Paghulagway sa Pasko sa Pagkabanhaw
Inyong magamit kining countdown activity sa pagpangandam alang sa Pasko sa Pagkabanhaw, nga mao ang panahon sa paghinumdom ug pagsaulog sa kinabuhi ni Jesukristo ug sa Iyang Pag-ula. Guntinga ang litrato nga naa sa wala ngadto sa mga piraso sa puzzle sumala sa gimarka. Sugod sa semana sa dili pa ang Pasko sa Pagkabanhaw, magpili og usa ka piraso sa puzzle kada adlaw. Pangitaa asa kini ibutang sa ubos ug buhata ang unsay gisulat niana nga lugar sa dili pa mopapilit sa piraso diha sa lugar. Kon makompleto na ang inyong litrato, ang Pasko sa pagkabanhaw moabut na!
Pagkanta og awit sa Primary nga naghisgot ni Jesukristo. Unsaon ninyo pagsunod sa Iyang ehemplo karon?
Basaha ang Juan 3:16–17 uban sa usa ka ginikanan ug pakigsulti unsay ipasabut niini. Sa unsa nga paagi kamo makahibalo nga ang Langitnong Amahan nahigugma kaninyo?
Moambit kita sa sakrament kada semana aron mahinumdom ni Jesukristo. Unsay inyong mabuhat aron magbinuotan panahon sa sakrament miting karong Dominggo?
Basaha unsa ang gisulat sa buhi nga mga Apostoles ni Jesukristo. “Siya mao ang kahayag, ang kinabuhi, ug ang paglaum sa kalibutan. Ang iyang dalan mao ang agianan nga modala ngadto sa kalipay niining kinabuhi ug sa mahangturong kinabuhi sa kalibutan nga moabut” (“Ang Buhi nga Kristo: Ang Pagpamatuod sa mga Apostoles,” Liahona, Abr. 2000, 2–3).
Basaha ang istorya “Tungod kay Siya Buhi” sa pahina 65. Unsaon ninyo sa pagpakigbahin og makahuluganong mensahe sa Pasko sa Pagkabanhaw sa inyong mga higala?
Kantaha ang inyong paboritong awit sa Pasko. Unsay inyong nahinumduman nga nakat-unan mahitungod sa pagkahimugso ni Jesukristo?
Pag-drawing og litrato sa inyong paborito nga istorya sa kasulatan mahitungod ni Jesus. Makahangyo kamo sa inyong mga ginikanan sa pagtabang ninyo sa pagtan-aw sa Ang Kinabuhi ni Jesukristo Bible Videos sa biblevideos.lds.org aron makakuha og mga ideya.
Paghulagway pinaagi ni Jim Madsen