Tera ae ko tangiria riki ibukin rikim bwa kaain te Ekaretia?

Tamnei

Product Shot from October 2015 Liahona

I tangira are n tain te toa bwa ti anaa te kariki ao te ran bwa kanuringan Iesu Kristo. Te kariki e kauringiira ibukin rabwatana, ao te ran e kauringiira ibukin raraana. Ngkana ti anaa te toa, ti kona ni kamatuui matara ao n iangoi baike e karaoi Iesu ibukira.

Ava J., ana ririki 9, North Carolina, USA

I tangiria n reiakinna bwa utuu a kona n ikotaki n aki toki. (Renee)

I kona ni karekeia raoraou, I kona ni wareki booki aika tabu ni katoa boong, ao I kona n reiakina te euangkerio. (Ralph)

Renee ao Ralph E., aia ririki 9 ao 10, Metro Manila, Biribin

I tangiria ngkana I namakina te Tamnei ae Raoiroi. I kona n namakina te Tamnei ae Raoiroi n ae bati n te kakauongo nakon taian taetae ao taian reirei. I namakinna naba ngkana I buokiia tabeman.

Kaylee C., ana ririki 7, Virginia, USA

Te bwai ae mamate nanou iai are ti kona n reiakinna ao n takakaro iai n te tai ae ti te arona, ao ti kona n reiakina rongorongon riki Iesu Kristo. I tangiria n reiakina rongorongona ibukina bon Ngaia au Tia Kamaiu. (Liz)

I tangiria n reiakina rongorongo Iesu, ao I ataia bwa e tangiriira. (Lalo)

Liz ao Lalo S., aia ririki 8 ao 6, California, USA

I tangiria n nako n te Buraimwari ao n anenei taian kuuna.

Hayden H., ana ririki 5, Utah, USA

I tangiria n reiakina rongorongon Iesu Kristo, ao I tangiria n nako n te Buraimwari ao ni karekeia raoraou.

Catherine W., ana ririki 7, North Carolina, USA

I tangira are a reke raoraou aika mwaiti aika boou ao I kona n reireiniia raoraou ake tiaki kaain te aro. I karekea au tai n ongora n te maungatabu ni kabuta ao ni kakauongo iroun te burabeti ao Abotoro ake a taetae. Bootakin te utu n te tairiki e boni kaunga naba ibukina n tabetai ti nako n aitikuriim. Kangkang!

Savannah H., ana ririki 12, Washington, USA