LDS Charities [Organizata Bamirëse SHDM] Siguron Ndihma

Që nga ditët e hershme të Rivendosjes, anëtarët e Kishës së Jezu Krishtit të Shenjtorëve të Ditëve të Mëvonshme janë njohur për vendosmërinë e tyre që të ndihmojnë e lartësojnë shpirtërisht ata që po vuajnë.

Në vitet e fundit, anëtarë të Kishës dhe njerëz të tjerë, nëpërmjet kontributeve bujare, kanë siguruar mjetet që programet e Shërbimeve Humanitare të Kishës të bekojnë jetët e njerëzve anembanë botës. Vetëm në vitin 2013, programet humanitare shdm ndihmuan më shumë se 10,5 milionë njerëz në 130 vende.

Kjo përpjekje shtrihet nga sigurimi i mallrave lehtësuese dhe mbështetëse për jetën deri te mundësimi i ujit të pastër; trajnimi i mamive dhe mjekëve për të shpëtuar jetën e mijëra foshnjave të sapolindura; sigurimi i karrocave për njerëzit me paaftësi. Përveç këtyre, Kisha ndihmon për kujdes e trajnim për të shikuarin, vaksinime dhe të ndihmuarin e komuniteteve për të rritur ushqime të shëndetshme.

• Kisha dhuroi mijëra çadra dhe furnizime bazë ushqimore për familjet në Çad dhe ndërtoi puse me pompa dore, tualete dhe godina dushesh në kampet e refugjatëve në Burkina-Faso.

• Në Jordani, Siri, Liban, Irak dhe krahinën e Kurdistanit, LDS Charities po shpërndan paketa ushqimore, batanije, pajisje mjekësore, paketa higjienike, shtresa e mbulesa dhe veshmbathje dimërore. Në Irak dhe krahinën e Kurdistanit, karroca për njerëzit me paaftësi dhe pajisje të tjera për lëvizje u janë shpërndarë njerëzve të plagosur në konflikte.

• Në Gaza, furnizime farmaceutike, mjekësore dhe qumësht pluhur iu dhuruan spitalit qendror.

• Në Izrael, pajisje me ultratinguj iu dhuruan një godine mjekësore.

• Në Ukrainë dhe Rusi, Kisha ka bashkëpunuar me Programin e Zhvillimit të Kombeve të Bashkuara [PNUD] për të siguruar ushqime, shtresa e mbulesa, veshmbathje dhe artikuj higjienikë vetjakë për 30.000 njerëz të zhvendosur gjatë trazirave civile.

• Në Sierra-Leone dhe Liberi, Kisha ka përfshirë 1.600 vullnetarë vendorë që të japin trajnim lidhur me mënyrën se si të shmanget ebola dhe siguroi ushqime dhe furnizime bazë sanitare e mjekësore.

• Pas përmbytjeve të shkaktuara nga një muson i rëndë në Pakistan dhe Indi, Kisha siguroi ushqime, paketa higjienike dhe furnizime mjekësore.

• Në Tonga, një ciklon shkatërroi qindra shtëpi, duke përfshirë shtëpitë e 116 familjeve anëtare. Anëtarët do të ndihmojnë për rindërtimin e shtëpive të tyre. Ata marrin trajnim rreth mënyrës se si t’i ndërtojnë strehimet e veta dhe më pas u kërkohet që të ndihmojnë të paktën katër njerëz të tjerë për ndërtimin e shtëpive të tyre. Kisha gjithashtu po i rivendos të korrat dhe po siguron trajnim në ngritjen e kopshteve shtëpiake.

• Në Meksikë, kur një uragan i la të dëmtuara ose të shkatërruara mijëra shtëpi, udhëheqësit vendorë të Kishës siguruan ushqime dhe ujë për anëtarët e ndikuar dhe Kisha bashkëpunoi me qeverinë shtetërore që të shpërndante paketa ushqimore.