Pagsaulog sa Family Home Evening
Niadtong 1915, ang mga propeta sa ulahing adlaw mitambag kanato sa paggahin og usa ka gabii sa semana alang sa atong mga pamilya. Gitawag kini og “home evening” sa sinugdanan—usa ka panahon sa pagkat-on sa ebanghelyo ug maglingaw-lingaw og dungan, samtang naglig-on sa atong yutan-on ug mahangturong mga koneksyon.
Paglabay sa usa ka gatus ka tuig, nagpadayon ang family home evening aron pagtabang kanato sa pagtukod og mga pamilya nga molungtad hangtud sa kahangturan. Misaad ang mga propeta nga pinaagi niini, mas talagsaong hugot nga pagtuo ug espirituhanong kalig-on molambo diha sa atong mga kasingkasing, ug mas dakong proteksyon, panaghiusa, ug kalinaw magpabilin sa atong mga panimalay.
Kitang tanan sakop sa usa pamilya dinhi sa yuta ug kabahin sa pamilya sa atong Amahan sa Langit. Bisan asa kita sa kalibutan ug bisan unsa ang atong mga kahimtang sa kinabuhi, mahimo kitang mosaulog ug moapil sa family home evening.
Sa wala: Ang pamilyang Moua bag-ohay lang mibalhin ngadto sa Thailand, diin sila nakakat-on sa ebanghelyo ug nabunyagan. Alang sa family home evening sila magtuon sa Basahon ni Mormon, sa ilang lumad nga pinulongang Hmong, ug Thai, ang pinulongan sa ilang bag-o nga panimalay.
Sa ubos: Ang paglingaw-lingaw ug pagdula usa ka paagi nga ang pamilya nga Santos sa Portugal nagmugna og suod nga pakighigalaay sa family home evening.
Sa tuo: Pamilya nagpasabut og labaw pa kay sa mga inahan, amahan, ug mga anak sa Democratic Republic of Congo. Mao nga sa dihang si Brother Suekameno mopundok sa iyang pamilya alang sa home evening, daghan sa taga barangay mibati nga welcome sa pag-apil.
Sa ibabaw: Si Sister Gercan sa Pilipinas naggamit og mga kanta sa Primary ug sa tradisyonal nga mga musika sa pagtudlo sa iyang mga anak sa hingpit nga kalipay sa ebanghelyo.
Sa ibabaw: Ang pamilyang Anderson, gilitratohan dinhi sa kusina sa ilang panimalay sa Georgia, USA, ganahan nga maghimo og mga cookie. Sila usahay mogamit niini isip kabahin sa usa ka leksyon o yano nga makaon.
Sa ibabaw: Si Brother ug Sister Reynolds sa Washington, USA, nangita og mga paagi sa yanong pagtudlo sa ebanghelyo aron ang ilang gagmayng mga bata makakat-on ug makasabut.
Sa tuo, gikan sa ibabaw: Ang pamilyang Espinoza sa Bolivia naglakip sa ilang tinahud nga lola sa family home evening samtang manganta sila ug magkat-on sa ebanghelyo.
Alang sa pamilyang Jin sa Georgia, USA, ang family history usa ka paborito nga home evening nga kalihokan. Malingaw sila sa pagtudlo sa ilang mga anak mahitungod sa ilang Koreano nga panulundon.
Ang pamilyang Ligertwood sa Australia usahay mag-outing isip kabahin sa family home evening, pagsuhid sa matahum nga mga bahin sa ilang siyudad.