Mas Daghan ang Pagkaparehas kay sa Pagkalahi

Imahe

older sister and younger sister

Atol sa usa ka tinipon nga Young Women ug Relief Society nga kalihokan, usa ka 18 anyos nga Laurel ug 81-anyos nga babaye gihangyo sa paghisgot sa una nilang pakig-date. “Ang duha nahimuot sa katingala nga may pagkapareha ang ilang duha ka mga kasinatian nga may mga dekada ang gintang.”¹ Nadiskubrihan nila nga sila dunay mas daghan nga pagkapareha kay sa ilang gituohan.

Ang pag-uswag gikan sa Young Women ngadto sa pagka-Relief Society ingon og makakulba, ug usahay, makahadlok. Isip usa ka batan-ong babaye, tingali makapangutana mo sa inyong kaugalingon, “Duna ba koy butang nga komon niining mas magulang nga mga babaye? Duna bay dapit para nako sa Relief Society?”²

Ang tubag niana nga mga pangutana mao ang lanog nga oo! Sama sa duha ka mga babaye niana nga istorya, mahimong makit-an ninyo nga mas daghan ang komon sa usag usa kay sa inyong gituohan. Ug “oo” dunay usa ka dapit alang ninyo diha sa Relief Society. Apan, sama sa tanang mga pag-uswag sa kinabuhi gikan sa usa ka ang-ang ngadto sa lain, kinahanglan nga magtinabangay kita aron molampus.