Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.
“Pagsaulog sa Family Home Evening,” pahina 26: Bisan wala gayud makapalta og usa ka semana o mao kini ang inyong unang pagsulay, hunahunaa ang paghimo og espesyal nga family home evening sa pagpasidungog sa family home evening! Mahimo kamong magbasa sa artikulo aron makita kon sa unsang paagi ang mga pamilya libut sa kalibutan malingaw sa paggahin og panahon uban sa usag usa samtang nagkat-on sa ebanghelyo. Hunahunaa ang paghisgot kon sa unsang paagi ninyo maangkon ang inyong tumong sa paghimo og family home evening. Unsaon kaha ninyo sa pagpahaum niini sa panginahanglan sa inyong pamilya? Mahimo kamong mopasalig pag-usab isip pamilya sa paghimo niining 100-ka tuig nga tradisyon nga prayoridad sa inyong kaugalingong panimalay, bisan pa sa inyong sitwasyon.
Paghulagway pinaagi ni Mark Robison
“Pagpangita og Tabang,” pahina 72: Ikonsiderar ang pagbasa sa artikulo isip usa ka pamilya ug dayon maghisgot sa mosunod nga mga pangutana: (1) Unsa nga matang sa mga hulagway o media nga mahimong makita sa mga bata? (2) Hain niini ang dili maayo nga atong tan-awon o tutukan? (3) Unsay buhaton sa matag tawo sa usa ka sitwasyon diin sila makakita o makadungog og usa ka butang nga dili nila angay nga tan-awon o paminawon? Hisguti ang mga paagi gikan sa “Pastilan! Karon Unsa? “sa pahina 74 kon kamo nagkinahanglan og tabang sa mga ideya (pagpalayo gikan sa mga sitwasyon, pakig-istorya sa mga ginikanan, pagserbisyo, ubp.).