Mga Istorya sa Basahon ni Mormon
Si Haring Benjamin Nagtudlo sa Iyang Katawhan
Gikan sa Mosiah 2–5.
Sa una dihay usa ka maayo nga hari nga ginganlan og Haring Benjamin. Siya mitudlo sa iyang katawhan sa pagsunod sa Dios aron sila makabaton og kalinaw.
Si Haring Benjamin nagkatigulang na. Iyang gihatag sa iyang anak nga si Mosiah ang mga kasulatan ug ang kompas nga gitawag og Liahona. Gusto niya nga ampingan kining importante nga mga butang.
Gusto ni Haring Benjamin nga mamulong ngadto sa iyang mga katawhan sa dili pa siya mamatay. Siya mihangyo kanila nga moadto sa templo.
Ang mga tawo miabut gikan sa tibuok yuta. Sila mitukod sa ilang mga tolda uban sa ilang mga pamilya. Unsa kaha ang isulti sa hari ngadto kanila?
Ang mga tawo mihangad ug nakakita sa hari nga nagbarug sa usa ka tore. Dayon ang hari misugod sa pagpamulong.
Si Haring Benjamin misulti sa mga tawo kon unsay gusto sa Langitnong Amahan nga ilang masayran. Siya misulti kanila mahitungod ni Jesukristo. Siya misulti kanila sa pagsunod sa mga sugo ug sa pagtabang sa ubang mga tawo. Dayon sila pagatawgon nga mga sumusunod ni Kristo. Ug sila mahimo nga makapuyo pag-usab uban sa Langitnong Amahan!
Karon ang atong propeta nagtudlo kanato unsay gusto sa Langitnong Amahan nga atong mahibaloan aron kita makapuyo pag-usab uban Kaniya.