Panahon sa Kasulatan
Si Pedro, Cornelio, ug ang Anghel
Ang tagsulat nagpuyo sa Utah, USA.
Pagkat-on mahitungod sa Bag-ong Tugon niining tuiga!
Human si Jesus nabanhaw ug mibalik sa langit, si Pedro ug ang ubang mga Apostoles misangyaw sa daghan nga mga dapit, apan sa katawhang Judeo lamang.
Si Cornelio mao ang usa ka opisyal sa kasundalohan nga Romano. Mituo siya sa Dios, apan dili siya Judeo. Usa ka anghel nagpakita ngadto kaniya ug misulti kaniya nga ipapangita si Pedro. Si Cornelio mipadala sa iyang mga tawo sa pagpangita ni Pedro, ug ang Espiritu Santo misulti kang Pedro sa pagkuyog kanila.
Sa balay ni Cornelio, si Pedro nagtudlo sa daghang mga tawo kinsa nagpundok didto. Siya misulti kanila kabahin sa ebanghelyo ni Jesukristo, ug sila mibati sa Espiritu Santo ug sila nasayud nga kini tinuod. Sa dihang ang mga higala ni Pedro nakahibalo nga siya misangyaw ngadto sa mga tawo nga dili Judeo, sila nakugang. Apan si Pedro misulti kanila nga siya nakakat-on nga ang ebanghelyo ni Jesukristo alang sa tanan. (Tan-awa sa Mga Buhat 10:1–48; 11:1–18.)
Wala: paghulagway pinaagi ni Craig Stapley; tuo: detalye gikan sa Imahe ni Kristo, ni Heinrich Hofmann, sa maayong kabubut-on sa C. Harrison Conroy Co.