Pastilan! Karon Unsa Man?

Imahe

Product Shot from October 2015 Liahona

Kini mahimong mahitabo bisan asa—sa panimalay, sa eskwelahan, o sa balay sa usa ka higala. Sa kalit lang ikaw makakita og usa ka butang nga ikaw nasayud nga dili maayo—sa telepono, TV, computer, o sa game device, o sa usa ka basahon o magasin. Karon unsa ang imong mabuhat aron mobati nga mas maayo?

• Palayo gikan niini. Palunga kini. Ibutang kini. Isipa kini nga mora og hilo sa imong utok—tungod kay mao kana kini.

• Sultihi ang imong mama o papa. Ang mga ginikanan nasayud sa labing maayo, ug sila gusto nga motabang kanimo nga luwas ug malipayon. Ayaw kaulaw. Unsay nahitabo nimo nahitabo na hapit sa tanan.

• Kanunayng isulti. Makatabang kanimo ang pagsulti sa imong mama o papa kon ikaw dunay nakita nga nakapahimo nimo nga mobati nga dili komportable. Ang mga ginikanan makatabang kanimo sa paghimo og plano aron sa pagpanalipod sa imong kaugalingon gikan sa pagtan-aw sa mga butang nga dili angay. Kon ikaw mobati nga nalit-ag, nabalaka, o ikaw ganahan nga motan-aw pag-usab sa butang nga dili angay, siguroha ang pagsulti usab kanila bahin niini.

• Ayaw lang paglingkod diha. Pagtan-aw o pagbasa og butang nga maayo. Paghimo og butang nga aktibo. Paghimo og maayong buhat. Pakig-uban sa pamilya o mga higala.

• Hinumdumi kinsa ka. Dili ka ngil-ad tungod sa imong nakita. Ikaw anak sa Dios, ug Siya nahigugma kanimo ug gusto nga motabang kanimo nga luwas ug malipayon.

• Biyai kana. Hunahunaa ang imong kaugalingon nga mipalupad og balloon ug nagtan-aw niini nga mipalayo. Paningkamot nga ma-relaks ug papahawaa gikan sa imong hunahuna unsay imong nakita. Karon hunahunaa ang templo, ang imong pamilya, o lain pang butang nga gusto nimong makita.