O Tiaki! Ngkai Tera?

Tamnei

Product Shot from October 2015 Liahona

E kona n riki n taabo nako—n te mweenga, n te reirei, ke n ana auti raoraom. N te tai ae waekoa ko ataia e aki raoiroi—iaon te tareboon, TV, kaombiuta, ke te bwai n takakaro, ke n te boki ke n te makatiin. Ngkai tera ae ko kona ni karaoia bwa ko na namakina te marurung?

• Kararoako mai iai. Tiringnga. Karuoa inano. Karaoia n ae e na kaboitina kaburorom—ibukina bwa bon anne arona.

• Tuanga tinam ke tamam. A rang ataiko am karo, ao a tangiria ni kan buokiko bwa ko na mano ao ni kukurei. Tai maama. Tera ae riki nakoim n taai tabetai nakoia aomata n tatabemaniia nako.

• Kateimatoa te taetaenikawai E na bae ni buokiko n tuanga tinam ke tamam ngkana te bwai are ko nooria n te boong anne e kamweengabuakako. Kaaro a kona ni buokiko ni karaoa te babaire ni kamanoko man noorakin bwaai aika aki riai. Ngkana ko namakinna bwa ko a mwane, ke ko tangiria ni kan manga noora riki te bwai ae aki riai, koaua raoi bwa ko tuangiia naba anne.

• Tai tii tekateka ikekei. Mataku ke wareka te bwai ae raoiroi. Karaoa te bwai ae maiu. Karaoa te mwakuri ae raoiroi. Meena ibuakoia am utu ke raoraom.

• Uringnga bwa antai ngkoe. Ko aki buakaka n te bwai are ko nooria. Ngkoe natin te Atua, ao E tangiriko ao n tangiria ni buokiko bwa ko na mano ao ni kukurei.

• Kanakoa. Iangoiko ni kanakoa te katibu ao ni matakuakinna ni beibeiti nako. Kataia ni motirawa ao ni kariaia te bwai are ko nooria bwa e betinako man am iango. Ngkai iangoa te tembora, am utu, ke te bwai riki are ko tangiria n nooria.