyang gi-drawing.

“Nag-drawing ko og litrato ni Jesus,” miingon si Isabelle. “Siya ang labing importante nga gasa.”