Hangtud sa Sunod Natong Panagkita
Ang Dalan Padulong sa Kahilwasan [Safety]
Ni Presidente Henry B. Eyring
Unang Magtatambag sa Unang Kapangulohan
Gikan sa “Finding Safety in Counsel,” Liahona, Hulyo 1997, 23–25.
Usa sa mga pamaagi nga atong masayran nga ang usa ka pasidaan gikan sa Ginoo mao nga ang balaod sa mga saksi, gitugutan nga mga saksi, gipangamuyo.
Ingon og walay katapusan ang tinguha sa Manluluwas nga mogiya kanato ngadto sa kaluwasan sa kakuyaw. Ug adunay kamakanunayon diha sa paagi nga Siya magtultol kanato sa dalan. Siya magtawag sa daghan nga pamaagi aron nga kini moabut niadtong andam nga modawat niini. Ug kadto nga mga pamaagi kanunayng naglakip sa pagpadala sa mensahe pinaagi sa baba sa Iyang mga propeta bisan asang dapit nga ang katawhan angayan nga adunay propeta sa Dios diha kanila. Kadtong awtorisado nga mga sulugoon kanunay nga gisangunan sa pagpasidaan sa mga katawhan, nagsulti kanila sa dalan padulong sa kahilwasan.
Sa dihang ang tensyon misaka didto sa amihanang Missouri, USA, sa tinglarag niadtong 1838, si Propeta Joseph Smith mitawag sa tanang mga Santos sa pagpundok ngadto sa Far West alang sa proteksyon. Daghan ang diha sa hilit nga mga umahan o sa nagkatibulaag nga pinuy-anan. Siya piho nga mitambag ni Jacob Haun, magtutukod sa usa ka gamay nga pundok sa pinuy-anan nga gitawag og Galingan ni Haun. Usa ka rekord sa nakasaksi niana nga panahon naglakip niini: “Si Brother Joseph mipadala og pahibalo ni Haun, kinsa nanag-iya sa galingan, aron sa pagpahibalo sa mga kaigsoonan nga nagpuyo didto nga mobiya og moadto sa Far West, apan sa Mr. Haun wala mohatud sa mensahe” (Philo Dibble, sa “Early Scenes in Church History,” sa Four Faith Promoting Classics [1968], 90). Sa wala madugay, si Propeta Joseph Smith mirekord sa iyang kasaysayan: “Hangtud niining adlawa gihatag sa Dios kanako ang kaalam aron sa pagluwas sa mga tawo kinsa maminaw og tambag. Walay bisan usa nga napatay sukad kinsa [mipatalinghug] sa akong tambag” (History of the Church, 5:137). Dayon ang Propeta mirekord sa subo nga kamatuoran nga masalbar pa unta ang mga inosenting kinabuhi sa Galingan ni Haun kon nadawat pa unta ang iyang tambag og nasunod.
Sa atong panahon, kita napasidan-an sa tambag kon asa makakita og kaluwasan sa kakuyaw gikan sa sala ug sa kasub-anan. Usa sa mga yawe sa pag-ila niining mga pasidaan mao nga kini gibalik-balik. Sama pananglit, sobra sa makausa niining komperesya, inyong nadungog ang atong propeta nga miingon nga siya mikutlo sa nag-unang propeta ug busa nahimong ikaduhang saksi ug usahay mahimong ikatulo. … Ang Apostol nga si Pablo misulat nga “Ang bisan unsa nga sumbong kinahanglan paluyohan sa pagpanghimatud sa duha o tulo ka mga saksi” (2 Mga Taga-Corinto 13:1). Usa sa mga pamaagi nga atong masayran nga ang usa ka pasidaan gikan sa Ginoo mao nga ang balaod sa mga saksi, gitugutan nga mga saksi, gipangamuyo. Kon ang mga pulong sa propeta ingon og magbalikbalik, kinahanglan nga ibutang diha ang atong pagtagad ug mopuno sa atong mga kasingkasing sa pasalamat nga nagpuyo sa usa ka bulahan nga panahon. …
Ang atong Langitnong Amahan nahigugma kanato. Iyang gipadala ang Iyang Bugtong Anak nga mahimo natong Manluluwas. Siya nasayud nga sa mortalidad kita maanaa sa kakuyaw, ang kinagrabehan niini naggikan sa mga tintasyon sa grabe nga kaaway. Mao kana ang usa sa rason nganong ang Manluluwas naghatag sa yawe sa priesthood aron kadtong adunay mga dunggan nga makadungog ug hugot nga pagtuo sa pagsunod makapahimutang ngadto sa lugar nga luwas sa kakuyaw.