Te Tai ni Wewete n te Tareboon

Tamnei

Illustration depicting a woman and young woman talking on their cell phones.

N rikirakeu, I aki kakoaua ae iai te Atua. E onrake maiu n te mangaongao, ao n au boong aika rang kanganga I nanokawaki are I a tangiria ni katoka maiu. Anne ngke a roko ni karebwerebwe mitinare iaon au mataroa. Te euangkerio boni ngaia raoi are I rang kainnanoia, I rang katikaki nakon aia reirei kanga ai aron korakoran te maekineti.

E aki toki kataakiiu imwiin kaainakin te Ekaretia, ma e tamaroa riki ngkai I a ko na n totokoa a na kariiri teuare e buakaka. N te moan tai iaon maiu, I ataia bwa aekakira aron te kukurei.

Ma e ngae n anne,te nanokawaki e aki bebete aron iangoana. N te taina ao e a bwara nanou. N te tai anne Titita Ting, buun te bitiobi, e weteai. E tuangai bwa iai ana namamkin bwa e riai ni weteai. E titiraki bwa I uara. I karakin nakoina bwaai ake a bane n riki. Nakoiu, bon te anera ae e karokoaki mairoun te Atua.

Anne te bwai ane e riki are e anganai te korakora are I kainnanoia. E kakorakoraaki au onimaki. I namakinna bwa I kona n tokanikai iaon te mate. I namakina te kamanoaki, n aron are e taekinaki n Aramwa 36:2–3:

“Bwa a bon kabureaki, ao akea ae e kona ni kainaomataia ma tii … te Atua. …

“… Bwa ane e onimakina te Atua ao e na bon boutokaki n rawawataia, ma aia kaangaanga, ma karawawatakiia, ao a na tabekakirake n te kabanea ni boong.”

I teimatoa ni karekei kataaki, ma N na bon aki manga konaaki riki. E a tia ni boutokaai te Atua rinanon kataakiu ma raraomau ni kabane. E a tia ni kamaiuai man te karabuti n tamnei ao te tautoronaki, ao te mate naba. Boni Ngaia au Tia Kamaiu.